SILBAWLTE 9:6 - Thuhun Thah (BSI)

⁶ Huleh, ama’n kithing kawm leh limdangsatahin, Lalpa, bang bawl diingin na hung deih ei? a chi a. Huin, Lalpa’n a kawmah, Thou inla khopi sungah luut in, huchi'n na bawl diing ahung na hilh diing uh, a chi a.

SILBAWLTE 9:6 Iomraidhean Croise

SILBAWLTE 22:10

Huleh ke'n, Bang ka bawl diai Lalpa? ka chi a. Huleh, Lalpa’n ka kawmah, Thou inla Damaska khosung ah luut in, hutah ah sil zousiah na bawl diingte ahung kihilh diing hi, a chi a.

SILBAWLTE 26:16

Hizongleh thou inla na keeng in ding in; hi na sil muhte leh na kawma ka hung kilaahna diingte toh, hu nna tong diing leh, theihpih diing a nang hung bawl diingin na kawmah ka hung kilaah ahi ngal a.

PHILIPPITE 2:12

Huchihjiahin, ka deihtahte, ka um peet chiang chauh hilou a, tua ka um louh lai a zong, thu na man veu mah bangun, lau leh liing pum in na hutdamna chiat uh tongdoh un.

ROMETE 10:20

Huleh Isaiah in, haangsantahin, Ahung hawlloute kawmah muhdohin ka um a; ahung kouloute kawmah suhlatin ka umta hi, a chi hi.

ROMETE 10:3

Bang jiahin ahiai i chih leh Pathian dihtatna he lou in, amahuh dihtatna suhkip tum in, Pathian dihtatna ah a kituluut nuam sih uhi.

ROMETE 7:9

Ajiahchu tumalam in kei daan louin kana hing a; hizongleh thupiah ahung um tahin sual ahung halhdoha, kei ka sita hi.

ROMETE 5:20

Huleh giitlouhna a tamsemna diingin daan ahung um behlap nalai a. Hizongleh sual a punna phot ah hehpihna zong a pung zosem hi.

SILBAWLTE 10:32

Hujiahin Joppa khua ah mi sawl inla, Simon, Peter a chih uh chu na kawmah kouin; amah chu tui khang lian, panga savun bawlpa Simon inn a tung ahi; amah ahung chiangin thu ahung hilh diing hi, a chi a.

SILBAWLTE 10:22

Huleh amahun, Pathian apata angel siangthou khat in, Kornelia, sepaih zahoutu mi dihtah, Pathian laudan siam, Judami zousiah in a soiphat, kawmah na thusoi a jahna diinga, a inn a nang kousah diingin a hilh hi, a chi va.

SILBAWLTE 10:6

Amah chu tui khang lian gei a um, savun bawlpa Simon inn a tung ahi; ama’n na bawl diing ahung hilh diing hi, a chi a.

SILBAWLTE 2:37

Huleh, Hi thu a jah tahun a lungtang va sut bang ahung hita va, Peter leh sawlleh danghaw kawmah, Mite leh unaute, bangchibangin ka bawlta diing viai? a chi va.

LUKE 3:10

Huin mipite’n a kawmah, Ahihleh kei un bang ka bawlta diing viai? chih a dong va.

MATTHAI 19:30

Hizongleh mi tampi masapen a umte nunungpen in a um diing va; huleh nunungpen a umte masapen ahi diing uhi.

JAKOB 4:6

Hihmalahin hehpihna tamsem ahung pia hi. Hujiahin Pathian lehkhathu in, Pathian in mi kisatheite a doudaal a, kingaingiamte kawmah hehpihna a pe veu hi, a chi hi.

SILBAWLTE 9:5

Huin, ama’n, Lalpa, kua na hiai? a chi a. Huin, Lalpa’n, Jesu na suhduhdahpa chu ka hi; vuaahna siihzum peeh zing nang di’n a hahsa hi, a chi a.