TIMOTHI I 3:15 - Thuhun Thah (BSI)

¹⁵ Hizongleh ka hung um sawt khaah leh, Pathian inn sunga bangchibang a gamta diing na hiai chih na heetna diingin ka hung gial ahi, huchu Pathian hing kouhtuam, thutah khuam leh kingahna ahi uhi.

TIMOTHI I 3:15 Iomraidhean Croise

MATTHAI 16:16

Huin Simon Peter in a dawng a, Khrist, Pathian hing Tapa chu na hi, a chi a.

MATTHAI 18:18

Chihtahzetin ka hung hilh ahi, Leitung a na kaan photmah u’chu vaan a zong kaan ahi diing a; huleh leitung a na phel photmah uh vaan ah phel ahi diing hi.

JOHN 1:17

Ajiahchu daan thu chu Mosi manga piah ahi a; hizongleh hehpihna leh thutah chu Jesu Khrist jiahin ahung um hi.

JOHN 14:6

Jesu’n a kawmah, Kei lampi leh, thutah leh, hinna chu ka hi; keimah a pailou in koimah Pa kawm a tung ngei sih hi.

JOHN 18:37

Hujiahin Pilat in a kawmah, Ahihleh Kumpipa na hi maw? a chi a. Jesu’n a dawng a, Kumpipa na chih chu ka hi. Huleh hikhu diing a piang ka hi a, huleh thutah heetpih diing a khovel a hung ka hi. Koipouh thutah a photmahin ka aw a ja uh, a chi a.

JOHN 6:69

Huleh nang chu hu Pathian hing Tapa, Khrist chu na hi chih ka gingta va, he zong ka he uhi, a chi a.

SILBAWLTE 1:2

Hagau Siangthou panpih a, A sawlleh teelte kawma thupiahte A piah zoh a, vaan a puitouh a A um ni tan a thu;

SILBAWLTE 14:15

Pute, bang diinga hi silte bawl na hi viai? Keiuh zong nanguh toh thuaah kibang mihing ka hi uhi, huleh hi sil thulimloute na kiheisan va, vaan leh lei, tui khang lian huleh a sunga sil um zousiah bawlpa Pathian hing kawma na hung kihei theihna diingun tanchinpha ka hung tut uh ahi.

ROMETE 3:2

Lam chintengah a phatuam hi; a pipenin, Pathian kamsuaahte a kawmva kolsaha a um jiahin ahi.

ROMETE 9:26

Huleh hichi ahung hi diing a, a kawmvah, Ka mite na hi sih uh, chih a umna ngei ah, Pathian hing tate vuahin a um diing uh, ana chih bangin.

KORINTHTE I 10:32

Judate aha, Jentelte aha, ahihlouhleh Pathian kouhtuamte hitaleh a puuh na diingun bangmah bawl sih un.

KORINTHTE I 3:16

Pathian inn na hi va, huleh na sungvah Pathian Hagau a teeng chih he lou na hi viai mah?

KORINTHTE II 3:3

Khrist lehkhathot, keiuh gelh, lehkhatui a gelh hilou a, Pathian hing Hagau a gelh; suang peeh a gelh hilou a, tahsa lungtang peeh a gelh na hi zaw uh chih chiantah a suhlat na hi uhi.

KORINTHTE II 6:16

Huleh Pathian biahinn leh milemte’n bang kizopna a nei viai? Ajiahchu nang u’chu Pathian hing biahinn na hi uhi; Pathian in, Amah u’ah ka teeng diing a, amahuh ah ka vaahleh diing a; huleh a Pathian uh ka hi diing a, amah u’zong ka mite ahi diing uh, a chih bangin.

KORINTHTE II 6:7

Thutah thu in, Pathian silbawltheihna in, jiatlevei a dihtatna gaalvan in,

GALATIATE 2:9

Huleh khuam bang hial a um Jakob leh Kipha leh John in ka kawma hehpihna hung kipia a heet phetun, keiuh Jentelte kawma chiah a, amahuh zehtante kawma chiah diingin kei leh Barnaba chu kipawlkhawmna khut jiatlam ahung pia uhi.

