TIMOTHI I 6:12 - Thuhun Thah (BSI)

¹² Ginna kidouna hoih dou inla, kumtuang hinna chu tu in; hu tang diing a kouh zong na hi a, huleh heetpihtu tamtah mitmuh in gupna hoih chu na gumta hi.

TIMOTHI I 6:12 Iomraidhean Croise

KORINTHTE II 6:7

Thutah thu in, Pathian silbawltheihna in, jiatlevei a dihtatna gaalvan in,

KORINTHTE II 9:13

Hi natohna apat Khrist tanchinpha nuai a na kituhluutna uleh, amah uleh midang zousiah kawma na silphal dan uh kilat jiahin amahun Pathian a paahtawi uhi.

PHILIPPITE 1:30

Keimaha hichibang kidouna na muhsa bang uleh, tu a keimaha um diing na jah bang uh, nangun zong na nei uhi.

KOLOSSITE 3:15

Huleh Pathian hamuanna na lungtang vah vaihawmsah un, huchibang hi diingin tahsa khat a kouhna hi uhi; huleh kipaahna taang zong he un.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

THESSALONIKATE II 2:14

Huchibang diingin ama’n i Lalpa uh Jesu Khrist loupina tang diingin ka tanchinpha un nanguh ahung kou hi.

TIMOTHI I 1:18

Ka tapa Timothi, tuma a na kawma tanchin kisoilawh thute dungjuiin hi thupiah chu ka hung pia ahi, hute a kidouna hoih na dou theihna diingin.

TIMOTHI I 1:19

Ginna leh sialepha heetna hoih chu tukip in; huchu mi khenkhatte’n a paaikhia va, ginna lamah kuang sia bangin a keehgawpta uhi;

TIMOTHI I 4:14

Nangmaha um silpiah, soilawhna a piah, upate khut ngah a Pathian in nang ahung neihsah chu thahdah sin.

TIMOTHI I 6:13

Sil bangkim suhingtu Pathian leh, Pontia Pilat ma a gupna hoih gumpa Khrist Jesu mitmuh in thu ka hung pia hi.

TIMOTHI I 6:19

Kumtuang hinna a tuuhdet theihna diing va hun hung tung diing a diing innbulkip hoihtah amahuh diing a kholkhawm diingin hilh in.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

TIMOTHI II 2:2

Huleh heetpihtu tampi laha ka kawma thu na jahte, hute chu mi muanhuai, midangte zong hilhsawn thei diingte kawmah kemsah in.

TIMOTHI II 4:7

Kidouna hoih chu ka douta a, kitaidemna chu ka zouta hi, ginna chu ka kemta hi.

HEBRAITE 13:23

I unaupa uh Timothi hahdoh in a umta chih ana heta un; ahung paipah leh, amah toh nanguh ka hung mu diing hi.

HEBRAITE 3:14

Ajiahchu Khrist tanpihtute a siam i hita a, i ginna kipatna uh a tawpdong a i tuuhdet phot leh;

HEBRAITE 6:18

Huchu Pathian zuauthei ahih louhna kihengkiit thei lou sil nihte jiaha, eiuh kihumbitna diinga i ma a kinepna kikoih tu diinga taite’n hasotna nasatah i neihna diingun ahi.

PETER I 3:9

Giitlouhna giitlouhna a thuh louin, taina zong taina a thuh lou in, hizongleh vangpiahna tang diing a kouh na hi uh chih he in vangpiah zaw un.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.

JOHN I 2:25

Huleh hikhu ahi silchiam ama’n piah diing a ahung chiam chu, kumtuang hinna ngei.

JUDE 1:3

Deihtahte, i hutdamna thu taangpi na kawmva gelh diing ka ngaihtuah nasat laiin, misiangthoute kawma diing ginna khatvei kipia khu diinga phatuamngaitaha na pan na diingun hung gelh leh, hung hasot kei diingin a poimoh hi.

THUPHUANDOH 3:3

Hujiahin na muhdan leh na jahdan ngaihtuah inla, tukip in, huleh kisiih in. Huchia na kiveen louh inchu guta bangin na kawmah ka hung diing a, huleh bangchih hun a na kawm ka hung tun diing na he sih diing hi.