TIMOTHI II 3:8 - Thuhun Thah (BSI)

⁸ Huleh Jaanni leh Jambri in Mosi a khin bangun hite’n zong thutah a doudaal zing uhi; lungsim sesuaah mi, ginna lama Pathian deih louh mi ahi uhi.

TIMOTHI II 3:8 Iomraidhean Croise

SILBAWLTE 15:24

Ka lahva kipatin mi kuate aha in, zeh na tan va, huleh daan zong na juih diing uh ahi, chia thu soi in, nanguh ahung subuai va, na lungsim uh a mangbangsah uh chih ka he va; a kawmvah lah thu bangmah ka pe ngal sih va;

ROMETE 1:28

Huleh a lungsim va Pathian a heet ut louh jiahun Pathian in sil kilawmloute bawl diing a, a deih louh zawng lungsim neih phalin a umsanta hi.

ROMETE 16:18

Bang jiahin ahiai i chih leh hutobang mite’n i Lalpa uh Jesu Khrist nna a tong sih va, amahuh gilpi nna a tong zaw uhi; huleh kampha leh kamsia min mimawlte lungsim a heem veu uhi.

EPHESITE 4:14

Huchi'n dihlouhna heemna bangin, lepchiahpil a mihing heem a um a, thuhilhna huih chintenga lehlam lehlam a muutleeng lehleh naupangte hi nawnta louin,

TIMOTHI I 1:19

Ginna leh sialepha heetna hoih chu tukip in; huchu mi khenkhatte’n a paaikhia va, ginna lamah kuang sia bangin a keehgawpta uhi;

TIMOTHI I 4:2

Lepchiahna a zuauthu soi in; a sialephaheetna uh siih aam a bih a um in;

TIMOTHI I 6:5

Lungsim gilou nei a, thutah nei lou minialhaatna bang ahung suaah veu hi; huchibang mite chu Pathian ngaihsah punna a ngai mi ahi uh; huchibang mi apat kihemkhia in.

TIMOTHI II 4:15

Amah apat nang zong pilvaang in; ajiahchu ama’n i thute a dou naah mahmah hi.

TITA 1:10

Ajiahchu mi thunung lou, thulim lou, soisiat haat leh mi heemhaatte tampi a um uhi, amahuh chu zehtan haw laha mi ahi diahkhol uhi.

TITA 1:16

Pathian ka he chi'n a kam un a phuang va; hizongleh a silbawl un a nual uhi, kihdah umte, thumangloute, sil hoih bawl lam photmah a Pathian deih louh lam mite ahi uhi.

PETER II 2:14

Aangkawmna mit a dim, sual tawpsan thei loute a nei uh a; mi kiploute a heempuuh va; eenhaat lungsim a pua va; haamse thuaah tate ahi uhi:

JOHN I 2:18

Tate haw, hun nunung ahita hi; Khrist doudaalpa ahung diing chih na jah bangun, tuin zong Khrist doudaal tampi a umta hi; hikhu jiahin hun nunung ahita chih i he hi.

JOHN I 4:1

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi.

THUPHUANDOH 2:20

Ahihvangin demna sil themkhat ka hung nei hi; hu numei Jezebel na ngaihtheih jiahin, ama’n amah le amah zawlnei ka hi kichi'n ka suaahte aangkawmna sual bawl diing leh, milim biahna sa ne diingin a hilh a, a heemgawp hi.

THUPHUANDOH 2:6

Ahihvangin hi thu ah na hoih hi, Nikolaitan pawlte natoh na huat ah, huchu ke’n zong ka hua hi.