TIMOTHI I 2:3 - Thuhun Thah (BSI)

³ Hichu i hundampa uh Pathian mitmuh in a hoihin a pomtaah hi.

TIMOTHI I 2:3 Iomraidhean Croise

LUKE 1:47

Huleh ka hagau chu ka Hundampa Pathian tungah a nuam hi.

ROMETE 14:18

Hujiahin koipouh hi silte a Khrist natong chu Pathian kipaahpih leh, mihing paahtaat in a um veu uhi.

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

PHILIPPITE 4:18

Hizongleh sil bangkim ka nei a, ka hau hi; nanguh apat hung kithot silte, gimnamtui, kithoihna deihhuai, Pathian lungkimna chu, Epaphrodita khut apatin ka na muta a, ka kiningchingta hi.

KOLOSSITE 1:10

Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

THESSALONIKATE I 4:1

Huchi'n unaute, a tawppen in, na umdan diing uleh, Pathian na kipaahsahdan diing uh, ka kawmva kipan a na laah bangun na hauh semna diingun Lalpa Jesu minin ka hung ngen un, ka hung hasot uhi.

TIMOTHI I 1:1

Paul, i Hundampa uh Pathian leh, i kinepna uh Lalpa Jesu Khrist thupiah banga Jesu Khrist sawlleh in;

TIMOTHI I 4:10

Ajiahchu huchia Pathian hing i muan jiahin i tonggim a, i pang teitei uh ahi; amah chu mi zousiah Hundampa ahi a, a gingtate a ahi diahkhol hi.

TIMOTHI I 5:4

Hizongleh meithai koipouh in tate aha, tute aha a neih inchu, amahun innsungah Pathian ngaihsah dan leh a nulepate uh zahdan zil masa u’heh; ajiahchu Pathian muh in huchu a hoih a, huleh a pomtaah hi.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

HEBRAITE 13:16

Hizongleh sil hoih bawl leh silphal chu mangngilh sih un, ajiahchu huchibang kithoihnate ah Pathian a kipaah mahmah hi.

PETER I 2:20

Bang jiahin ahiai i chileh na dihlouhna jiah va khuttum a suh na tuaah un kuhkaltahin thuaah mah leh u’chin paahtaat bang ahiai na loh uh? hizongleh silhoih na bawl un, hukhu jiahin thuaahloh unla, kuhkaltahin thuaah leh u’chin, hichu Pathian kipaahpih zawng ahi.

PETER I 2:5

Nanguh zong suang hingte bangin, Jesu Khrist jiaha Pathian deihzawng hagaulam kithoihna laan diing a siampu siangthou leh hagaulam inn a lamtouhna hi uhi.