TIMOTHI I 1:15 - Thuhun Thah (BSI)

¹⁵ Khrist Jesu chu misualte hundam diingin khovel ah ahung hi chih hi thu gintaat umleh, pomtaah mahmah ahi; hu misualte laha lianpen ka hi.

TIMOTHI I 1:15 Iomraidhean Croise

MATTHAI 1:21

Tapa ahung nei diing a, a min Jesu na sa diing hi ajiahchu Ama’n a mite a sualna vapat a hundam diing hi," a chi hi.

MATTHAI 18:10

Hi mineute laha khat zong simmoh lou diingin pilvaang un; ajiahchu a angelte un vaan a um ka Pa meel a en zing uhi, chih ka hung hilh ahi.

MATTHAI 18:11

Mihing Tapa chu beimangte hundam diinga hung ahi ngal a.

MATTHAI 20:28

Mihing Tapa hilhial zong natohsaha um dinga a hung louha, natong diing leh mi tampi tatna diing a a hinna pe diing a a hung zawh mah bangin, a chi hi.

MATTHAI 9:13

Hizongleh chiah unla, Kithoihna deihlouin zahngaihna ka deih hi, chih umdan va zil un; ajiahchu midihtatte kou diing a hung ka hi sih a, misualte kisiihsah diing a kou a hung ka hizaw hi, a chi hi.

MARK 2:17

Jesu’n hichu a jah tahin, a kawmvah, Mi damte’n doctor a mamoh sih va, mi damloute’n a mamoh zaw uhi; midihtatte kou diing a hung ka hi sih a, misualte kisiihsah diing a hung ka hi zaw hi, a chi hi.

LUKE 15:2

Pharisaite leh lehkhagialtute’n, Hipa’n misualte a kipawlpih a, an bang a neeh khawmpih, chi'n a phunchiah va,

LUKE 19:10

Ajiahchu beimangte hawl diing leh hundam diing a mihing Tapa chu hung ahi, a chi a.

LUKE 5:32

Midihtatte kou diing a hung ka hi sih a, misualte kou a kisiihsah diing a hung ka hi zaw hi, a chi hi.

JOHN 1:12

Hizongleh amah kipaahpih photmahte chu a kawmvah Pathian tate hihtheihna diing silbawltheihna a pia hi, a min gingtate chu.

JOHN 1:29

A jingni’n John in Jesu a kawm lama hungin a mu a, En un Pathian Belaamnou, khovel sualna pomangpa chu,

JOHN 12:47

Mi koipouh in ka thusoite jain, gingta sih mah zongleh ke’n siamlouh ka tansah sih; ajiahchu khovel siamlouh tangsah diing a hung ka hi sih a, khovel hundam diing a hung ka hi zaw hi.

JOHN 3:36

Koipouh Tapa gingta in kumtuang hinna a neita, koipouh Tapa gingta louin hinna a mu sih diing a, hizongleh Pathian lungthahna a tungah a um zing hi, a chi hi.

SILBAWLTE 11:1

Huleh Judia gam a sawllehte leh unau umte’n Jentelte in zong Pathian thu a pomta uh chih, a jata va.

SILBAWLTE 11:18

Hu thu chu a jah tahun a sipta va, Huchi ahihleh, Pathian in Jentelte zong hing diingin a kisiih uh phal ahita ve, chi'n Pathian a phatta uhi.

SILBAWLTE 3:26

Pathian in a Tapa Jesu kaithou in, na sualte uh kiheisansah diing leh vang hung pe diingin nanguh kawmah ahung sawl masapen ahi, a chi a.

ROMETE 11:14

Bangchizawng ahakhat a ka chipihte ka thangsiatsah a, a lahva khenkhatte beeh ka hutdam theih khaah leh chi'n.

ROMETE 5:6

Ajiahchu i haat louh laiin, a hun tahin Khrist chu Pathian ngaihsahloute diingin ahung sita hi.

KORINTHTE I 15:9

Ajiahchu sawllehte laha a neupen ka hi a, Pathian kouhtuam ka sawih jiahin sawlleh minvoh taah zong ka hi sih hi.

EPHESITE 3:8

Jentelte kawma Khrist hauhsatdan hawldoh seeng guallouh thute soi diing a kei misiangthoute zousiah laha neupen sanga neuzaw kawmah hi hehpihna chu piah ahi.

TIMOTHI I 1:13

Tumalaiin Pathian soisetu leh suduhdahtu leh sunatu ka na hi a; hizongleh khotuahna ka muta hi, ginlouhna a he lou a na bawl ka hih jiahin.

TIMOTHI I 1:19

Ginna leh sialepha heetna hoih chu tukip in; huchu mi khenkhatte’n a paaikhia va, ginna lamah kuang sia bangin a keehgawpta uhi;

TIMOTHI I 3:1

Koipouh kouhtuam houtu a pan ut chu, natoh hoih ut ahi, chih a dih ahi.

TIMOTHI I 4:9

Hi chu thu gintaat umleh pomtaah mahmah ahi.

TIMOTHI I 6:13

Sil bangkim suhingtu Pathian leh, Pontia Pilat ma a gupna hoih gumpa Khrist Jesu mitmuh in thu ka hung pia hi.

TIMOTHI II 2:11

Hi thu chu a gintaathuai hi; Ajiahchu amah toh sita i hihleh, amah toh i hing khawm diing a;

TITA 3:8

Pathian gingtasate’n sil hoih bawl zing diing ngaihtuah u’heh chih thu hi a ginum ahi, huleh hi thute chu khauhtaha na soi zing ka deih hi. Hite chu mihing diingin a hoih a, huleh a phatuam hi.

HEBRAITE 7:25

Huchi'n amah a Pathian kawm a hungte chu, amahuh diing a ngetsah diing a, a hin zing jiahin, a tawpkhawh tanin a hundam thei hi.

JOHN I 3:5

Huleh amah chu i sualnate uh lamang diing a hung kilang ahi chih na he uhi; amah ah chu sual himhim a um sih hi.

JOHN I 3:8

Sual bawl mi chu diabol a kuan ahi, ajiahchu diabol in a chiil apatin sual a bawl zing hi. Ajiahchu Pathian Tapa hung kilatnasan chu diabol silbawlte suse diingin ahi.

JOHN I 5:11

Huleh heetsahna chu hikhu ahi, Pathian in kumtuang hinna ahung peta a, hu hinna chu a Tapa ah a um hi.

THUPHUANDOH 21:5

Huleh laltouphah tunga toupa’n, Ngai in, sil zousiah ka siam thah hi, a chi a. Huleh ama’n ka kawmah, Gial in; ajiahchu hi thute hi a dih in a ginum ahi, a chi a.

THUPHUANDOH 22:6

Huleh ama’n ka kawmah, hi thute hi a ginum in a dih ahi, huleh zawlnei siangthou Lalpa Pathian in sil kibawlpah diingte chu a suaahte musah diingin a angel a sawlta hi.

THUPHUANDOH 5:9

Huleh amahun la thah khat a sa va, Nang chu lehkhabu la a, hua chiam chihnate phel taah na hi; ajiahchu thah in na um a, chi chin, haam chin, michin leh nam chin apat mite na sisanin Pathian a diingin na hung tanta a;