1. Mose 1:14 - O Debleskro Lab 2024 (Sinte-Manouche)

¹⁴ Oun o Devel penas, te venn momlia an o bolepen, hoy sikrenna: Kanna hi dives, oun kanna hi rati. Kolla sikrenna ninna: Kanna vell niyal, kanna vell o vend. Kanna vell i baro dives, kanna i nevo bersh.

O Debleskro Drom 2021 (Sinte)

¹⁴ Un o Dewel penas, te wenn momlia an o bolepen, hoi sikrenna: Kanna hi diwes, un kanna hi rati. Kolla sikrenna ninna: Kanna well nijal, kanna well o wend. Kanna well i baro diwes, kanna i newo bersh.

1. Mose 1:14 Iomraidhean Croise

1. Mose 1:13

Oun vas rati oun pale taysarlakro. Kova his o triinto dives.

1. Mose 1:15

Yon hi an o bolepen tardo, te denn le momeli ap i phoub. Oun kova vas yaake.

1. Mose 8:22

Yaake rah, har i phoub koy hi, vitsrenn le djob ap i phoub oun anenn le pale nevo djob dren. Yaake rah, har i phoub koy hi, ačenna shilapen oun tatepen, niyal oun vend, dives oun rati.”

1. Mose 9:13

Me čivom miro brishineskro bogo an o bolepen. Te dikenn les, djinenn t'mer, kay vell bouder gar savo baro pani pral i phoub.

Hiob 25:3

Kek nay ginell kitse bolepangre lourde les hi. Kek hi koy, pral koleste leskro kham gar pre djal.

Hiob 25:5

Ninna o čon oun i bolepangre momlia hi gar djoudjo glan leskre yaka.

Hiob 3:9

Koy rati te ačell kalo, kek bolepaskri momeli djal pre taysarlakro. Koy rati mou dikell pal o dives – oun kova vell gar. O kham djal gar pre.

Debleskri gili 119:91

Yaake har tou kamal, hi li gomme kava dives tardo. Lauter ap i phoub hounte krell, hoy tou kameh.

Debleskri gili 148:3

T'mer, kham oun čon, sharenn les! Ninna t'mer bolepangre momlia, sharenn les!

Debleskri gili 148:6

Yob čivas len ap pengro drom. Oun kote ačenn le hako tsireske. Yob penas lenge, har dour nay djan le, oun yon nay stakrenn gar vergel.

Debleskri gili 150:1

Halleluya! Sharenn o Debles an peskro baro kheer! Sharenn les, ko zoreles an o bolepen!

Debleskri gili 81:3

Givenn leske Debleskre gilya! Denn ap i pauka! Bashrenn ap i doryengre bashepangre!

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

Jeremia 10:2

Kova penell o baro Devel: Ma djan i dromma, hoy i menshe an vavar themma djana! Yon darenn glan o sikepen, hoy krenn i momlia ap o bolepen. T'mer hounte darenn kova gar.

Jeremia 31:35

Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

Jeremia 33:20

Kova penell o baro Devel: Pal o dives vell i rat. Yaake, har kek nay krell kova vavarčandes,

Jeremia 33:25

Doleske penell o baro Devel: Yaake har krau me gar i tsirya vavarčandes, oun pal o dives i rati vella,

Ezekiel 46:1

Kava penell o baro Devel, maro ray: Ko voudar glan i tikni glanstouni platsa ap koy rig, kay o kham pre djal, kova ačell pandlo ap kol shob divessa, kay boudrenn le. Ap o eftato dives – ko Debleskro dives – vell lo pre kerdo, ninna ap o dives, kay o nevo čon diklo vell.

Ezekiel 46:6

Ap o dives, kay vell o nevo čon diklo, anell o ray yek terno gouroum oun shob terne bakre – halauter hounte venn sasto – te venn le maredo oun rhačedo o Debleske.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Amos 5:8

O baro Devel kras o bolepangre momlia, kol momlia, hoy sikrenn: o vend vell oun i niyal vell. Dran i rat krell yob o dives, oun dran o dives i rat. Dran o baro pani lell yob o pani oun čorell les ap i phoub. Yob kharell Baro Devel.

Amos 8:9

O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

Mateo 2:2

“Kay hi o ternepen, kay vell o baro ray pral i biboldende? Mer dikam ko bolepaskri momeli ap o bolepen pre te djal, hoy mende sikras, kay yob boldo vas. Kanna vam kate, te mangas les an.”

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Markus 13:24

An kol divessa pal ko čilačo tsiro, vell o kham kalo har i rat, oun o moonto dikell kek bouder.

Louka 23:45

Oun o voudar an o Debleskro baro kheer, kay his kerdo dran kouč pesso than, koya djas an douy kotya mashkral paash.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.

Debleskro tsiro 8:12

Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

Debleskro tsiro 9:2

Koy vas i yagakri khand dran o telstunepen vin, har i yagakri khand dran i baro bob vin vella. Oun koy yagakri khand hadas pes pre, oun čakras o kham oun o bolepen, yaake te vas rat.