TIMOTHI I 4:10 - Thuhun Thah (BSI)

¹⁰ Ajiahchu huchia Pathian hing i muan jiahin i tonggim a, i pang teitei uh ahi; amah chu mi zousiah Hundampa ahi a, a gingtate a ahi diahkhol hi.

TIMOTHI I 4:10 Iomraidhean Croise

MATTHAI 16:16

Huin Simon Peter in a dawng a, Khrist, Pathian hing Tapa chu na hi, a chi a.

MATTHAI 27:43

Ama’n Pathian a muang vele; Amah deih ahihleh tuin hunkheta hen; Pathian Tapa ka hi, a chi ngal a, a chi va.

JOHN 1:29

A jingni’n John in Jesu a kawm lama hungin a mu a, En un Pathian Belaamnou, khovel sualna pomangpa chu,

JOHN 4:42

Huleh numeinu kawmah, Tuin chu nang soi jiaha gingta ka hi sih va, keiuh ngei in a thu ka ja va, huleh hipa chu khovel hundampa, Khrist ahi chih ka he uhi, a chi va.

JOHN 5:24

Chihtahzetin chihtahzetin ka hung hilh ahi, Koipouh ka thu ja a, ahung sawlpa gingta in kumtuang hinna a neita; siamlouhtangin a um sih diing a, hizongleh sihna apat hinna ah a luut zawta ahi.

KORINTHTE I 15:10

Hizongleh Pathian hehpihna jiahin ka hihhih diing ka hita; huleh a hehpihna hung piah chu a thawnin a um sih a; hizongleh amahuh haw zousiah sangin ka tonggim zaw hi; ahiinlah kei toh ahi sih a, Pathian hehpihna ka kawma um in a tong zaw ahi.

KORINTHTE II 1:10

Ama’n chu huchituha sihna nasatah lah apat ahung hundohta a, huleh ahung hundoh zinga; huleh ahung hundoh nalai diing chi'n amah ah ka kinem uhi.

TIMOTHI I 2:3

Hichu i hundampa uh Pathian mitmuh in a hoihin a pomtaah hi.

TIMOTHI I 2:4

Ama’n chu mi zousiah hutdama um diing leh thutah hung he diingin a deih hi.

TIMOTHI I 2:6

Amah chu mi zousiah tatdohman diingin ahung kipia hi; a huntaha heetsah a um diingin.

TIMOTHI I 3:15

Hizongleh ka hung um sawt khaah leh, Pathian inn sunga bangchibang a gamta diing na hiai chih na heetna diingin ka hung gial ahi, huchu Pathian hing kouhtuam, thutah khuam leh kingahna ahi uhi.

TIMOTHI I 6:17

Hi khovel a mihausate chu kisathei lou diing leh, hauhsatna kiplou a muanna nga loua, sil zousiah i kipaahna diing a kichingtah mei a hung petu Pathian tunga nga zaw diingin;

HEBRAITE 11:26

Khrist kimuhsitna chu Aigupta gam goute sanga hauhsatna loupizaw a ngaiin; ajiahchu a kipaahman muh diing lam chu a en zing hi.

HEBRAITE 13:13

Hujiahin amah a muhsitna uh pua in a kawmah, khogei lamah i chiahdoh diing uh.

PETER I 1:21

Amah jiahin misi laha kipana amah kaithoupa leh loupina pepa Pathian na gingta uhi; na ginna uleh na kinepna uh Pathian a ahih theihna diingin.

JOHN I 2:2

Amah chu i sualnate diing a thuphatawina ahi; eiuh sualna chauh hilou in, khovel pumpi sual thuphatawina zong ahi.

JOHN I 4:14

Huleh Pain Tapa chu khovel Hundampa diingin a sawl chih i muta va, huleh i hesah uhi.