TIMOTHI II 1:1 - Thuhun Thah (BSI)

¹ Paul, Khrist Jesu a um hinna thuchiam dungjuia Pathian deihzawng a Jesu Khrist sawlleh in;

TIMOTHI II 1:1 Iomraidhean Croise

JOHN 10:28

Huleh keima’n a kawmvah kumtuang hinna ka pia hi, kumtuang in a mangthai sih diing va, koima’n ka khut apat ahung laahsah thei sih diing uh;

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 5:24

Chihtahzetin chihtahzetin ka hung hilh ahi, Koipouh ka thu ja a, ahung sawlpa gingta in kumtuang hinna a neita; siamlouhtangin a um sih diing a, hizongleh sihna apat hinna ah a luut zawta ahi.

JOHN 6:40

Huleh hichu ahung sawlpa deihzawng ahi, Koipouh Tapa mu a, gingta in kumtuang hinna a neih a, huleh ke’n ni tawpni chianga amah ka kaihthoh chu, a chi a.

JOHN 6:54

Koipouh ka tahsa ne a, huleh ka sisan dawnin kumtuang hinna a neita; huleh ke’n amah chu ni tawpni chian ka kaithou diing hi.

ROMETE 1:1

Paul, Jesu Khrist suaah, sawlleh hi diinga kouh, Pathian tanchinpha diinga sehtuam in,

ROMETE 5:21

Sualin sihna a vai a hawm mahbang a, hehpihna in dihtatna jala kumtuang hinna tanna diing khop a i Lalpa uh Jesu Khrist jiaha vai a hawm theihna diingin.

ROMETE 6:23

Ajiahchu sual man sihna ahi a; hizongleh Pathian silthawnpiah chu i Lalpa uh Jesu Khrist jalin kumtuang hinna ahi.

KORINTHTE I 1:1

Paul, Pathian deihna jala Jesu Khrist sawlleh diing a kouh leh, i unaupa uh Sostheni in,

KORINTHTE II 1:1

Paul, Pathian deihlama Jesu Khrist sawlleh leh, i naupa uh Timothi in, Korinth khua a um Pathian kouhtuamte leh, Akaia gam pumpi a misiangthoute zousiah kawmah;

KORINTHTE II 1:20

Ajiahchu Pathian thuchiam zousiah chu amah ah ahi chih ahi a, huleh keiuh jiaha Pathian loupina diingin amah ah Amen ahi hi.

GALATIATE 3:26

Ajiahchu na bawnun Khrist Jesu ginna jiahin Pathian tate na hi uhi.

GALATIATE 3:28

Huah chu Judami, Grik mi a um nawn sih; saltaang leh zalen zong a um nawn sih; huleh pasal leh numei zong a um nawn sih hi; ajiahchu na bawnun Khrist Jesu ah pumkhat na hita uhi.

EPHESITE 3:6

Huchu hi ahi, tanchinpha jiahin Khrist ah Jentelte chu gouluahpihte, tahsa khata umte, thuchiam tanpihte ahi diing uh.

TIMOTHI I 6:19

Kumtuang hinna a tuuhdet theihna diing va hun hung tung diing a diing innbulkip hoihtah amahuh diing a kholkhawm diingin hilh in.

TIMOTHI II 1:10

Hizongleh ahung hundampa Jesu Khrist kilaahna jiahin tuin suhlat in a umta hi, ama’n chu sihna sumang in, tanchinpha jalin hinna leh sihtheihlouhna chu vaah ah ahung tunta hi.

TIMOTHI II 1:13

Khrist Jesu a um ginna leh lungsiatna nei in, thu dihdan ka kawma na jahte chu tukip in.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

TIMOTHI II 2:1

Hujiahin, nang ka ta, Khrist Jesu a um khotuahna haattahin um in.

TIMOTHI II 2:10

Hujiahin Khrist Jesu a um hutdamna chu kumtuang a loupina toh a muh ve theihna diingun teelte jiahin sil zousiah ka thuaah ahi.

TIMOTHI II 2:3

Huchi'n Jesu Khrist sepaih hoihtah bangin gimthuaah hung thuaahpih in.

TIMOTHI II 3:15

Huleh nang chu na naupan lai apat, Khrist Jesu a ginna jiaha hutdamna mu khopa nang hung hilhpilthei lehkha siangthou he na hita hi.

TITA 1:2

Zuautheilou Pathian in khovel um mapeh a, a chiamsa kumtuang hinna kinepna ah;

TITA 1:4

Ginna munkhatlam thu a ka tapa ngei Tita kawmah; Pa Pathian leh Lalpa Jesu Khrist i Hundampa uh kawm a kipan hehpihna, khotuahna huleh, huleh hamuanna um hen.

HEBRAITE 9:15

Huleh hikhu jiahin amah chu thuhun thah palai ahi, thuhun masa nuai a tatsualnate lah apat a tatkhiahna diing a a sih taah jiahin, kouhte’n kumtuang a gouluah diing thuchiam chu a tang thei diing uhi.

JOHN I 2:25

Huleh hikhu ahi silchiam ama’n piah diing a ahung chiam chu, kumtuang hinna ngei.