1. Mose 1:12 - O Debleskro Lab 2024 (Sinte-Manouche)

¹² Oun dran i phoub vas zenlepen vin. Hako zenlepen moukas peskro tikno djob bares te vell, yaake te vell lestar pale nevo zenlepen. Ninna rouka van baro. Hako rouk hidjras peskre roukengre, an kolende tikno djob hi, yaake te venn lendar pale neve rouka baro. Oun o Devel dikas, kay kova mishto hi.

O Debleskro Drom 2021 (Sinte)

¹² Un dran i phub was senlepen win. Hako senlepen mukas peskro tikno djob bares te well, jaake te well lestar pale newo senlepen. Ninna ruka wan baro. Hako ruk hidjras peskre rukengre, an kolende tikno djob hi, jaake te wenn lendar pale newe ruka baro. Un o Dewel dikas, kai kowa mishto hi.

1. Mose 1:12 Iomraidhean Croise

1. Mose 1:11

Oun o Devel penas: “Mou vell hako zenlepen dran i phoub vin, an koleste hi tikno djob dren, yaake te vell lestar pale nevo zenlepen. Mou venna ninna rouka dran i phoub vin, kolendar hakeno peskre roukengre hidjrella. An kolende hi tikno djob, yaake te vell lendar pale neve rouka baro.” Oun yaake vas kova.

1. Mose 1:13

Oun vas rati oun pale taysarlakro. Kova his o triinto dives.

Debleskri gili 104:14

Tou moukeh i firhenge o khass bares te vell, oun djob oun zenlepen i menshenge. Yaake anell lenge i phoub lengro rhapen vin:

Jesaja 61:11

Yaake har moukell i phoub o zenlepen pre te djal, oun bares te vell, yaake moukell o baro Devel, maro ray, o čačepen pre te djal, oun maro sharepen bares te vell pash i menshende an i tsele themma.

Markus 4:28

I phoub krell pestar, te vell lauter baro. O zenlepen vell vin, palle baro oun bareder, oun vell pherdo tikno djob.

Louka 6:44

Tou prindjreh nay o rouk ap kova, hoy ap leste baro vella. Ap i soubyengro rouk venna kek fayge baro. Vitar gar venna drake baro ap soubyengre bourra.

2. Korintarja 9:10

O Devel, kay dell o harhes i djob, ninna o maro rhapaske, kova dell t'men ninna, oun krell boudeder dran kova, hoy t'men hi, yaake te vell boud lačepen dran kova, hoy t'mer krenna.

Galatarja 6:7

Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale.

Hebrearja 6:7

Mer menshe ham har i phoub, ap late boud kope o brishin das. O Devel dikell lačes ap koleste, kay hi har koy phoub, hoy lell o brishin an peste dren, oun anell lačo koova vin kolenge, kay boudrenn koy.