Oun dran i phoub vas zenlepen vin. Hako zenlepen moukas peskro tikno djob bares te vell, yaake te vell lestar pale nevo zenlepen. Ninna rouka van baro. Hako rouk hidjras peskre roukengre, an kolende tikno djob hi, yaake te venn lendar pale neve rouka baro. Oun o Devel dikas, kay kova mishto hi.
Oun o Devel penas, te venn momlia an o bolepen, hoy sikrenna: Kanna hi dives, oun kanna hi rati. Kolla sikrenna ninna: Kanna vell niyal, kanna vell o vend. Kanna vell i baro dives, kanna i nevo bersh.
Penell o Yezous ap leste: “Čačepah, me penau touke: Kay rati dell o bashno gar o douyto kopo gole yaake rah, har tou gar triin kope penal, te prindjreh man gar.”