GALATIATE 3:1

Aw Galatia mingolte, na lahva, na mitmuh ngei va Jesu Khrist chu kilhbeh a chiantah a kipuangta, hu thutah chu jui lou diing a kua’n hung bumngol ahitai?

EPHESITE 4:21

Jesu a um, thutah dungjuia amah thu ja a amah thuhilh a um na hih photmah uleh,

KOLOSSITE 1:5

Vaan a nanguh diinga kinepna hung kikoihsah jiahin, hu kinepna thu chu tanchinpha thutah thu ah tumalaiin na zata uhi;

THESSALONIKATE I 1:9

Ajiahchu amahuh ngei in na lahva bangtobang luutna aha ka muh uh, ka tanchin uleh, Pathian hing leh dih be diing a milimte a kipana Pathian lam na ngatdan bang uh ahung hesah uhi.

TIMOTHI I 3:14

Sawtloukal a na kawm a hung kinem in hi thute na kawmah ka hung gial hi;

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.

TIMOTHI I 3:2

Huchi'n kouhtuam houtu chu, soiselbei, ji khat nei, kisuumthei, pilvaangtah, gamtathoih, mitaangphal, thuhilh siam;

TIMOTHI I 3:5

(Ajiahchu mi’n amah innsung bawn vaihawmdan a heet louhleh, bangchi’n Pathian kouhtuamte a enkol thei diai?)

TIMOTHI I 4:10

Ajiahchu huchia Pathian hing i muan jiahin i tonggim a, i pang teitei uh ahi; amah chu mi zousiah Hundampa ahi a, a gingtate a ahi diahkhol hi.

TIMOTHI I 6:16

Amah chauh in sihtheih louhna a nei a, koimah naih theih louh vaah ah a um a, amah chu koima’n a mu ngei sih a, mu zong a muthei sih hi; amah kawmah kumtuang loupina leh silbawltheihna um hen. Amen.

TIMOTHI II 2:19

Hizongleh Pathian innbulkip chu a ding zinga, hi chiamchihna a nei hi, Lalpa’n amah a hite a he hi. Huleh michin Khrist min lou photmah in giitlouhna paisan heh, chih.

TIMOTHI II 2:20

Hizongleh inn loupi sungah sana leh dangka beelte chauh a um sih a, sing beel leh lei beelte zong, huleh khenkhat ittuaah, khenkhat ittuaah lou zong a um hi.

HEBRAITE 10:21

Huleh Pathian innkuanpihte tunga siampu lal khat i neih jiahin;

HEBRAITE 12:22

Hizongleh nang u’chu, Zion taang leh Pathian hing khopi, vaan Jerusalem, simseeng louh angel honpi leh,

HEBRAITE 3:12

Pilvaang un, unaute, huchilou inchu Pathian hing apat paikhe diingin, na lahva mi khattou sungah ginlouhna lungtang gilou ahung umkha diing hi.

HEBRAITE 9:14

Khrist, kumtuang Hagau jala soiselbei a Pathian kawma kilaan sisanin Pathian hing nna tong diingin, silbawl sisa apatin na sialepha heetna uh bangchituhin a susiangthouta diai?

PETER I 2:5

Nanguh zong suang hingte bangin, Jesu Khrist jiaha Pathian deihzawng hagaulam kithoihna laan diing a siampu siangthou leh hagaulam inn a lamtouhna hi uhi.

PETER I 4:17

Ajiahchu Pathian innkuante lahah vaihawmna apat hun ahung tungta hi; huleh eiuh apat ahih inchu Pathian tanchinpha gingta loute tawpna chu bang ahita diai?

THUPHUANDOH 7:2

Huleh angel dang, suahlam apat a hung kuan, Pathian hing chiamchihna nei khat ka mu a; huleh amah chu, a kawmva leitung leh tui khang lian suhsiatna diing kipia angel lite kawmah aw ngaihtahin a kikou a,