TIMOTHI II 3:16 - Thuhun Thah (BSI)

¹⁶ Pathian lehkhathu zousiah chu Pathian huhaihkhum a piah ahi a, thuhilhna diing bang, kitaihilhna diing bang, kisuhdihna diing bang, huleh dihtatna lama thuhilhna diing bangin a phatuam hi.

TIMOTHI II 3:16 Iomraidhean Croise

MATTHAI 13:52

Huin ama’n a kawmvah, Hujiahin lehkhagialtu, vaan lalgam thu hilh a um photmah chu inn neitu, a goubawm apata sil lui leh sil thah pholhkhetu bang ahi, a chi hi.

MATTHAI 21:42

Jesu’n a kawmvah, Pathian lehkhabu ah, Inn lamtute suang deih louh, hu suang ngei chu a ning a suang poimohpen ahung hita; huchu Lalpa bawl ahi a, huleh i mitmuh un a thum ah hi, chih thu na sim kha ngei sih u'maw?

MATTHAI 22:43

Ama’n a kawmvah, Ahihleh bangchidana David in hagau a amah chu,

MATTHAI 26:54

Hizongleh huchi hitaleh, Pathian lehkhathu hitobanga hung um ngei diing chu bangchi'n a taangtung theita diai? a chi a.

MATTHAI 26:56

Hizongleh zawlnei lehkhathu ahung taangtun theihna diing a hite zousiah hung um ahi, a chi a. Huin nungjuite zousiah in a nusia va, a taita uhi.

MARK 12:24

Jesu’n amahuh a dawng a a kawmvah, Pathian lehkhathu leh Pathian silbawltheihna na heet zawh saang uh a um louh jiahtah a bawl khial hilou na hi uh maw?

MARK 12:36

Amah David ngei in Hagau Siangthou in, Lalpa’n ka Lalpa kawmah, Na meelmate na keeng ngahna a ka bawl masiah ka jiatlamah tou in, a chih, a chi ngal a.

JOHN 10:35

Pathian thu tunnate bawn pathiante chi ahihleh, Pathian lehkhathu lah suhsiat theih ahi sih a;

JOHN 3:20

Ajiahchu koipouh sil gilou bawl in vaah ahaw veu uh, huleh vaah ah zong ahung ut sih uh; huchilou inchu a sil bawlte uh a langkha diing.

SILBAWLTE 1:16

Mite leh unaute, Hagau Siangthou in David kam a, Jesu mantute lamkaipa Juda thu ana soilawh, hu Pathian lehkhathu khuh ahung tung diing mawng ahi.

SILBAWLTE 18:25

Hu mi chu Lalpa lampi thu jil sa ahi a; Hagaua guntuhtahin Lalpa tanchin pilvaangtah a soi in a hilh jel a, John Baptisma thu chauh a he giap a.

SILBAWLTE 20:20

Huleh nanguh phattuamna diing sil bangmah ka iim sih a, ka hung hesah veha, vaantaang lah leh inn chinah ka hung thuhilh veu hi.

SILBAWLTE 20:27

Ajiahchu Pathian thuguat zousiah na kawmvah phuandoh louha iim ka nei sih hi.

SILBAWLTE 28:25

Huleh amahuh a kithugual theih louh phetun, Paul in thu khat a soi zohin a paikheta uhi. A thusoi chu hih ahi, Hagau Siangthou in zawlnei Isaiah kama i pulepate uh kawma a soi chu a dih ngei mai,

ROMETE 15:4

Ajiahchu malaia ana kigial photmah chu, Pathian lehkhathu a kuhkalna leh hamuanna jala eite’n kinepna i neihtheihna diing a eiuh kihilhna diing a gelh ahi.

ROMETE 2:20

Daan a pilna leh thutah umdan na neih jiahin mingolte hilhtu hiin na kigingta hi.

ROMETE 3:2

Lam chintengah a phatuam hi; a pipenin, Pathian kamsuaahte a kawmva kolsaha a um jiahin ahi.

ROMETE 4:23

Huleh a ginna chu a dihtatna a ngaih ahi chih, amah jiah chauha gelh ahi sih a;

KORINTHTE I 12:7

Hizongleh phattuampih chiatna diingin Hagau kilatna chu michin kawmah piah ahi.

GALATIATE 3:8

Huleh Pathian lehkhathu in, ginna jiahin Pathian in Jentelte siam a tangsah diing chih helawh in, Abraham kawmah, Nangmah ah nam zousiah vangpiahin a um diing uh, chih tanchinpha ana soita hi.

TIMOTHI II 2:25

Pathian in thutah a heetna diing va kisiihna a piah khaahleh chi'n a kalhtute chu thunuaigolhtahin a thuhilh diing ahi;

TIMOTHI II 4:2

Thu chu soi in; a hun ah bang, a hun lou ah bang pang jel in; thuaahtheitaha thuhilh pum in a siam louhdan uh hesah inla, taihilh inla, hasot in.

HEBRAITE 11:1

Huleh ginna chu sil kinepnate heetchetna, sil muhlouhte um ngei a heetna ahi.

HEBRAITE 3:7

Huchihjiahin (Hagau Siangthou soi bangin, Tunia a aw na jah uleh.

HEBRAITE 4:12

Ajiahchu Pathian thu chu a hing a, sil a bawlthei a, namsaau hiamtuah sangin a hiamzaw a, hinna leh hagau, huleh guhtuah leh chintuiguh khen thei khopin a sun thei a, lungtang a ngaihtuahte leh tupte hekhentu ahi.