TITA 3:3 - Thuhun Thah (BSI)

³ Ajiahchu eite ngei zong malaiin mingolte, thumangloute, heema umte, utna leh nopna chituamtuam bawlte, gilou leh thangse zing a umte, kihdahhuaite, huleh khat leh khat kimudahte i na hi uhi.

TITA 3:3 Iomraidhean Croise

KOLOSSITE 1:21

Huleh nanguh, nidanglaia na natoh uh giloute a amah apat khen a um a, na lungsim va meelma na hi va, hizongleh tuin ama’n,

ROMETE 6:17

Hizongleh Pathian kawmah kipaahthu um heh, sual suaah ana himah zong leh uchin, nanguh hung kipia kihilhna thudan chu lungtang tahun na juita uhi.

KOLOSSITE 3:7

Nanguh zong tumalam a hu silte a na hin laiun, hute ah na na um uhi.

ROMETE 6:22

Hizongleh tuin sual apat zalensaha um a, Pathian suaahte na hung hih nungun, sianthouna khopin na gah uh na nei va, huleh a tawpna ah kumtuang hinna toh.

PETER I 1:14

Ta thumangtahte bangin, na heet louh lai va na nidanglai utnate uh bang a um louin;

KORINTHTE II 12:20

Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi.

JOHN 8:34

Jesu’n amahuh a dawng a, Chihtahzetin, chihtahzetin ka hung hilh ahi, Koipouh sual bawl chu sual suaah ahi.

MATTHAI 21:29

Ama’n a dawng a, Ut sing, a chi a; hizongleh a khonung in a lungsim a hengta a, a va kuanta hi.

JAKOB 1:26

Na lahva mi koipouh sahkhomitah bang a um a, a lei veeng hoih loua, amah lungtang kihem zaw chu, hu mi sahkho biah chu a thawn ahi.

GALATIATE 6:3

Ajiahchu mi bangmah hiloupi a a kingaih saang leh amah leh amah a kihem ahi.

LUKE 21:8

Huin ama’n, Heema na um louhna diingun pilvaang un; ajiahchu Khrist ka hi, huleh a hun tung diing ahita, chi'n mi tampite ka minin ahung diing uh; hujiahin amahuh jui sih un.

THUPHUANDOH 18:2

Huleh amah chu aw ngaihtahin, naahpitahin a kikou a, Babylon khopi loupi chu a chimta hi, a chimta hi, dawite umna leh, hagau bolhhoh chinteng kulh leh, va sianglou leh kihdahum chinteng bawm ahung hita hi.

THUPHUANDOH 13:14

Hu gamsa mitmuha silmah bawltheihna a kawma piah a umte zangin leitung a umte kawmah, namsaau a saatna maliam nei a hing nalai hu gamsa lim na siam diing uh ahi, chi'n leitung a teengte chu a heemta hi.

THUPHUANDOH 12:9

Huleh dragon lian chu paihdoh in a umta a, hu guulpi teeh, Diabol leh Setan kichi, khovel pumpi heemtu chu; amah chu leitung ah paihkhiah in a umta a, a angelte zong amah toh paihkhiah in a um uhi.

ROMETE 6:6

Hikhu he leh uchin, sualna sapum suhmangthaia a um theihna diingin, tu apat a sual natonga i um nawn louhna diingin i mihing lui uh amah toh kilhbehin a umta hi, chih.

ROMETE 6:12

Hujiahin na sapum uh si thei ah, a utzawng na juih na diingun sual in vaihawm sih heh.

ROMETE 11:30

Bang jiahin ahiai i chih leh nidang laiin Pathian na gingta sih va; hizongleh tuin chu amahuh awi louh jiahin khotuahna na muta uhi.

TIMOTHI II 3:6

Ajiahchu huchibangte laha mi chu innte banga luut a, numei sualgih pua ngol deuhte sala man a, duhgawlna chinteng a puimangte;

TIMOTHI II 3:13

Hizongleh migilou leh mi heemhaatte chu mi heem leh heem a um in a sesuaah deuhdeuh diing uhi.

TITA 1:16

Pathian ka he chi'n a kam un a phuang va; hizongleh a silbawl un a nual uhi, kihdah umte, thumangloute, sil hoih bawl lam photmah a Pathian deih louh lam mite ahi uhi.

TITA 2:12

Hu inchu Pathian ngaihsah louhna leh khovel utnate tawpsan a, hi tulai khovel a lungsim siang leh, dihtattah leh, Pathian ngaihsaha um in;