TIMOTHI I 4:12 - Thuhun Thah (BSI)

¹² Na naupanna koimah in musit sih heh; hizongleh haam kamsuaah ah, gamtatdan ah, lungsiatna lam thu ah, hagaulam thu ah, ginna thu ah, sianthouna lam thu ah, gingtute etton diing hizaw in.

TIMOTHI I 4:12 Iomraidhean Croise

MATTHAI 18:10

Hi mineute laha khat zong simmoh lou diingin pilvaang un; ajiahchu a angelte un vaan a um ka Pa meel a en zing uhi, chih ka hung hilh ahi.

KORINTHTE I 11:1

Kei Khrist umdan latu ka hih mahbangin, nanguh ka umdan latute hi un.

PHILIPPITE 4:8

A tawppen in, unaute, thutah photmah, sil zahum photmah, sil dih photmah, sil siangthou photmah, sil hoih photmah, a thang kilawm photmah; hoihna bang a um a, paahtawina bang a um leh, hi silte ngaihtuah un.

THESSALONIKATE I 1:6

Huleh hahsatna thuaahpum in, Hagau Siangthou a kipaah kawmin thu chu pom in, kei uleh Lalpa juite na hi uhi.

THESSALONIKATE I 2:10

Nanguh gingtute laha siangthoutah leh dihtah leh soisel bei a ka gamtatdan uh ahung heetpihtute na hi uh, huleh Pathian zong.

TIMOTHI I 1:14

Huleh i Lalpa uh hehpihna chu Khrist Jesu a um ginna leh lungsiatna in a dimlet ahi.

TIMOTHI II 2:15

Thutah thu dihtaha khen in, zumna diing nei lou natongtu banga, Pathian ngaih a hoih a kimusah diingin kingaihtuah in.

TIMOTHI II 2:22

Teilawl utnate zong taisan inla, hizongleh lungtang siangthou a Lalpa min lamte toh dihtatnate, ginnate, lungsiatnate, kilepnate delh zaw in.

TIMOTHI II 2:7

Ka thusoi chu ngaihtuah in; Lalpa’n nang chu sil zousiah ah heetsiamna ahung pe diing hi.

TITA 2:15

Hi thute soi inla, huleh thuneitahin vau in. Koima’n nang hung musit sih heh.

TITA 2:7

Sil zousiah ah sil hoih bawlna lam a etton diingin kimusah inla; thugin ah siatna um louhdan, a kipdan, a tahdan bang ensah in.

JAKOB 3:13

Na lahva koi ahiai pila thu hethei um? thunuaigolhtah leh piltahin a silbawlte chu umdan hoih in ensah heh.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

PETER I 5:3

Pathian goutante tunga kisulal lou a, hizongleh pawlte etton diing a um zaw in.