TIMOTHI I 1:5 - Thuhun Thah (BSI)

⁵ Huleh thupiah kipiahnasan chu, lungtang siangthou leh, sialepha heetna hoih leh, ginna dihtah akipan lungsiatna neih ahi.

TIMOTHI I 1:5 Iomraidhean Croise

MATTHAI 12:35

Mihoih in lungtang goubawm hoih apatin sil hoihte ahung ladoh a; huleh migilou in a goubawm hoihlou apatin sil hoihlou ahung ladoh jel hi.

MATTHAI 5:8

Lungsima siangthoute a hampha uhi; Pathian mu diing ahih jiahun.

SILBAWLTE 15:9

Huleh eihaw leh amahuh khentuam nei louin, ginna in a lungsim uh ahih siangthou hi.

SILBAWLTE 23:1

Huleh Paul in vaihawmtute a en piinpen a, Mite leh unaute, tuni tanin Pathian mitmuha hoiha ka heet photmah bawl in ka um zing hi, a chi a.

SILBAWLTE 24:16

Hujiahin, Pathian lam leh mihing lama a sia a pha heetkhenna nei a, suhkhial beia um diingin bangchihtanin ka kihahbawl hi.

ROMETE 10:4

Ajiahchu a gingta photmahte diingin Khrist chu dihtatna muhna diingin daan suhtawpna ahi.

ROMETE 12:9

Lungsiatna chu heembawlna tel louin hi heh; Gilou photmah hua unla, hoihlam photmah tu tinten un.

ROMETE 14:15

Hizongleh na bangkhat neeh jiaha na unau lungsim a nat inchu lungsiatna daan in na gamta lou ahi. A sih luang a Khrist in a sihsahpa chu na bangkhat neehin sumang sin.

ROMETE 9:1

Khrist ah thutah ka soi ahi, ka zuau sih, Hagau Siangthou jiahin ka sialepha heetna in zong ahung heetpih hi.

KORINTHTE I 13:1

Mihing haamte leh angel haamte in thu soi mahleng lungsiatna ka neih louh inchu sumeng tumging aha, ahihlouhleh daah khutbeh ging aha bang giap ka hi diing hi.

KORINTHTE II 1:12

Bang jiahin ahiai i chih leh ka suan u’chu hikhu ahi, ka sialepha heetna uh hung heetpih, sianthouna leh Pathian dihna nei in, tahsa pilna a hilouin, Pathian hehpihna a hi zaw in, khovel ah, huleh a diahkhol inchu nangu lamah ka khohei uhi.

GALATIATE 5:22

Hagau gah ahihleh, lungsiatna, kipaahna, hamuanna, thuaahtheihna, jainemna, hoihna, ginumna,

GALATIATE 5:6

Bang jiahin ahiai i chihleh Jesu Khrist ah zehtan bangmah a phatuam sih a, zehtan louh zong bangmah a phatuam sih hi; lungsiatna a tong ginna chu a phatuam hi.

TIMOTHI I 1:18

Ka tapa Timothi, tuma a na kawma tanchin kisoilawh thute dungjuiin hi thupiah chu ka hung pia ahi, hute a kidouna hoih na dou theihna diingin.

TIMOTHI I 1:19

Ginna leh sialepha heetna hoih chu tukip in; huchu mi khenkhatte’n a paaikhia va, ginna lamah kuang sia bangin a keehgawpta uhi;

TIMOTHI I 3:9

Sialepha heetna siang in ginna thuguuh kem mi ahi diing ahi.

TIMOTHI II 1:3

Suun leh jana tawplou a ka haamteinate a ka hung heet zing jiahin, ka pilepute a kipana sialepha heetna siangtah neia a nna ka toh zingpa ka Pathian kawmah kipaahthu ka soi hi.

TIMOTHI II 1:5

Ginna tuailou nangmah a um chu ka ngaihtuah tahchiangin, hu ginna chu a masapenin na pi Lois ah a um a, na nu Eunisi ah zong a um a, huleh nangmah ah zong a um chih dihtahin ka he hi.

TIMOTHI II 2:22

Teilawl utnate zong taisan inla, hizongleh lungtang siangthou a Lalpa min lamte toh dihtatnate, ginnate, lungsiatnate, kilepnate delh zaw in.

TITA 1:15

Mi siangthou a diingin sil zousiah a siangthou hi; hizongleh mi bolhhoh leh gingloute a diingin bangmah a siang a um sih hi; a lungsim uleh a sialepha heetna nasan uh sianglou ahita hi.

HEBRAITE 10:22

Sialepha heetna hoihlou apat i lungtang uh thehsiang a um in, i sapum u’zong tui chiima sil a um in, huleh ginna heetchi ana lungtang dihtah toh i naih diing uhi.

HEBRAITE 13:18

Keiuh diingin hung haamteisah un; ajiahchu sil bangkimah dihtaha gamtat utin sialepha heetna hoihtah ka nei uh chih ka gingta uhi.

HEBRAITE 9:14

Khrist, kumtuang Hagau jala soiselbei a Pathian kawma kilaan sisanin Pathian hing nna tong diingin, silbawl sisa apatin na sialepha heetna uh bangchituhin a susiangthouta diai?

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

PETER I 3:16

Khrist a na gamtatdan hoih uh dihloutah a hung demte, silgilou bawl banga ahung soisiatna va a zum theihna diingun sialepha heetna hoihtah nei un.

PETER I 3:21

Hu lim etsahna in baptisma in zong tuin (tahsa nitna koihmang hilou in, Pathian lama sialepha heetna hoih suhlungkimna hizaw in) Jesu Khrist thohkiitna in ahung hundam hi.

PETER I 4:8

Huleh sil bangkim tungah phatuamngaitahin kilungsiattuah chiat un; ajiahchu kilungsiatna in sualna tampi a khuhkhum hi.

PETER II 1:7

Na Pathian ngaihsahna vah unaute kideihsahna hal unla; huleh na unaute kideihsahna vah lungsiatna hal un.

JOHN I 3:10

Hikhu ah Pathian tate leh diabol tate a kihethei hi; mi koipouh dihtatna bawl lou chu Pathian a kuan ahi sih hi, huleh a unau lungsiat lou zong Pathian a kuan ahi sih hi.

JOHN I 3:23

Huleh a thupiah chu hikhu ahi. Eihaw’n a Tapa Jesu Khrist min i gintaat a, huleh thu ahung piah banga khat leh khat i kilungsiat diing uh ahi, chih.

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.