TIMOTHI II 4:8 - Thuhun Thah (BSI)

⁸ Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

TIMOTHI II 4:8 Iomraidhean Croise

MATTHAI 24:36

Hizongleh hu ni diing leh a hun diing chu Pa chauh loungal koimah in, vaan a angelte’n zong a he sih uhi.

MATTHAI 7:22

Hu ni chiangleh mi tampi’n, Lalpa, Lalpa, na min in thu ka soi uh hilou ahiai mah? na min in dawite ka nohdoh un, na min in silmah tampi ka bawl uh hilou ahiai mah? a chi diing uhi.

LUKE 10:12

Hizongleh ka hung hilh ahi, hu ni chiangin hu khuate thuaah diing sangin Sodom kho thuaah chu a dan a um zaw diing.

ROMETE 2:5

Hizongleh na lungtang khauh jiah leh, na kisiih nuam louh jiahin, Pathian lungthahna ni leh valhawmna dihtat hung kilat ni chianga diingin na tungah lungthahna na kikholkhawm ahi.

ROMETE 8:23

Huleh amahuh chauh zong ahi sih a, Hagau gah masa nei eihaw ngei zong, ta hihna, i sapum uh tatna muhna diing ngaah in, eihaw na chiang lungsim in i thuum veu uhi.

KORINTHTE I 2:9

Hizongleh, Mit a muh ngei louh, bil a jah ngei louh, huleh mihing lungtang a zong luut ngei lou, Pathian in amah lungsiatte diing a, a bawlsah silte chu, chia gelh bangin.

KORINTHTE I 3:13

Michin natoh chu ahung kisulang diing hi; ajiahchu a ni in a phuangdoh diing hi, mei a sulat hi diing ahihjiahin; huleh mei in mi chin natoh chu bangchi bang ahiai chih a suchian diing hi.

KORINTHTE I 9:25

Huleh koipouh kidemna a zoh tum mi chu sil zousiah ah a kideeh veu uhi. Amahun vang lallukhuh sethei muhna diingin a bawl uh ahi a; eite’n chu lallukhuh sethei lou diingin ahi.

KORINTHTE II 5:2

Ajiahchu vaan akipan a i inn diing uh silhthuaahsaha um ut mahmah in hi sungah i thuum zing uhi.

PHILIPPITE 3:11

Bangchi zawng aha beeh a misi lah apat thohkiitna ka tan theih khaahleh chi'n.

KOLOSSITE 1:5

Vaan a nanguh diinga kinepna hung kikoihsah jiahin, hu kinepna thu chu tanchinpha thutah thu ah tumalaiin na zata uhi;

THESSALONIKATE I 1:10

Huleh a Tapa, misi laha kipana a kaihthoh, lungthahna hung tung diing lah a hung suaahta sahpa Jesu vaan apat na ngaah diingin.

THESSALONIKATE I 5:4

Hizongleh unaute, nanguh chu hu niin guta bang a ahung phawn diingin mialah na um sih uhi.

THESSALONIKATE II 2:8

Laahmang ahih chiangin migiloupa chu ahung kilang diing a, Lalpa Jesu’n amah chu a kam huin a kaangtum diing a, ahung kilaahna vaah in a sumang diing hi.

TIMOTHI I 6:19

Kumtuang hinna a tuuhdet theihna diing va hun hung tung diing a diing innbulkip hoihtah amahuh diing a kholkhawm diingin hilh in.

TIMOTHI II 1:10

Hizongleh ahung hundampa Jesu Khrist kilaahna jiahin tuin suhlat in a umta hi, ama’n chu sihna sumang in, tanchinpha jalin hinna leh sihtheihlouhna chu vaah ah ahung tunta hi.

TIMOTHI II 1:12

Hujiahin ahi hi silte zong ka thuaah; hizongleh ka zum sih hi; ajiahchu ka gintaatpa ka he hi, huleh a kawm a ka kolsah chu hu nia diingin a kolbit thei chih chiantahin ka he hi.

TIMOTHI II 1:18

Hu ni chianga Lalpa kawma khotuahna a muh diing Lalpa’n phalsah hen; huleh Ephesa khua a sil tampi a ka na a tohzia hoihtahin na he hi.

TIMOTHI II 2:5

Huleh kidemnate bangah mi pang mahlezong daan banga a bawl louhleh khuhsah in a um ngei sih hi.

TIMOTHI II 4:1

Hujiahin Pathian ma leh, amah leh a lalgam hung kilat chianga mihing leh misite vaihawmsah diingpa, Lalpa Jesu Khrist ma-ah thu ka hung pia hi;

TITA 2:13

Hu kinepna kilawphuaitah, Pathian loupi leh i Hundampa uh Jesu Khrist hung kilatna diing loupitah chu ngaah in i um diing uh ahi chih ahung hilh hi;

HEBRAITE 12:11

Sawina chu a kithuah laiin kipaahhuai a bang sih a, hasiat a huai zaw hi; himahleh a nung chiangin chu huchia soihzoi a umte diingin dihtatna gah hamuan umtah a suah veu hi.

HEBRAITE 9:28

Huchimahbangin Khrist zong mi tampite sualna pomang diing a khatvei lat in a um a; huleh amah na ngaahtute kawmah sualna tellouin hutdamna mu diingin a nihveina ahung kilang kiit diing hi.

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

PETER I 1:4

Goutan sethei lou, huleh tuaithei lou, vaan a nanguh diinga siit mu diingin,

PETER I 5:4

Huchi'n Belaampu lianpen ahung kilat chiangin loupina lallukhuh mualtheilou na mu diing uhi.

THUPHUANDOH 1:7

En in, meipi toh ahung kum hi; mit chintengin amah a mu diing hi, amah suntute ngei inzong; huleh leia nam zousiah amah jiahin a kap diing uhi. Huchi hihen, Amen.

THUPHUANDOH 19:11

Huin vaan kihong ka mu a, huleh ngai in, sakol kaang khat leh a tunga tuangpa, a min Ginum leh, Thutah kichi ka mu a; huleh ama’n dihtatna in vai a hawm a, huleh gaal a bawl hi.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.

THUPHUANDOH 22:20

Hi thute hesahtu in, Ka hungpah ngei diing hi, a chi hi. Amen. Huchi hi heh, hungta in, Lalpa Jesu.

THUPHUANDOH 4:10

Upa sawmnih leh li chu laltouphah tunga toupa ma-ah a bohkhup va, kumtuang kumtuang a hing zingpa chu a bia va, huleh hu laltouphah ma-ah a lukhuhte uh koih in,

THUPHUANDOH 4:4

Huleh hu laltouphah kiimvelah touphah sawmnih leh li a um a; huleh hu touphahte tungah upa sawmnih leh li puan vaam silh a tou ka mu a; amahun sana lukhuh a khuh uhi.