TIMOTHI II 4:1 - Thuhun Thah (BSI)

¹ Hujiahin Pathian ma leh, amah leh a lalgam hung kilat chianga mihing leh misite vaihawmsah diingpa, Lalpa Jesu Khrist ma-ah thu ka hung pia hi;

TIMOTHI II 4:1 Iomraidhean Croise

MATTHAI 16:27

Mihing Tapa chu a Pa loupinna a angelte toh hung diing ahi ngal a; huchiangin michin a natoh bangjelin a thuh chiat diing hi.

LUKE 19:12

Ama’n hujiahin a soi a, Mi loupi koi ahakhat a lalna gam diing khat va neia, hung kilehkiit diingin kho gamlatah ah a chiah a.

LUKE 19:15

Huleh hichi ahung hi a, gam chu va nei a ahung kilehkiitin, a sum veipungdan uh heetna diingin a suaah sum a piahte chu a kawmah a kousah a.

LUKE 23:42

Huin ama’n Jesu kawmah, Lalpa, na gam na tun chiangin hung he zing in, a chi a.

SILBAWLTE 10:42

Huleh Amah chu mihing leh misite tunga vaihawmtu diing a Pathian guat ahi chih, mi kawma taangkoupih diing leh hesah diingin Pathian in thu ahung pia hi.

SILBAWLTE 17:31

Ni a chiam jiahin, hu ni chiangin a mi guat chu, lei a mite dihtattahin a ngaihtuahsah diing; huchu Pathian in Amah misi lah akipata kaithouin, mi zousiah kawmah a hesahta hi, chi in,

ROMETE 2:16

Ka tanchinpha soi dungjui a Pathian in Jesu Khrist zanga mihingte thuguuh vai a hawmsah ni chiangin.

KOLOSSITE 3:4

Khrist, i hinna uh ahung kilat chiangin nanguh zong amah toh loupiin na kilang diing uhi.

THESSALONIKATE II 2:8

Laahmang ahih chiangin migiloupa chu ahung kilang diing a, Lalpa Jesu’n amah chu a kam huin a kaangtum diing a, ahung kilaahna vaah in a sumang diing hi.

TIMOTHI I 5:21

Khentuam nei a bangmah bawllou a, deihsahtuam nei lou a hi thute jui diingin, Pathian leh Lalpa Jesu Khrist leh angel teelte mitmuh ah thu ka hung pia hi.

TIMOTHI II 1:10

Hizongleh ahung hundampa Jesu Khrist kilaahna jiahin tuin suhlat in a umta hi, ama’n chu sihna sumang in, tanchinpha jalin hinna leh sihtheihlouhna chu vaah ah ahung tunta hi.

TIMOTHI II 2:14

Thu phatuamlou, a ngaikhetute diing a beimangna higiap thu a kinial lou diingin hi thute hesah zing inla, Lalpa ma-ah thu pia in.

TIMOTHI II 4:18

Huleh Lalpa’n migilou chinteng laha kipanin ahung suahtasah diing a, a vaangam ah bittahin ahung tut diing hi; a kawmah kumtuang kumtuang in loupina umta hen. Amen.

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

TITA 2:13

Hu kinepna kilawphuaitah, Pathian loupi leh i Hundampa uh Jesu Khrist hung kilatna diing loupitah chu ngaah in i um diing uh ahi chih ahung hilh hi;

PETER I 1:7

Na ginna etkhiahna u’chu, sana mei a etkhiah ahih nung a zong mangthang jel sanga luul zaw, Jesu Khrist hung kilaahni chianga paahtawina leh, zahbawlna leh, loupina a muh a, a um theihna diingin.

PETER I 4:5

Hute’n mihing leh misite vaihawm diing a kipeihsapa kawmah a tanchin uh a soi diing uhi:

PETER I 5:4

Huchi'n Belaampu lianpen ahung kilat chiangin loupina lallukhuh mualtheilou na mu diing uhi.

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.

PETER II 1:17

Ajiahchu ama’n chu Pa, Pathian kawma kipatin paahtawina leh loupina a mu a, huchihlaiin loupina nasatah apatin hichibang aw a kawmah ahung tung a, Hichu ka Tapa deihtah, ka kipaahna mahmah ahi, chi'n.

JOHN I 2:28

Huchi'n tate haw, amah ah um zing un; amah hung kilat chiang a kimuanna i neih theihna diing leh, ahung chiang a a ma a i zum louhna diingun.

THUPHUANDOH 1:7

En in, meipi toh ahung kum hi; mit chintengin amah a mu diing hi, amah suntute ngei inzong; huleh leia nam zousiah amah jiahin a kap diing uhi. Huchi hihen, Amen.