TIMOTHI II 2:10 - Thuhun Thah (BSI)

¹⁰ Hujiahin Khrist Jesu a um hutdamna chu kumtuang a loupina toh a muh ve theihna diingun teelte jiahin sil zousiah ka thuaah ahi.

TIMOTHI II 2:10 Iomraidhean Croise

MATTHAI 24:22

Huleh hu nite chu suhtom hilou hileh mihing mawngmawng hing in a suaahta sih diing; hizongleh teelte jiahin hu nite chu suhtom ahi diing hi.

MATTHAI 24:24

Ajiahchu Khrist tahlou leh zawlnei tahlou ahung pawt diing a, chiamchihna leh silmah loupitahtah ahung ensah diing uhi; huah chu ahihtheihleh teelte ngei zong ahung heem diing uhi.

MATTHAI 24:31

Huleh ama’n a angelte chu pengkuul ging nasatah toh a sawlkhe diing a, huleh amahun a teelte chu lei ning li akipan, vaan tawp akipan a lehlam tawp tanphain a khawm diing uhi.

LUKE 18:7

A tungvah jaidoh sawt zong mahleh a miteelte, suun leh jana amah koutute phuba chu Pathian in laahsah lou diing ahiai mah?

LUKE 22:57

Ama’n, Numei, amah ka he sih hi chi'n a kiheetmohbawl a.

JOHN 11:52

Huleh hu namte chauh hilou in, Pathian ta kithehdalhte zousiah pawl khata a puikhawm theihna diingin zong ahi.

JOHN 17:24

Pa, nang kei na hung piahte zong ka umna a kei toh um diingin ka deih hi; na hung piah loupina a muh theihna diingun; ajiahchu nang leilung siam ma pehin kei na hung lungsiat hi.

JOHN 17:9

Amahuh diingin ka ngetsah hi; khovel a diingin ka ngetsah sih a, nang na hung piahte diingin ka ngetsah zaw hi; ajiahchu amahuh nanga ahi uh.

ROMETE 2:7

Sil hoih bawl a kuhkaltaha pang a, loupina leh paahtawina leh manthai theih louhna hawl mite kawmah kumtuang hinna a pe diing a;

ROMETE 9:23

Huleh khotuahna beel, loupina tang diing a malai apat ana guatlawhte tunga a loupina hauhdan a suhlat theihna diingin.

KORINTHTE I 1:21

Ajiahchu Pathian pilna ah, khovel in pilna zanga Pathian a heet louh nungun, thusoi ngolhuai zanga, a gingtate hutdam chu Pathian in pha a sa hi.

KORINTHTE I 9:22

Mi haatloute ka laahluut theihna diingin, mi haatloute kawmah haat lou bangin ka um hi; bangchizawng aha a mi khenkhat beeh ka hutdam theihna diingin mi zousiah kawmah sil bangkimin ka kibawl hi.

KORINTHTE II 1:6

Huleh gimthuaah a ka um un aha, ahihlouhleh lungmuan a ka um un aha zong, hichu nanguh hehnepna diing leh hutdama na umna diing uh ahi a; huin chu gimthuaahna ka thuaah banguh kuhkaltaha thuaahzohna a siamdoh hi.

KORINTHTE II 12:15

Huleh ke’n chu nanguh diingin kipaahtahin ka seeng diinga, ka kiseeng bei diing hi; ke’n nanguh hung lungsiat sem in, nangun kei hung lungsiat moh sem zongleh u’chin.

KORINTHTE II 4:15

Bang jiahin ahiai i chih leh Pathian loupina diing a mi tampite kipaahthu soina jala hehpihna a punsem theihna diingin sil zousiah nanguh diing jiaha um veh ahi.

KORINTHTE II 4:17

Bang jiahin ahiai i chih leh miphetkal sung chauh ka gimthuaahna uh jangtakhat in kumtuang loupina gihtah mai na sa zawsem ahung bawlsah zing hi.

EPHESITE 3:13

Hujiahin nanguh diing a ka gimthuaahte jiaha lungthuai lou diingin ka hung ngen hi, huchu na loupina uh ahi.

KOLOSSITE 1:24

Nanguh diinga ka gimthuaah ah tuin ka kipaah hi, huleh Khrist gimthuaah baan chu a tahsa jiahin ka sa ah ka sunzom jel hi, hu tahsa chu kouhtuam ahi.

KOLOSSITE 1:27

Hute kawmah Pathian in Jentelte laha hu thuguuh loupina hauhdan a hesah nuam mawng ahi; huchu, nanguh a Khrist um, loupina kinepna chu ahi.

THESSALONIKATE I 5:9

Ajiahchu Pathian in lungthahna tuaah diing hilou in, i Lalpa uh Jesu Khrist vang a hutdamna mu diingin ahung guat ahi zaw hi.

THESSALONIKATE II 2:14

Huchibang diingin ama’n i Lalpa uh Jesu Khrist loupina tang diingin ka tanchinpha un nanguh ahung kou hi.

TIMOTHI II 1:1

Paul, Khrist Jesu a um hinna thuchiam dungjuia Pathian deihzawng a Jesu Khrist sawlleh in;

TIMOTHI II 2:1

Hujiahin, nang ka ta, Khrist Jesu a um khotuahna haattahin um in.

TIMOTHI II 2:3

Huchi'n Jesu Khrist sepaih hoihtah bangin gimthuaah hung thuaahpih in.

TITA 1:1

Paul, Pathian suaah leh, Pathian miteelte ginna dungjui leh, Pathian ngaihsahna banga thutah heetna lama Jesu Khrist sawlleh in;

PETER I 2:10

Nidang laiin mi mawngmawng na hi sih va, hizongleh tuin chu Pathian mite na hita uh; khotuahna tangloute na hi va, hizongleh tuin chu khotuahna na muta uhi.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.