TIMOTHI II 1:7 - Thuhun Thah (BSI)

⁷ Ajiahchu Pathian in launa hagau ahung pe sih a; hizongleh silbawltheihna leh, lungsiatna leh, lungsim sianthouna hagau ahung pe zaw hi.

TIMOTHI II 1:7 Iomraidhean Croise

LUKE 10:19

Ngai un, guulte leh momaite totdeen theihna leh melma silbawltheihna zousiah tunga thuneihna ka hung pia hi; huchi'n bangmahin ahung suna het sih diing,

LUKE 15:17

Huleh ahung halh tahin, Ka pa kawma kiloh suaahte an neeh seeng louh a nei a tamtam u’toh, keilah gilkial a si diing himai veengin!

LUKE 24:49

Huleh ngai un, ka Pa silchiam na tungvah ka hung sawl diing hi; hizongleh tunglama kipana silbawltheihna a thop na hih masiah uh Jerusalem khopi ah um kinke'n un, a chi a.

LUKE 8:35

Huin bang thu ahitai chi a en diingin ahung pawt va; huleh Jesu kawm ahung tun uleh dawi matpa chu puan silh a, lungsim hoihtah pua a Jesu keengbula tou ahung mu va; huleh a lauta uhi.

JOHN 14:27

Ha muanna ka hung nuutsiat hi, keimah hamuanna ka hung pia hi; khovel in a piah bangin ke'n nanguh ka hung pe sih. Na lungtang uh mangbangsah sih unla, lau zong lausah sih un.

SILBAWLTE 1:8

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

SILBAWLTE 10:38

Nazareth Jesu tungtaang thu, Pathian in Amah chu Hagau Siangthou leh silbawltheihna a, a thopdan; Amah chu mi tunga silhoih bawl leh diabol suhduhdah zousiah sudam in a vaah leh a; Pathian a kawma a um jiahin.

SILBAWLTE 20:24

Hizongleh ka kitaidemna kipaahtaha ka taitung theihna diing leh Lalpa Jesu apat a ka muh Pathian lungsiatna tanchinpha heetsah diing natohna ka toh zoh theihna diingin hi silte khat mahin ahung hihliing sih a, ka hinna zong ittahin ka ngai sih hi.

SILBAWLTE 21:13

Huin Paul in, Bang diinga na kah va, ka lung na siatsah uh ahiai? ajiahchu Jerusalem khua a kaan chauh hi louin, Lalpa Jesu min diingin sih zong ka ngaap ahi, chi'n a dawng hi.

SILBAWLTE 26:11

Huleh kikhopna inn chinah amahuh ka gawt zing a, Jesu min soisiatsah ka tum hi; huleh, a tungvah ka gilou mahmah a, khodangte tanphain ka gawt veu hi.

SILBAWLTE 26:25

Hizongleh, ama’n, Milianpen Festa, angol ka hi sih hi; thu dihtah leh pilna thu ka soi ahi zaw hi.

SILBAWLTE 6:8

Huleh, Stephen, ginna leh silbawltheihna a dim in mi lahah silmah leh chiamchihna loupitahte a bawl veu hi.

SILBAWLTE 9:22

Hizongleh, Saul chu ahung haat sem a, Hi mi chu Khrist ahi tahtah hi chih hilhchian in, Damaska khua a Juda umte chu a ngaihna he lou in a koih hi.

ROMETE 5:5

Huleh kinepna in chu a zahtasah sih; ajiahchu hu Hagau Siangthou i kawma ahung piahin Pathian lungsiatna i lungtang vah a leihleetta hi.

ROMETE 8:15

Laua um kiit diingin suaah hihna hagau na mu uh ahi sih a; ta hihna Hagau na mu uh ahi zaw hi, hu Hagau jiahin Abba, Pa, chi'n i kikou hi.

KORINTHTE I 2:4

Ka kamsuaahte leh ka thusoite chu mihing pilna a zawlsiamna thu ahi sih a, Hagau leh silbawltheihna a suhlat in ahi zaw hi.

GALATIATE 5:22

Hagau gah ahihleh, lungsiatna, kipaahna, hamuanna, thuaahtheihna, jainemna, hoihna, ginumna,

KOLOSSITE 1:8

Ama’n chu Hagau a na hung lungsiatdan uh zong ka kawmvah a phuangdoh hi.

HEBRAITE 2:15

Sih lau jiaha a damsung teng uh suaah a um zousiah haw a suahtaatsah theihna diingin.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

JOHN I 4:18

Lungsiatna ah launa a um sih a, lungsiatna bukimin launa a delhmang zaw hi; Ajiahchu launa in thuaahgimna a nei hi. Launa neimi chu lungsiatna ah a bukim nailou ahi.