SILBAWLTE 7:8 - Thuhun Thah (BSI)

⁸ Huleh, Pathian in a kawmah zehtan thuhun a pia hi; huchi’n Abraham in Isaak ahung hing a, huleh, a ni giat niin a zeh a tan a; huleh Isaak in Jakob ahung hing a; huleh Jakob in chihaahtu sawm leh nihte ahung hing hi.

SILBAWLTE 7:8 Iomraidhean Croise

MATTHAI 1:2

Abraham in Isaak a hing a; Isaak in Jakob a hing a; Jakob in Juda leh a sanggamte a hing a;

JOHN 7:22

Huchi'n Mosi’n zehtan thu nanguh ahung pia a, (Mosi piah ahi sih a, pulepate a hung kipan ahi zaw), huleh khawlni’n mi zeh na tan veu uh.

SILBAWLTE 2:29

Mite leh unaute, chihaahtu David thu hi lau louin na kawmvah ka soi thei hi, amah zaw a si a, vui zong a vuita va, a haan zong tuin i kawmvah a um nalai hi.

ROMETE 4:10

Ahihleh huchu bangchi kingaih ahiai? a zehtan nungin ahiai, ahihlouhleh a zehtan ma in? A zehtan nungin ahi sih a, a zehtan ma in ahi zaw hi.

GALATIATE 3:15

Unaute, mihing daanin ka soi ahi; hichu mihing thuhun hitamahleh, suhkip ahih inchu koima’n a phel ngei sih a, beh zong a behlap ngei sih uhi.

GALATIATE 3:17

Huleh hichu ka soi ahi, Pathian in Khrist a, a suhkipsa thuhun chu, kum ja li leh kum sawmthum nunga hung um daanin thuchiam chu bangmahlou suaah diingin a sumang thei sih hi.

HEBRAITE 7:4

Tuin chi haahtu Abraham ngei in gaal laah thuampuate sawm a khat a piahnapa, hipa loupidan ngaihtuah dihvua.