TIMOTHI II 3:10 - Thuhun Thah (BSI)

¹⁰ Hizongleh nang chu ka thuhilh, ka hindan, ka siltup, ka ginna, ka thuaahtheihdan, ka lungsiatna, ka kuhkaldan,

TIMOTHI II 3:10 Iomraidhean Croise

LUKE 1:3

Zahumpen Theophil, a bul a kipan sil zousiah heetkimna nei in, kizom jel a na kawm a gelh hoih ka sa hi.

SILBAWLTE 11:23

Huleh amah a va tuna Pathian khotuah zia a va muh in a kipaah mahmah a, phatuam ngaitaha Lalpa chu tu zing diingin a bawnun a hasotta hi.

SILBAWLTE 2:42

Huleh, sawllehte thuhilh leh kipawlna ah, tanghou balkeeh in haamtei in phatuamngaitahin a um zingzing uhi.

SILBAWLTE 20:18

Huleh amahuh a kawma ahung tunun, ama’n a kawmvah, Asia gam a ka hung chiil ni masani apat na kawmva ka um sungsiah a ka umdan na he uhi,

SILBAWLTE 26:4

Ka naupan laia kipan, a masapena ka chipihte lahah leh Jerusalem khua a ka umdan Judate zousiah in a he uhi;

ROMETE 16:17

Huleh unaute, kihilhna daan nanguh hung kihilh louh zawng a kikhenna leh puuhna siamdohtute meelchih diing leh kiheisan diingin ka hung ngen hi.

KORINTHTE II 1:17

Hujiahin huchibang ka ngaihtuah laiin, ka lungsim det louhdan sulang ka hiai mah? Ahihlouhleh, ka lungsim a ka silguatte chu tahsa thu bang a, ahihleh hi, ahihlouhleh hilou, chi ka hiai mah?

EPHESITE 4:14

Huchi'n dihlouhna heemna bangin, lepchiahpil a mihing heem a um a, thuhilhna huih chintenga lehlam lehlam a muutleeng lehleh naupangte hi nawnta louin,

PHILIPPITE 2:20

Ajiahchu ka kawmah huchibang a na umdan uh hung ngaihtuah diing awm midang ka nei sih hi.

PHILIPPITE 2:22

Hizongleh tapa in a pa nna a toh bangin, ama’n chu tanchinpha ah kei ahung tohpih chih heetchi ana amah ah na nei uhi.

THESSALONIKATE I 1:5

Ajiahchu ka tanchinpha uh thu mai a na kawm uh tung lou a, silbawltheihna leh Hagau Siangthou leh heetchetna nasatah toh hung tung hi a; nanguh jiahin na lahva mi bangtobang ka hi va chih na heet bangun.

TIMOTHI I 1:3

Makedonia gam a ka chiah diing kuan a, Ephesa khua a um zing diing a, mi khenkhat in kihilhna dihlou a hilh louhna diing uleh,

TIMOTHI I 4:6

Hi silte unaute na heetsah leh, nang chu Jesu Khrist thunatongtu hoih, ginna leh thuhilhna hoih tutan a na zop thu a vaah khang a um na hi diing hi.

TIMOTHI I 6:11

Hizongleh, Aw nang Pathian mipa, hi silte taisan inla, dihtatna bang, Pathian ngaihsahna bang, ginna bang, lungsiatna bang, dohtheihna bang, thunuaigolhna bang delh zaw in.

TIMOTHI II 2:22

Teilawl utnate zong taisan inla, hizongleh lungtang siangthou a Lalpa min lamte toh dihtatnate, ginnate, lungsiatnate, kilepnate delh zaw in.

TIMOTHI II 4:2

Thu chu soi in; a hun ah bang, a hun lou ah bang pang jel in; thuaahtheitaha thuhilh pum in a siam louhdan uh hesah inla, taihilh inla, hasot in.

TIMOTHI II 4:3

Ajiahchu thuhilhna dih a ngaihkhiah peih louh hun uh hung tung diing ahi a; a bilte uh a lawp jiahin amahuh deihzawng bangin a kawmvah houtu a khawm diing uh,

TIMOTHI II 4:7

Kidouna hoih chu ka douta a, kitaidemna chu ka zouta hi, ginna chu ka kemta hi.

TITA 2:7

Sil zousiah ah sil hoih bawlna lam a etton diingin kimusah inla; thugin ah siatna um louhdan, a kipdan, a tahdan bang ensah in.

HEBRAITE 13:9

Thugin tuamtuam leh limdangte tohmangin um sih un. Ajiahchu lungtang hehpihna a suhkip chu a hoih ahi; neeh diing a suhkip diing ahi sih, huchibang lungkhamte’n hute ah phattuamna a mu tuan sih ahi.

PETER II 3:11

Hu silte zousiah chu huchia beimang diing ahi chih he in, umdan siangthou leh Pathian ngaihsahna lam photah mi bangchi hi diing na hi viai mah?