TIMOTHI I 6:10 - Thuhun Thah (BSI)

¹⁰ Ajiahchu sum ngaihnat hi gilou zousiah bulpi ahi; huchu khenkhat in a deihgoh va, ginna a paimangsan uh, huleh amahuh leh amahuh lungkhamna tampi in a kisunlet uhi.

TIMOTHI I 6:10 Iomraidhean Croise

MATTHAI 13:22

Huleh ling laha tupa zong, thu chu a ja a ahihvangin hi khovel awlmohna leh hauhsatna heemna in thu chu a deep a, huchi’n amah chu gah nei louin ahung umta hi.

MATTHAI 23:13

Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi.

MATTHAI 6:19

Lei a leikha leh tui-eeh in a neehsiatna ah leh, gutate’n a pheet vang va a guuh theihna vah gou kikhol sih un;

MARK 4:19

Huleh khovel hinkhua ngaihtuahnate, hauhsat utna heemnate leh sil dangdang deihgohnate hung luut in thu chu a deep a, gahlouin a um veuta hi.

KOLOSSITE 3:5

Hujiahin na tahsa hiang uh lei a umte sulum un; kingaihnate, bolhhohnate, kietlahna hoihloute, utna giloute, huleh duhaamnate, (duhaamna chu milembiahna ahi),

TIMOTHI I 3:3

Uain khamhaat lou, mivuaah chiing lou, punna niin a huaiham lou, mithuaahthei, minialhaat lou, eenhaat lou;

TIMOTHI I 6:21

Huchu khenkhat in nei a kisa va, ginna lamah a sukhialta uhi. Hehpihna na kawmah um hen. Amen.

TIMOTHI I 6:9

Hizongleh hauhsat tumte chu heemna leh, thaang ah, utna ngolhuai leh, susethei tampi bangah a puuhluut veu va, hute’n chu siatna leh manthaina ah mite a sutum veu uhi.

TIMOTHI II 3:2

Ajiahchu mi amahuh kilungsiatte, sumngainate, kiuangsahte, kisatheite, Pathian soisete, nulepa thumangloute, kipaahnataang heloute, siangthouloute;

TIMOTHI II 4:10

Ajiahchu Dema in tulai khovel a ngaihnat jiahin ahung paisanta a, Thessalonika khua ah a chiahta hi; Kresen chu Galatia gam ah a chiahta hi; Tita chu Dalmatia gam ah a chiahta hi.

TITA 1:11

Hute kam chu hupsah diing ahi, punna niin deih man in thu a hilh louh diing uh a hilh va, mi innkuan sung a tohbuai veu uhi.

JAKOB 5:19

Unaute, na lahva mi koipouh thutah akipat na mangta henla, mi khat in pui kiitta leh;

JUDE 1:11

A tung uh a gih hi! ajiahchu Kaina lampi a juita va, loh deihgohna’n Balaam suhkhelhna ah lawptahin a tai va; huleh Kora helna ah a mangthaita uhi.

THUPHUANDOH 18:13

Huleh singthaalte, sil gimtuite, sathaumante, begawte, uainte, taangbuangte, gehute, gante, belaamte, sakolte, kaangtalaite, suaahte, huleh mite hinnate bang ahi.