TIMOTHI II 2:21 - Thuhun Thah (BSI)

²¹ Hujiahin mi hi silte laha a kihepkhiah leh beel ittuaah, siangthou, a pu diing a zattaah, silhoih chinteng a kipeihsa ahi diing hi.

TIMOTHI II 2:21 Iomraidhean Croise

SILBAWLTE 9:15

Hizongleh, Lalpa’n a kawmah, Chiah mai in, ajiahchu amah hi jentelte leh kumpipate leh Israeltate kawma ka min poluuttu diing a ka beel teel ahi.

KORINTHTE I 5:7

Hujiahin tol sohlouh na hih bangmahun, tanghou beu thah na hih theihna diingun tol lui chu paaisiang un. Bang jiahin ahiai i chih leh ei di’n i chiahkaan uh Khrist chu goh in a umta hi.

KORINTHTE II 7:1

Hujiahin unau deihtahte, hi thuchiamte i neih jiahun, Pathian launa a sianthouna subukim in, tahsa leh hagau bolhhohna zousiah apat i kisusiang diing uhi.

KORINTHTE II 9:8

Huleh Pathian in hehpihna zousiah na tungvah ahung vuh thei hi; huchi'n nanguh bangchih laipouhin sil hoih zousiaha buchinga um zingin, natoh hoih chinteng na tong thei diing uhi.

EPHESITE 2:10

Bang jiahin ahiai i chih leh, Pathian in malai peha i umna diing a ana guatkholh Khrist Jesu a nna hoih tong diing a siam, amah khutsuaah i hi uhi.

TIMOTHI I 6:11

Hizongleh, Aw nang Pathian mipa, hi silte taisan inla, dihtatna bang, Pathian ngaihsahna bang, ginna bang, lungsiatna bang, dohtheihna bang, thunuaigolhna bang delh zaw in.

TIMOTHI II 2:16

Hizongleh Pathian zahtaat louhna thusoi meimeite nungheisan in, ajiahchu huchibangte’n mite Pathian ngaihsah louhna lamah a puigamla deuhdeuh uhi.

TIMOTHI II 2:20

Hizongleh inn loupi sungah sana leh dangka beelte chauh a um sih a, sing beel leh lei beelte zong, huleh khenkhat ittuaah, khenkhat ittuaah lou zong a um hi.

TIMOTHI II 3:17

Pathian mi chu na hoih zousiah tong diing a kimtaha kithuama a bukim theihna diingin.

TIMOTHI II 4:11

Luke chauh ka kawmah a um hi; Mark zawn inla, hung tonpih in; ajiahchu thunatohna lamah amah kei diingin a phatuam mahmah hi.

TITA 3:1

Amahuh chu vaihawmtute leh thuneitute kawma kituluut diingin, thukhentute thu mang diingin, sil hoih taphot bawl diing a kigingsa a um diingin,

TITA 3:14

Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in.

TITA 3:8

Pathian gingtasate’n sil hoih bawl zing diing ngaihtuah u’heh chih thu hi a ginum ahi, huleh hi thute chu khauhtaha na soi zing ka deih hi. Hite chu mihing diingin a hoih a, huleh a phatuam hi.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

PETER I 1:7

Na ginna etkhiahna u’chu, sana mei a etkhiah ahih nung a zong mangthang jel sanga luul zaw, Jesu Khrist hung kilaahni chianga paahtawina leh, zahbawlna leh, loupina a muh a, a um theihna diingin.

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.