TIMOTHI II 4:22 - Thuhun Thah (BSI)

²² Lalpa Jesu Khrist chu na hagau kawma um hen. Hehpihna na kawmah um hen. Amen.

TIMOTHI II 4:22 Iomraidhean Croise

MATTHAI 28:20

Thu ka hung piah zousiah jui diingin thuhilh un; huleh ngai un, kei bangchihtanin, khovel tawp dongin na kawmvah ka um diing hi, a chi hi. Amen.

ROMETE 1:7

Pathian deihtah, misiangthou hi diinga kouh, Rome khua a um zousiahte kawmah; i Pa uh Pathian leh Lalpa Jesu Khrist kawma kipan hehpihna leh hamuanna na kawmvah um hen.

ROMETE 16:20

Huleh hamuanna Pathian in Setan chu tomkal louin na keeng nuaivah ahung tuandeensah diing hi. I Lalpa uh Jesu Khrist hehpihna na tungvah um hen. Amen.

KORINTHTE I 16:23

I Lalpa uh Jesu Khrist hehpihna na kawmvah um hen.

KORINTHTE II 13:14

Lalpa Jesu Khrist hehpihna leh, Pathian lungsiatna leh, Hagau Siangthou kipawlpihna na bawnva tungah umta hen. Amen.

GALATIATE 6:18

Unaute, i Lalpa uh Jesu Khrist hehpihna na hagau uh kawmah um hen. Amen.

EPHESITE 6:24

I Lalpa uh Jesu Khrist chihtahtah a lungsiatte zousiah kawmah hehpihna um hen. Amen.

PHILIPPITE 4:23

I Lalpa uh Jesu Khrist hehpihna na bawnva tungah um hen Amen.

KOLOSSITE 4:18

Kei Paul in, keimah khut a chibai ka hung buuh na ahi. Ka kolbuhte he zing un. Hehpihna na kawmvah um hen. Amen.

TIMOTHI I 6:21

Huchu khenkhat in nei a kisa va, ginna lamah a sukhialta uhi. Hehpihna na kawmah um hen. Amen.

PHILEMON 1:25

I Lalpa uh Jesu Khrist hehpihna na hagau uh kawmah um hen. Amen.

PETER I 5:14

Lungsiatna kitawp in khat leh khat chibai kibuuh un. Khrist Jesu a um nanguh zousiah kawmah hamuanna um hen. Amen.

THUPHUANDOH 22:21

I Lalpa Jesu Khrist hehpihna chu na bawnva kawmah umta hen. Amen.