TIMOTHI I 4:8 - Thuhun Thah (BSI)

⁸ Ajiahchu tahsa kithununna ahihleh them khat chauh a phatuam a; hizongleh Pathian ngaihsahna chu, hinna, tu a um zing leh hung um kiit diing piah thuchiam a neih jiahin sil zousiah ah a phatuam hi.

TIMOTHI I 4:8 Iomraidhean Croise

MATTHAI 12:32

Huleh koipouh mihing Tapa kalh chu, a kalhna uh ngaihdamsah ahi diing a, hizongleh koipouh Hagau Siangthou kalh chu, a kalhna uh hi khovel ah zong, huleh khovel hung um kiit diing ah zong ngaihdamsah ahi sih diing hi.

MATTHAI 19:29

Huleh michin ka min jiaha, innte aha, unaute aha, sanggamnute aha, pa aha, nu aha, ji aha, tate aha, gamte aha nusia in chu a lehza a mu diing va, kumtuang hinna a tang diing uh.

MATTHAI 6:33

Hizongleh nangun chu Pathian gam leh a dihtatna hawl masa un; huleh hi silte zousiah piahbeh na hi diing uhi.

MARK 10:30

Tu damsung ngeia sawinate toh innte, unaunute, nute, tate, huleh gamte a lehza a mulou diing a um sih uh; huleh khovel hung tung diing ah kumtuang hinna toh.

LUKE 5:38

Hizongleh uain thah chu savun thawl thah a koih diing ahi; huchi'n a nih in a bit diing hi.

ROMETE 8:28

Huleh Pathian lungsiatte, ama’n a guat banga a kouhte diingin, sil zousiah in a hoihna diingun a tongkhawm chiat hi chih i he hi.

KORINTHTE I 3:22

Paul hileh, Apollo hileh, Kipha hileh khovel hileh, hinna hileh, sihna hileh, sil um nalaite hileh, sil hung um diingte hileh; sil zousiah nanguh a ahi.

KORINTHTE I 8:8

Hizongleh neeh in Pathian paahtaat ahung lohsah ahi sih hi; ajiahchu i neeh jiahun i hoihzaw uh ahi sih a, ne sih zonglei i sezaw uh ahi tuan sih hi.

TIMOTHI I 4:7

Hizongleh Pathian zahlouhna thu leh piteehte taangthu deih sinla, Pathian ngaihsahna lamah kithunun in.

TIMOTHI I 6:3

Mi koipouh in thuhilhna dang a hilh a, thutah, i Lalpa Jesu Khrist thu leh, Pathian ngaihsahna lam thuhilhna hoih a sah louhleh;

TIMOTHI I 6:5

Lungsim gilou nei a, thutah nei lou minialhaatna bang ahung suaah veu hi; huchibang mite chu Pathian ngaihsah punna a ngai mi ahi uh; huchibang mi apat kihemkhia in.

TIMOTHI I 6:6

Hizongleh lungkimna toh Pathian ngaihsah chu punna nasatah ahi.

TIMOTHI II 3:5

Pathian ngaihsah batna a nei diing va, hizongleh a silbawltheihna a tahsang sih diing uh; huchibangte chu nungheisan in.

TITA 3:8

Pathian gingtasate’n sil hoih bawl zing diing ngaihtuah u’heh chih thu hi a ginum ahi, huleh hi thute chu khauhtaha na soi zing ka deih hi. Hite chu mihing diingin a hoih a, huleh a phatuam hi.

HEBRAITE 13:9

Thugin tuamtuam leh limdangte tohmangin um sih un. Ajiahchu lungtang hehpihna a suhkip chu a hoih ahi; neeh diing a suhkip diing ahi sih, huchibang lungkhamte’n hute ah phattuamna a mu tuan sih ahi.

JOHN I 2:25

Huleh hikhu ahi silchiam ama’n piah diing a ahung chiam chu, kumtuang hinna ngei.

THUPHUANDOH 3:12

A gualzoupa chu ka Pathian biahinn ah khuam in ka pangsah diing a, a pawtdoh nawn sih diing; huleh a tungah ka Pathian min leh, ka Pathian khopi Jerusalem thah, Ka Pathian akipana vaan a kuana hung kumsuh min ka gial diing a, a tungah ka min thah ka gial diing hi.

THUPHUANDOH 3:21

A gualzoupa chu ka kawmah ka laltouphah ah ka tousah diing, kei zong ka gualzoh a, ka Pa toh a laltouphaha ka tou mahbangin.