TIMOTHI I 6:5 - Thuhun Thah (BSI)

⁵ Lungsim gilou nei a, thutah nei lou minialhaatna bang ahung suaah veu hi; huchibang mite chu Pathian ngaihsah punna a ngai mi ahi uh; huchibang mi apat kihemkhia in.

TIMOTHI I 6:5 Iomraidhean Croise

MATTHAI 12:33

Sing chu a hoih, a gah zong a hoih na chih louhngal uleh sing chu a sia, a gah zong a sia chi ngal un; ajiahchu sing hi a gah in a kihe hi.

MATTHAI 21:13

Huleh a kawmah, Ka Pa inn chu haamteina inn a kichi diing, chih gelh ahi; hizongleh nangun suammangte khuuhin na siam uhi, a chi a.

MATTHAI 23:13

Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi.

KORINTHTE I 11:16

Hizongleh mi koiaha in a nial nuam inchu huchibang tawndan i nei sih uh, Pathian kouhtuam pawlte’n zong a nei sih uhi.

THESSALONIKATE II 3:6

Huchi'n unaute, Kei u’a kipan a na muh uh thugousiah banga um lou a, daan banglou a gamta unaute zousiah laha kihemkhe diingin i Lalpa uh Jesu Khrist minin thu ka hung pia uhi.

TIMOTHI I 1:6

Mi khenkhatte a chiah kawi jiahun huchu a peetsan va, thulimlou soina lamah a chiahta uhi.

TIMOTHI I 3:3

Uain khamhaat lou, mivuaah chiing lou, punna niin a huaiham lou, mithuaahthei, minialhaat lou, eenhaat lou;

TIMOTHI I 3:8

Huchimahbangin, kouhtuam upate chu mi zahum, kamtam lou, uain hai lou, punna niin a huaiham lou ahi diing uh ahi.

TIMOTHI I 4:7

Hizongleh Pathian zahlouhna thu leh piteehte taangthu deih sinla, Pathian ngaihsahna lamah kithunun in.

TIMOTHI I 4:8

Ajiahchu tahsa kithununna ahihleh them khat chauh a phatuam a; hizongleh Pathian ngaihsahna chu, hinna, tu a um zing leh hung um kiit diing piah thuchiam a neih jiahin sil zousiah ah a phatuam hi.

TIMOTHI I 6:6

Hizongleh lungkimna toh Pathian ngaihsah chu punna nasatah ahi.

TIMOTHI II 3:5

Pathian ngaihsah batna a nei diing va, hizongleh a silbawltheihna a tahsang sih diing uh; huchibangte chu nungheisan in.

TIMOTHI II 3:8

Huleh Jaanni leh Jambri in Mosi a khin bangun hite’n zong thutah a doudaal zing uhi; lungsim sesuaah mi, ginna lama Pathian deih louh mi ahi uhi.

TITA 1:11

Hute kam chu hupsah diing ahi, punna niin deih man in thu a hilh louh diing uh a hilh va, mi innkuan sung a tohbuai veu uhi.

PETER II 2:15

Lampi dih a taisan va, a vaahmang va, dihtatlouhna loh ngainapa Bosor tapa Balaam lampi a juita uhi;

PETER II 2:3

Huleh huaihamna jiahin zuauthu in sumkolveina diingin nanguh ahung nei diing uh: nidanglai a, a tungva vaihawmna chu a khawl sih a, a siamlouhtanna uh zong a ihmu sih hi.

JUDE 1:11

A tung uh a gih hi! ajiahchu Kaina lampi a juita va, loh deihgohna’n Balaam suhkhelhna ah lawptahin a tai va; huleh Kora helna ah a mangthaita uhi.

THUPHUANDOH 18:13

Huleh singthaalte, sil gimtuite, sathaumante, begawte, uainte, taangbuangte, gehute, gante, belaamte, sakolte, kaangtalaite, suaahte, huleh mite hinnate bang ahi.

THUPHUANDOH 18:3

Ajiahchu nam zousiah in a kingaihhaatna lungthahna uain chu a dawnta va, huleh leitung a kumpipate’n amah a kingaihpih va, amah noptatluatna jalin leia sumkawlveite a hausa gawpta uhi, a chi a.