SILBAWLTE 3:16 - Thuhun Thah (BSI)

¹⁶ Huleh, Amah min gin jiahin, A min in hipa na muh uleh na heet uh chu a suhaatta ahi; ahi, Amah jiaha ginna hung um in, na bawnva mitmuh in a sudam vilvelta ahi.

SILBAWLTE 3:16 Iomraidhean Croise

MATTHAI 14:29

Huin ama’n, Hung in, a chi a. Huin Peter chu kuang apatin a kum a, Jesu kawma chiah diingin, tui tungah keeng in a paita a.

MATTHAI 9:22

Huin Jesu chu a kinunghei a, amahnu a mu a, Tanu, lungmuangtahin um in, na ginna in ahung damsahta hi, a chi a. Huleh hu numeinu chu hu daah apat a damta hi.

JOHN 14:12

Chihtahzetin, chihtahzetin, ka hung hilh ahi, Koipouh kei hung gingta inchu ka silbawlte ama’n zong a bawlve diing a, huleh hite sanga loupizaw zong a bawl diing, ka Pa kawma ka chiah diing jiahin.

JOHN 7:23

Mosi daan bohsiat louh na diing a mi’n khawlni a zeh a tan inchu, ke’n khawlni a mi khat ka damsiangsah jiahin ka tungah na lungthah uh ahiai mah?

SILBAWLTE 14:9

Hu mi'n Paul thusoi a ngaikhia a; huleh Paul in a ensaal a, a damna diingin ginna a nei chih a he a,

SILBAWLTE 16:18

Huleh, huchi'n ni sawttah ahih a. Huin Paul chu a lunghita sih a, a kihei a, dawi kawmah, Jesu Khrist min in a sunga kipat pawt thu ka hung pia ahi, a chi a. Huleh, amah chu hu laitahin a pawtpah hi.

SILBAWLTE 3:6

Hizongleh, Peter in, dangka leh sana bangmah ka nei sih; hizongleh, ka neihsun ka hung pe diing; Nazareth Jesu Khrist min in thou inla keeng in chiah in, a chi a.

SILBAWLTE 3:8

Huchi’n, amah chu a diangdoh a, a ding a, keeng in a chiahta a, huleh keeng a chiah a diangdiang leh, Pathian pahtawi kawm jel in, amahuh toh Pathian biahinn ah a luutta hi.

SILBAWLTE 4:10

Na bawnun he un, huleh, Israelmi zousiah in zong he un, Nazareth Jesu Khrist, na kilhlup uh, Pathian in misi lah apat a kaithou kiit a, Amah min ngei in hi pa chu na bawnva ma ah dam in a dingta ahi.

SILBAWLTE 4:30

Mite sudam diing a na khut jah in; Na Ta siangthou Jesu min jala chiamchihna leh silmahte bawl in, a chi va.

SILBAWLTE 4:7

Huleh, Peter leh John chu a lai vah a dingsah va, Bang thuneihna in ahiai, ahihlouhleh, kua min in ahiai hibang na bawl uh? chi in a dong uh.

ROMETE 3:22

Huchu, Jesu Khrist gintaatna jiaha a gingta photmahte diing a suhlata um Pathian dihtatna chu ahi; bang jiahin ahiai i chih leh a kilimdanna bangmah a um sih hi;

KORINTHTE I 13:2

Huleh thusoitheihna silpiah nei in, thuguuh zousiah leh heetna zousiah he veh mahleng, huleh taang kisuansah theihna khop ginna nei mahleng, lungsiatna ka neih louh inchu bangmah ka hi sih hi.