1. Johanni 5:3 - O Debleskro Lab 2024 (Sinte-Manouche)

³ Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.

O Debleskro Drom 2021 (Sinte)

³ Maro kamlepen o Debleske sikrell pes, te krah mer kowa, hoi job menge penella. Un kowa, hoi job menge penella te kras, kowa hi gar pharo.

1. Johanni 5:3 Iomraidhean Croise

2. Rajengro liil 18:6

Yob rikras pes ap o baro Debleste oun moukas lestar gar tele, oun rikras pes ap leskre tsele laba, kay o baro Devel o Moseske penas.

Debleskri gili 119:140

Tire laba hi lačo oun čačo, oun me, tiro boudepaskro, kamau len miro tselo djiyeha.

Debleskri gili 119:45

Hoy tou mange penal, krau me. Doleske djau barhteles miro drom.

2. Mose 20:6

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.

Gosewe laba 3:17

O gosvepen anell ap shoukar dromma, kay dell kek čingepen.

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Mateo 23:4

Oun yon krenn i menshenge o djipen pharo. Ko tselo koova, hoy kolla hounte rikrenn, hi har i pharo gono ap lengri phik. I čačepangre oun i Farisarya kokres rikrenn pen gar ap kova.

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 15:14

Te krenn t'mer, hoy me t'menge penom, han mire mala.

Remarja 7:12

Mer djinah: O Moseskre laba venna o Deblestar. Lauter, hoy yob mendar kamella, vell lestar, oun hi čačo oun lačo.

Remarja 7:22

Miro dji kamell te krell, hoy o Devel penella.

5. Mose 5:10

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har zerya familye yek pal i vavar djivenn.

5. Mose 7:9

Djinenn: t'maro baro Devel hi kokres o čačo Devel. Yob rikrell peskro lab, oun hoy lo t'mentsa vin kras. Lačepen oun kamlepen dell lo kolende, hoy les o djiyestar kamenn oun krenn, hoy lo penell. Ninna lengre čavenge, kay pal lende venna, hi lo lačo, yaake rah har seri familye yek pal i vavar djivenn.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

1. Johanni 2:3

Mer te krah kova, hoy o Devel menge penas, te kras, djinah mer, te prindjrah les.

2. Johanni 1:6

Te krah mer kova, hoy o Devel penas, sikrah mer, kay kamah les. Oun kova, hoy yob penas, te kras, shounan t'mer, har van patsle.