TIMOTHI I 2:8 - Thuhun Thah (BSI)

⁸ Hujiahin pasalte’n mun chinah khut siangthou jah in, lungthah lou leh ginglel lou in haamtei le’uh ka deih hi.

TIMOTHI I 2:8 Iomraidhean Croise

MATTHAI 21:21

Jesu’n a dawng a, a kawmvah, Chihtahzetin ka hung hilh ahi, Ginna na neih va, na ginlelh louh uleh theipi kung a bawl bang chauh na bawl sih diing va, hi taang kawmah zong, Kisuandoh inla, tui khang lian ah kipaai in chileh uchin, na chih bang un a um diing hi.

MATTHAI 5:44

Hizongleh ke'n chu na kawmvah ka soi ahi, Na meelmate uh lungsiat unla, haamsia hung lohte vangpiah unla, ahung mudahte diingin sil hoih bawlsah unla, huleh ahung bawlsete leh ahung suduhdahte diingin haamteisah un.

MATTHAI 6:12

Ka leibate uh ka ngaihdam bangun ka batte uh hung ngaidam in.

LUKE 23:34

Huin Jesu’n, Pa, amahuh ngaidam in; ajiahchu a silbawl uh a he lou uh ahi, a chi a. Huin a puansilh kihawmin aai a saan uhi.

LUKE 24:50

Huleh amahuh chu Bethani tanphain a puidoh a, huin a baan a jah a, amahuh a vangpiah a;

JOHN 4:21

Jesu’n a kawmah, Numei, hung gingta in, hi taang ah khel lou zong, huleh Jerusalem khelah lou zong Pa na biah hun uh hung tung diing ahita.

SILBAWLTE 10:2

Pathian ngaihsahmi ahi a, a innkuante zousiah toh Pathian laudan a siam va, mite kawmah sil tampi a pia a, huleh, Pathian kawmah zong a haamtei zing hi.

SILBAWLTE 10:31

Huleh Kornelia, na haamteina jahin a umta, mi kawma na silpiah zong Pathian in a he zing hi.

SILBAWLTE 10:4

Huin, Kornelia in amah a et leh, a lau a, Lalpa, bang ahitai? a chi a. Huin, angel in a kawmah, Na haamteinate leh na silpiahte heet zing diingin Pathian ma ah ahung tung touta hi.

SILBAWLTE 21:5

Huleh hu ni zaat ka um zohun, ka kipandoh va, ka chiahna diing uh ka zuanta va; huleh, amahun a bawnun, a jite a tate utoh khogei dongin ahung ha va; huin tui khang lian geiah ka khupdin va, ka haamtei uhi.

SILBAWLTE 7:60

Huleh, amah chu a khupdin a, aw ngaihtahin a kikou a, Lalpa, hih a sualna uh a tungvah mohposah sin, a chi a. Huleh, hi thu a soi zohin a ihmuta hi.

KORINTHTE I 1:2

Korinth khua a Pathian kouhtuam umte, Khrist Jesu a suhsiang, misiangthou diing a kouhte kawmah, gam china i Lalpa (amahuh leh eite Lalpa) Jesu Khrist min lou zousiah kawmah toh;

KORINTHTE I 7:7

Ajiahchu mi zousiah keimah bang chiat leuh ka deih hi. Hizongleh mi chinin Pathian apat silpiah tuam chiat i nei uh, khat in hitobangin, a dang in hutobangin.

KORINTHTE II 2:14

Himahleh Khrist a gualzohna hung pe zingtu leh, keiuh zang a mun chin a amah heetna gimnamtui phuangdohtu Pathian kawmah kipaahthu um heh.

PHILIPPITE 1:12

Hizongleh, unaute, ka tunga siltungte hi tanchinpha dalh semna diing a hung tung ahi chih na heet uh ka deih hi;

THESSALONIKATE I 1:8

Bang jiahin ahiai i chih leh nanguh a kipanin Lalpa thu chu a thang kheta a, Makedonia leh Akaia gam chauh ah hilou in, mun chinah Pathian lam a na gindan uh a thangta hi; kei un bangmah ka soi uh a ngai nawn sih hi.

TIMOTHI I 5:14

Hujiahin, meithai nungaah deuhte’n chu pasal nei u’henla, soiselna diing lemtaang mawngmawng meelma musah sih leuh ka deih hi.

TITA 3:8

Pathian gingtasate’n sil hoih bawl zing diing ngaihtuah u’heh chih thu hi a ginum ahi, huleh hi thute chu khauhtaha na soi zing ka deih hi. Hite chu mihing diingin a hoih a, huleh a phatuam hi.

HEBRAITE 10:22

Sialepha heetna hoihlou apat i lungtang uh thehsiang a um in, i sapum u’zong tui chiima sil a um in, huleh ginna heetchi ana lungtang dihtah toh i naih diing uhi.

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.

PETER I 3:7

Huchimahbangin, nanguh pasalte, na haamteina uh daal a, a umlouhna diingin, hinna hehpihna tangkhawm diing na hih jiahun, numei chu beel keehbaih zaw bang a ngai in, na jite u’chu paahtawi kawmin, heetna dungjuiin amahuh toh umkhawm un.