TIMOTHI II 1:8 - Thuhun Thah (BSI)

⁸ Hujiahin i Lalpa thuheetpihna chu zumpih sinla, amah mitaang kei zong hung zumpih sin; ahihvangin Pathian silbawltheihna bang jel a tanchinpha jiaha gimthuaahna thuaahpihtu hizaw in.

TIMOTHI II 1:8 Iomraidhean Croise

MARK 8:38

Hujiahin mi koipouh tulai khang thah aangkawm haat leh giloute laha keimah leh ka thu zumpih chu mihing Tapa in zong angel siangthoute toh a Pa loupina a ahung chiangin, hu mi chu a zumpih ve diing hi, a chi hi.

LUKE 9:26

Ajiahchu keimah leh ka thute zumpih chu mihing Tapa’n a loupina toh, a Pa loupina toh, angel siangthoute loupina a ahung chiangin amah chu a zumpih diing hi.

JOHN 15:27

Huleh nangun zong na hesah diing uh, a chiila kipana ka kawma um na hih jiahun.

JOHN 19:35

Huleh hikhu mupa’n a heetpihta, a sil heetpih chu a dih ahi; huleh mi gintaat theihna diingun a soi dih hi chih a he hi.

SILBAWLTE 5:41

Huleh, amahuh chu vaihawmte lah apatin a pawtkhia va, hu min jiaha zumna thuaah taah a guat ahih jiahun a kipaah mahmah uhi.

ROMETE 1:16

Bang jiahin ahiai i chih leh tanchinpha chu ka zumpih sih hi; ajiahchu a gingta photmah diingin hichu hutdamna diinga Pathian silbawltheihna ahi; Judate diingin ahi masa a, huleh Grikte diingin zong ahi.

ROMETE 16:25

Tuin amah, ka tanchinpha leh Jesu Khrist thu kitaangkoupihna banga, thuguuh kiphual kiphuandohna dungjui a, hu thuguuh kiphual chu khovel siam chiil akipana phual a um,

ROMETE 8:36

Nangmah jiahin nitum in thahin ka um uh; goh diing belaamte banga ngaih ka hi uh, chia gelh bangin.

ROMETE 9:33

Ngai in, Zion ah puuhna suang leh daalna suangpi ka koih hi; koipouh amah gingta chu a zahtasah sih diing hi, chia gelh bangin.

KORINTHTE I 1:6

Huchibangin Khrist thu heetsahna chu nanguh ah suhkip ahita hi.

KORINTHTE II 6:7

Thutah thu in, Pathian silbawltheihna in, jiatlevei a dihtatna gaalvan in,

EPHESITE 3:1

Hikhu jiahin kei Paul, nanguh Jentelte diing a Jesu Khrist suangkul taang in,

EPHESITE 3:13

Hujiahin nanguh diing a ka gimthuaahte jiaha lungthuai lou diingin ka hung ngen hi, huchu na loupina uh ahi.

EPHESITE 4:1

Hujiahin kei, Lalpa a mitaang in, kouh a na umna utoh kilawm tawh a gamta diingin ka hung ngen hi.

EPHESITE 4:17

Hujiahin hi ka soi hi, huleh Lalpa ah ka hung hesah hi, Jentelte a lungsim tavai uh pua a, a um bangun um nawn sih un,

PHILIPPITE 1:7

Na bawnva tungtaang thu a keima’n hichibang lungsim ka neih chu a dih mawng ahi; ajiahchu nanguh ka lungtang ah ka hung vom zing hi; ka kolbuhna leh, tanchinpha dihna thu leh suhkipna thu a ka hehpihna tanpihte na hi veh uhi.

PHILIPPITE 3:10

Huchia, a sihna toh kituaahtou jel a, amah leh, a thohkiitna silbawltheihna leh, a gimthuaahna kikoppihna bang ka heet theihna diingin.

PHILIPPITE 4:13

Amah ahung suhaatpa Khrist jalin sil zousiah ka bawl thei hi.

KOLOSSITE 1:11

A silbawltheihna loupitah dungjui a kipaahna toh kuhkalna leh thuaahhaatna lama haatna zousiah a suhhaat a um in.

