TIMOTHI II 4:5 - Thuhun Thah (BSI)

⁵ Hizongleh nang chu sil zousiah ah pilvaang inla, gimthuaah inla, tanchinpha soitu nna tong in, na natohna chu sutaangtung in.

TIMOTHI II 4:5 Iomraidhean Croise

MATTHAI 25:16

Huin talent ngaa tangpa chu kuanin a va sumdawng a, talent ngaa dang a muhbeh a.

MARK 13:34

Bang jiahin ahiai i chih leh mihing Tapa chu, mi khat a inn nusia a, a suaahte kawma thuneihna pia a, huleh a natoh diing uh pe chiat a, khual gamlapi a va zin bang ahi.

MARK 13:37

Huleh na kawm va ka soi chu mi zousiah kawma ka soi ahi, Kiging zing un, a chi hi.

LUKE 12:37

A pu uh a hung tahchianga amah na ngaah zinga a muh suaahte a hampha uhi; chihtahzetin ka hung hilh ahi, a kawng a gaah diing a, amahuh chu ankuang ah a tousah diing a, a neeh uh a bawlsahta diing.

SILBAWLTE 21:8

Huleh a jingni in keiuh Paul lawite teng ka kipandoh va, Caesarea ka tungva; sagihte laha khat, sawlleh Philip innah ka luut va; amah toh ka um uhi (Sil. 6:5).

ROMETE 15:19

Chiamchihna leh silmahte in Pathian Hagau silbawltheihna in; huchi'n Jerusalem khua leh a kimvel gam a kipan Illirikam gam tanphain Khrist tanchinpha kimtahin ka soi zouta hi.

EPHESITE 4:11

Huleh ama’n khenkhatte chu sawlleh, khenkhatte zawlnei, khenkhatte tanchinpha soitu, khenkhatte pastor, huleh khenkhatte chu thuhilhtu a pia hi.

EPHESITE 4:12

Misiangthoute suhbukimna diing leh, thunatohna natohna diing leh, Khrist sapum bawl hoihna diingin:

KOLOSSITE 1:25

Pathian thu subuching diingin, nanguh diing a ka kawma hung kipia Pathian hunbi khenna dungjuiin thunatongtu diinga siam ka hi.

KOLOSSITE 4:17

Huleh Arkippa kawmah, Lalpa a natohna na muh chu subuching diingin pilvaang in, na chi un.

THESSALONIKATE I 5:6

Hujiahin midangte bangin i ihmu sih diing uh; kigingin i ngaihsah zaw diing uh.

TIMOTHI I 4:12

Na naupanna koimah in musit sih heh; hizongleh haam kamsuaah ah, gamtatdan ah, lungsiatna lam thu ah, hagaulam thu ah, ginna thu ah, sianthouna lam thu ah, gingtute etton diing hizaw in.

TIMOTHI I 4:15

Mi zousiah kawma na phattuamna a lat theihna diingin hu silte ngaihtuah inla, hute ah kizang zou in.

TIMOTHI II 1:8

Hujiahin i Lalpa thuheetpihna chu zumpih sinla, amah mitaang kei zong hung zumpih sin; ahihvangin Pathian silbawltheihna bang jel a tanchinpha jiaha gimthuaahna thuaahpihtu hizaw in.

TIMOTHI II 2:10

Hujiahin Khrist Jesu a um hutdamna chu kumtuang a loupina toh a muh ve theihna diingun teelte jiahin sil zousiah ka thuaah ahi.

TIMOTHI II 2:3

Huchi'n Jesu Khrist sepaih hoihtah bangin gimthuaah hung thuaahpih in.

TIMOTHI II 4:17

Hizongleh Lalpa’n ahung dinpih a, ahung suhaatta hi, tanchinpha kisoi chu kei jiaha kintaha heet a, a um a, Jentelte zousiah in a jah theihna diingun; huleh humpibahnei kam apatin suahtaatsah in ka umta hi.

HEBRAITE 13:17

Na tungva thuneitute thu mang unla, a thuthu un um un; bang jiahin ahiai i chih leh na tungtaang thu uh soi diingte bangin na hagau uh ahung veensah uh ahi, huchu lunggimtah a bawllou a, kipaahtaha a bawl theihna diingun; lunggimtaha a bawl u’chu nanguh diingin a phatuam sih ahi.

PETER I 1:13

Huchihjiahin na lungsim kawng uh gaah unla, pilvaang un; huleh Jesu Khrist hung kilaah chianga nanguh hung kipuaahsah diing hehpihna chu a tawpdongin lamen un;

THUPHUANDOH 3:2

Kiveeng inla, sil um nalai, si dehdehte chu suhaat in; ajiahchu na natoh Pathian mitmuh ah bukimin ka mu sih hi.