TIMOTHI I 2:7 - Thuhun Thah (BSI)

⁷ Hu diing a thusoitu leh sawlleh a guat ka hi; (Khrist ah thutah ka soi hi, ka zuau sih hi). Ginna leh thutah a Jentelte hilhtu ka hi hi.

TIMOTHI I 2:7 Iomraidhean Croise

JOHN 7:35

Huin Judate amahuh kihouin, i muh louh diing a khoi a chiah diing a de aw? Jentelte laha kithedalhte kawma chiah a Jentelte thu va hilh diing a diai?

SILBAWLTE 14:27

Huleh ahung tunun, kouhtuamte chu a koukhawm va, Pathian in amahuh zang a sil a bawl zousiah leh Jentelte diing a ginna kotkhaah a honsahdante a hilh uhi.

SILBAWLTE 22:21

Huleh Ama'n ka kawmah, Chiah in, hi apatin gamlataha Jentelte kawmah ka hung sawl diing ahi, ahung chita a, a chi a.

SILBAWLTE 26:20

Hizongleh a masa in Damaska khua a mite kawmah, huin Jerusalem khua a mite kawmah, huin Juda gam pumpi a mite kawmah leh Jentelte kawmah zong, a kisiih va Pathian kawm a zot va, kisiihna toh kiphu, nna a tohna diingun, ka hesahta ahi.

SILBAWLTE 9:15

Hizongleh, Lalpa’n a kawmah, Chiah mai in, ajiahchu amah hi jentelte leh kumpipate leh Israeltate kawma ka min poluuttu diing a ka beel teel ahi.

ROMETE 1:9

Ajiahchu ka haamteina chinah tawplouin na min uh ka lou ngiitngeet chih A Tapa tanchinpha a ka hagaua a nna ka tohsah zing Pathian chu ahung heetpihtu ahi.

ROMETE 10:14

Ahihleh a gintaat louhpi uh bangchi’n a min a kou diviai? huleh a thu a jah louhpi uh bangchi’n a gingta diviai? huleh a soitu um louin bangchi’n a ja diviai?

ROMETE 11:13

Hizongleh nanguh Jentelte kawmah ka soi ahi, kei Jentelte sawlleh ka hih jiahin ka natohna ka paahtawi hi.

ROMETE 15:16

Jentelte kawmah Jesu Khrist thunatongtu ka hihtheihna diing leh, ka Jentel latte Hagau Siangthou a suhsiangthou ahih va, kipaahpih taah ahihtheihna diingun Pathian tanchinpha nna ka tong hi.

ROMETE 9:1

Khrist ah thutah ka soi ahi, ka zuau sih, Hagau Siangthou jiahin ka sialepha heetna in zong ahung heetpih hi.

KORINTHTE I 9:1

Sawlleh hilou ka hiaimah? zalen hilou ka hiaimah? I Lalpa uh Jesu Khrist ka mu sih eimah? nanguh Lalpa a ka natoh hilou na hi viaimah?

KORINTHTE II 11:31

Pathian leh i Lalpa uh Jesu Khrist Pa, kumtuanga paahtawi a um in ka zuau louh a he hi.

GALATIATE 1:16

Jentelte laha a tanchinpha ka soi theihna diingin a Tapa chu keimaha kilaahsah pha a sah laiin tahsa leh sisan ka dong sih a,

GALATIATE 1:20

Tuin na kawmva ka thu gelhte, en un, Pathian ma ah ka zuau lou ahi.

GALATIATE 2:16

Daan silte bawl jiahin mi siamtang in a um sih a, Jesu Khrist gintaat jiah chauhin siamtang in a um uh chih i he a, en zong daan silbawl jiah hilou a, Khrist ginna jiaha siamtang a i um theihna diingin Khrist Jesu chu i gingta ahi; ajiahchu daan silte bawl jiahin koimah siamtang in a um sih diing hi.

GALATIATE 2:9

Huleh khuam bang hial a um Jakob leh Kipha leh John in ka kawma hehpihna hung kipia a heet phetun, keiuh Jentelte kawma chiah a, amahuh zehtante kawma chiah diingin kei leh Barnaba chu kipawlkhawmna khut jiatlam ahung pia uhi.

GALATIATE 3:9

Huchi ahihjiahin ginna a umte chu mi ginum Abraham toh vangpiahkhawm in a um uhi.

TIMOTHI II 1:11

Hu tanchinpha thu chu Jentelte hesah diingin thusoitu diing leh, sawlleh diing leh, hilhtu diing a guat ka hi hi.

PETER II 2:5

Huchi'n amah ngaihsahlou khovel ah tuijiin tungsah in, nidanglai khovel chu a hawi sih a; hizongleh dihtatna thusoipa Noah midang sagih toh a hundamta hi;