KOLOSSITE 1:24

Nanguh diinga ka gimthuaah ah tuin ka kipaah hi, huleh Khrist gimthuaah baan chu a tahsa jiahin ka sa ah ka sunzom jel hi, hu tahsa chu kouhtuam ahi.

THESSALONIKATE I 3:4

Bang jiahin ahiai i chih leh na kawmva ka um laiun sawihna thuaah diing i hi uh chih ka hung hilh khawlta uh; huchibang ngei in a tungta hi, huchu na he uhi.

TIMOTHI I 2:6

Amah chu mi zousiah tatdohman diingin ahung kipia hi; a huntaha heetsah a um diingin.

TIMOTHI II 1:10

Hizongleh ahung hundampa Jesu Khrist kilaahna jiahin tuin suhlat in a umta hi, ama’n chu sihna sumang in, tanchinpha jalin hinna leh sihtheihlouhna chu vaah ah ahung tunta hi.

TIMOTHI II 1:12

Hujiahin ahi hi silte zong ka thuaah; hizongleh ka zum sih hi; ajiahchu ka gintaatpa ka he hi, huleh a kawm a ka kolsah chu hu nia diingin a kolbit thei chih chiantahin ka he hi.

TIMOTHI II 1:16

Lalpa’n Onesiphora innkuanpihte kawmah khotuahna pia heh; ajiahchu ama’n ahung suhalh jeljel a, ka khainiang buh zong a zumpih sih hi;

TIMOTHI II 2:3

Huchi'n Jesu Khrist sepaih hoihtah bangin gimthuaah hung thuaahpih in.

TIMOTHI II 2:8

Jesu Khrist, David suan a mi chu, ka tanchinpha soi dungjuiin misi lah akipat kaithoh in a um hi chih he zing in.

TIMOTHI II 2:9

Hu tanchinpha jiahin silgilou bawltu bangin kaanna tanpha hahsatna ka thuaahpih hi; hizongleh Pathian thu chu kaan in a um sih hi.

TIMOTHI II 4:17

Hizongleh Lalpa’n ahung dinpih a, ahung suhaatta hi, tanchinpha kisoi chu kei jiaha kintaha heet a, a um a, Jentelte zousiah in a jah theihna diingun; huleh humpibahnei kam apatin suahtaatsah in ka umta hi.

TIMOTHI II 4:5

Hizongleh nang chu sil zousiah ah pilvaang inla, gimthuaah inla, tanchinpha soitu nna tong in, na natohna chu sutaangtung in.

PETER I 1:5

Hun nunung chianga kilang diing hutdamna mu diing a ginna jala Pathian silbawltheihna a kol na hi uhi.

JOHN I 4:14

Huleh Pain Tapa chu khovel Hundampa diingin a sawl chih i muta va, huleh i hesah uhi.

JUDE 1:24

Huchi'n na puuh louhna diing va nangu hung veengbit thei leh, a loupina ma a nasataha nuamsa a soiselbei a nanguh hung koih theipa,

THUPHUANDOH 1:2

Ama’n chu Pathian thu leh Jesu Khrist heetpihna thu leh, a sil muh zousiah a hesahta hi.

THUPHUANDOH 1:9

Kei John, na unaupa uleh, Jesu Khrist a gimthuaahna leh lalgam leh kuhkalna a na tanneihpih u’chu Pathian thu jiah leh Jesu Khrist thu heetpihna jiahin Patmos kichi tuikulh gam ah ka um a.

THUPHUANDOH 12:11

Huleh amahun Belaamnou sisan jiah leh, a heetpihna thu uh jiahin amah chu a zouta va; huleh sih tanphain a hinna uh a it sih uhi.

THUPHUANDOH 19:10

Huleh amah be diingin a keengbulah ka puuh a. Huin ama’n ka kawmah, Hung be hial sin; kei chu na suaah tanpih leh Jesu heetpihna thu nei, na unaute laha ka hi; Pathian bia in; ajiahchu Jesu heetpihna chu thusoitheihna hagau ahi, a chi hi.