SILBAWLTE 5:5 - Thuhun Thah (BSI)

⁵ Huleh, Anania in hu thu a jah tahin a puuh a, a sita a; huleh, hu thu ja zousiah chu a lau mahmahta uhi.

SILBAWLTE 5:5 Iomraidhean Croise

SILBAWLTE 13:11

Huleh tuin, ngai in, Lalpa khut na tungah a tu ahi, na mit ahung taw diing a, bangtan aha khovaah mu louin na um diing, a chi a. Huin, thakhat in mei leh mial a tungah ahung kia a; khuta kaitu diing hawl in a vaah lehlehta hi.

SILBAWLTE 2:43

Huleh, mi zousiah in a lauta va; sawllehte’n silmahte leh chiamchihnate tamtah, a bawl uh.

SILBAWLTE 5:13

Huleh, midang kuamah a lahvah a tel ngamta sih uhi; hizongleh mite’n amahuh a paahta ngal uhi.

KORINTHTE I 4:21

Bang ahiai na deih zawh uh? na kawmvah chiang tawiin ka hung diai, ahihlouhleh lungsiatna leh lungnemna hagau toh ka hung diai?

KORINTHTE II 13:10

Hujiahin suse diing hilou a, bawl hoih diing zaw a Lalpa hungpiah thuneihna dungjuia ka hung vau louhna diingin, na kawmva ka um louh laiin hi silte ka hung gial hi.

KORINTHTE II 13:2

Tuma in ka hung hilhta hi, a nihveina a na kawmva ka umlai a ka soi bangin, tuin na kawmva um louin, tumalama sil bawlsualte leh midang zousiah kawmah ka hung ma soi ahi, ka hung kiit inchu ka hawi sih diing hi.

KORINTHTE II 7:11

Bang jiahin ahiai i chih leh ngai un, Pathian deihlam banga hi na lungkhamna uh ngei in bangchituha nanguh a pil va ana bawldoh a taimah; ahi, nanguh kisuhsiangnate, ahi, lungthahnate, ahi, launate, ahi, lunggulhnate, ahi, phatuamngaihnate, ahi, phubalahnate! hi silte zousiah ah na siang uh chih na muchiansahta uhi.

THUPHUANDOH 11:13

Huleh hu laitahin zil nasatahin a kiliing a, khopi mun sawma khen munkhat a chimta a, huleh hu ziilling ah mi saang sagih thah in a umta hi; a mawh teng chu a lau mahmah va, vaan Pathian kawmah loupina a peta uhi.

THUPHUANDOH 11:5

Mi koipouh in amah uh a suhnat leh a kam vapata mei hung pawtdoh in a meelmate uh a kaanggam a; huleh mi koipouh in amahuh a suhnat leh huchibangmah a thah in a um diing hi.