TIMOTHI II 4:7 - Thuhun Thah (BSI)

⁷ Kidouna hoih chu ka douta a, kitaidemna chu ka zouta hi, ginna chu ka kemta hi.

TIMOTHI II 4:7 Iomraidhean Croise

LUKE 11:28

Hizongleh ama’n chu, Ahi, himahleh Pathian thu ja a juite a hampha zaw uh, a chi a.

LUKE 8:15

Hizongleh lei hoiha tute chu hichibangte ahi uh; lungtang siangthou leh hoihin thu chu a ja va, a pom va, huleh kuhkaltahin gah a suang uhi.

JOHN 17:6

Khovel a kipana na hung piahte kawmah na min ka sulangta hi; amahuh nanga ahi a, nang kei na hung piah ahi; huleh na thu a juita uh.

JOHN 4:34

Jesu’n a kawmvah, Ka an chu ahung sawlpa deihzawng bawl leh a na tohzoh ahi.

SILBAWLTE 13:25

Huleh John in a lam a juih zoh kuan laiin, Nangun kua hi diingin na hung gingta viai? Amah chu hilou ka hi. Hizongleh, ngai un, ka nungah mi khat hung diing ahi, kei chu a keengtophah phel taah zong ka hi sih hi, a chi hi.

SILBAWLTE 20:24

Hizongleh ka kitaidemna kipaahtaha ka taitung theihna diing leh Lalpa Jesu apat a ka muh Pathian lungsiatna tanchinpha heetsah diing natohna ka toh zoh theihna diingin hi silte khat mahin ahung hihliing sih a, ka hinna zong ittahin ka ngai sih hi.

GALATIATE 2:2

Huleh kilaahna dungjuiin ka chiah tou a, Jentelte kawma ka tanchinpha soi chu a kawmvah ka hilh a, hizongleh mi zahum deuhte chu a tuamin ka hilh hi, huchilou inchu bangchi aha in a thawn a tai ka hikha diing hi.

PHILIPPITE 1:30

Keimaha hichibang kidouna na muhsa bang uleh, tu a keimaha um diing na jah bang uh, nangun zong na nei uhi.

TIMOTHI I 1:18

Ka tapa Timothi, tuma a na kawma tanchin kisoilawh thute dungjuiin hi thupiah chu ka hung pia ahi, hute a kidouna hoih na dou theihna diingin.

TIMOTHI I 6:12

Ginna kidouna hoih dou inla, kumtuang hinna chu tu in; hu tang diing a kouh zong na hi a, huleh heetpihtu tamtah mitmuh in gupna hoih chu na gumta hi.

TIMOTHI I 6:20

Aw Timothi, na kawma kolsah a um chu kol hoih in, Pathian zahlouhna thusoi meimei leh, dihloutaha pilna kichi kikalhna chu pumpelh in.

TIMOTHI II 1:14

Sil hoih na kawm a kolsaha um chu i sunga Hagau Siangthou um in kol hoih in.

TIMOTHI II 3:10

Hizongleh nang chu ka thuhilh, ka hindan, ka siltup, ka ginna, ka thuaahtheihdan, ka lungsiatna, ka kuhkaldan,

THUPHUANDOH 3:10

Ka kuhkalna thu na kol zing jiahin leitung a um mite etkhiahna diinga khovel pumpi a hung tung diing heemna hun a kipanin ke'n zong ka hung veengbit diing hi.

THUPHUANDOH 3:8

Na natohte ka he hi; ngai in, na ma-ah koimah khaah theih louh kot kihong ka koih hi; ajiahchu thahaatna neutakhat na nei a, ka thu na kol zing a, huleh ka min na kiheetmohbawl sih hi.

THUPHUANDOH 6:11

Huleh amahuh chu puan vaam a kipe chiat a; a suaah hihpihte uleh a unaute uh, amahuh bangmaha thaha um diingte ahung kim masiah uh tomkhat na khawl tadih diing a, a kawmvah hilh ahi uhi.