1. Mose 1:2 - O Debleskro Lab 2024 (Sinte-Manouche)

² Har i phoub kerdo vas, his či koy pre. Kek djipen his koy. His rati oun zorelo pani his pral halauter. Oun o Debleskro dourho his pral o pani.

O Debleskro Drom 2021 (Sinte)

² Har i phub kerdo was, his tchi koi pre. Kek djipen his koi. His rati un sorelo pani his pral halauter. Un o Debleskro ducho his pral o pani.

1. Mose 1:2 Iomraidhean Croise

Hiob 26:14

Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

Hiob 26:7

O Devel kras o bolepen bourhles pral kova, kay či hi, oun pandas i phoub kote pre, kay či hi.

Hiob 38:9

Me homs kova, kay leske i ripen dran volke kras, oun kale volke pral leste čivas.

Debleskri gili 104:30

Tou te bičreh tiro djipaskro dourho, venn le kerdo, oun tou deh nevo djipen ap i phoub.

Debleskri gili 104:6

I panya čakran lat har i ripen, oun o pani his pral haki berga tardo.

Debleskri gili 136:6

Yob čivas i phoub pral o pani vergel. Leskro lačepen ačella hako tsireske!

Debleskri gili 148:7

Sharenn o baro Debles, t'mer kay han tele ap i phoub: bare panyengre firhe oun lauter, hoy an i telstoune panya djivella;

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Gosewe laba 8:24

Har i bare panya gomme gar koy his, vom boldo. Har i tikne panya gomme gar nashan, homs me.

Jesaja 31:5

Har čirkle pengre moussya pral pengre ternende rikrenn, yaake rikrell o baro Devel peskre vasta pral o foro Yerusalem. Yob, ko ray pral o bolepen oun i phoub, vell ap leskri rig, oun lell les vin dran i bibarht, te vell leske kek čilačepen, oun kek vavar bouder o ray pral leste hi.

Jesaja 45:18

O baro Devel hi o Devel, kay o bolepen kras. Yob hi o Devel, kay i phoub kras oun zoreles pre čivas. Yob kras lat gar yaake, te nay djivell či koy pre. Na-a, yob kras lat yaake, te vell djipen ap late. Yob penell: Me hom o baro Devel, oun dell kek vavar Devel har man!

Jeremia 4:23

Me dikom ap kay phoub. Koya his moulo. Kek djipen his koy. Me dikom an o bolepen. Kova his tamlo.

Nahum 2:10

T'mer lourde, randenn roup, randenn sonakay! O foro hi pherdo bravlepen, pherdo kouč koova!

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

5. Mose 32:11

Yob his har i adlari, kay peskre ternen vin anell dran lengri nesta, oun pral lende djal. Te venn le khino, djal lo tel lende, krell peskre moussya bourhles pre, oun hidjrell len ap peskre moussya.