1. Johanni 4:5 - O Debleskro Lab 2024 (Sinte-Manouche)

⁵ I rhorhene rakepangre hi menshe kay phoubyatar. Doleske rakrenn le har i menshe, kay prindjrenn o Debles gar. Oun i menshe shounenn ap lende.

O Debleskro Drom 2021 (Sinte)

⁵ I chochene rakepangre hi menshe kai phubjatar. Doleske rakrenn le har i menshe, kai prindjrenn o Debles gar. Un i menshe shunenn ap lende.

1. Johanni 4:5 Iomraidhean Croise

Debleskri gili 17:4

Yaake har i menshe krenna, krau me les gar. Me rikrau man ap tire laba, oun djau gar ap čilače dromma.

Jeremia 29:8

O baro Devel, ko ray pral o bolepen oun i phoub, kay o Israeleskro Devel hi, kova penell: Ma moukenn t'men te rhorhell kolendar, kay penenn glan-vi, hoy vella: kol rakepangre, kay pash t'mende hi, oun kol dourkepangre. Ma shounenn ap lengre sounya!

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Micha 2:11

Te voms me i morsh, kay nashell o dourho palla, oun rakroms o rhorhepen, oun me penoms: “Piyenn boud mool oun vavar pipen!” Palle penans t'mer mandar: “Havo lačo rakepaskro hi kava morsh!”

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Johanni 17:14

Me penom lenge tire laba. Yon hi gar kay phoubyatar, yaake har me hom vitar gar kay phoubyatar. Doleske hi i menshe ap kay phoub rhoyemen ap lende.

Johanni 17:16

Yon hi gar kay phoubyatar, yaake har me hom vitar gar kay phoubyatar.

Johanni 3:31

Kova, kay vas o Deblestar, hi o ray pral lauter. Kova, kay vell i phoubyatar, rakrell pral kova, hoy ap i phoub djala. Kova, kay vas dran o bolepen, hi o ray pral halauter,

Johanni 8:23

Penas yob ap lende: “T'mer han i phoubyatar. Me hom dran o bolepen. T'mer han kay phoubyatar. Me hom gar kay phoubyatar.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.