SILBAWLTE 26:16 - Thuhun Thah (BSI)

¹⁶ Hizongleh thou inla na keeng in ding in; hi na sil muhte leh na kawma ka hung kilaahna diingte toh, hu nna tong diing leh, theihpih diing a nang hung bawl diingin na kawmah ka hung kilaah ahi ngal a.

SILBAWLTE 26:16 Iomraidhean Croise

LUKE 1:2

A chiil apat a mita mutute leh thu natongtute’n ahung na hilh bangun,

SILBAWLTE 1:17

Ajiahchu, amah hi i lahva simtel ahi a, hi natohna ah tan a nei ahi.

SILBAWLTE 1:25

Juda in amah umna mun ngeia chiah diingin hi natohna leh sawlleh hihna a puuhsan, mun luah diingin, a chih va.

SILBAWLTE 20:24

Hizongleh ka kitaidemna kipaahtaha ka taitung theihna diing leh Lalpa Jesu apat a ka muh Pathian lungsiatna tanchinpha heetsah diing natohna ka toh zoh theihna diingin hi silte khat mahin ahung hihliing sih a, ka hinna zong ittahin ka ngai sih hi.

SILBAWLTE 21:19

Huleh Paul in amahuh chibai a buuh zohin, a natohna zanga Pathian in Jentelte laha sil a bawlsah zousiah chu a baan in a soi hi.

SILBAWLTE 22:10

Huleh ke'n, Bang ka bawl diai Lalpa? ka chi a. Huleh, Lalpa’n ka kawmah, Thou inla Damaska khosung ah luut in, hutah ah sil zousiah na bawl diingte ahung kihilh diing hi, a chi a.

SILBAWLTE 23:11

Huleh a janin Lalpa chu Paul kawmah a ding a, Paul, hamuangtahin um in; Jerusalem khua a ka thu na heetsah bangin Rome khua ah zong na hesah diing hi, a chi hi.

SILBAWLTE 26:15

Huleh ke’n, Lalpa, kua na hiai? ka chi a. Huin, Ama’n, Na suhduhdah Jesu ka hi,

SILBAWLTE 6:4

Keiuh chu haamtei leh thunatong in ka um zom zing zaw diing uh, a chi va.

ROMETE 1:5

A min jiaha nam chin laha mi ginna lama thumangsah diingin amah vangin hehpihna leh sawlleh hihna i tangta uhi;

ROMETE 15:16

Jentelte kawmah Jesu Khrist thunatongtu ka hihtheihna diing leh, ka Jentel latte Hagau Siangthou a suhsiangthou ahih va, kipaahpih taah ahihtheihna diingun Pathian tanchinpha nna ka tong hi.

KORINTHTE II 4:1

Hujiahin khotuahna ka muh bang va, hi natohna ka tan jiahun, ka chau sih uhi.

KORINTHTE II 5:18

Huleh sil zousiah chu Pathian a kuan ahi a, ama’n Jesu Khrist in amah toh kilem in ahung bawl a, huleh ka kawmvah kilepna natohna ahung pia hi.

GALATIATE 1:12

Ajiahchu mihing apat ka muh zong ahi sih a, mi hung hilh zong ka hi sih, hizongleh Jesu Khrist kilaahna jiaha ka muh ahi zaw hi.

GALATIATE 2:2

Huleh kilaahna dungjuiin ka chiah tou a, Jentelte kawma ka tanchinpha soi chu a kawmvah ka hilh a, hizongleh mi zahum deuhte chu a tuamin ka hilh hi, huchilou inchu bangchi aha in a thawn a tai ka hikha diing hi.

EPHESITE 3:3

Huchia kilaahna a thuguuh kiphual ka kawma ahung heetsah, (tuma a tomtakhat a ka gelh thute bang.

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.

KOLOSSITE 1:25

Pathian thu subuching diingin, nanguh diing a ka kawma hung kipia Pathian hunbi khenna dungjuiin thunatongtu diinga siam ka hi.

KOLOSSITE 1:7

Epaphra, ka suaah tanpih uh ngaihtah, nanguh diinga Khrist natongtu ginumtah apat zong na heet taah mahbangun.

THESSALONIKATE I 3:2

Huleh i unaupa uh Timothi, Pathian natongtu, Khrist tanchinpha lama ka tohpih uh, nanguh hung sukip diing leh na ginna lam va hung hamuan diingin ka hung sawl uhi.

TIMOTHI I 1:12

Huleh thunatongtu a hung koih a ginum a ahung sim jiahin, ahung suhaattu, Jesu Khrist, i Lalpa u’chu ka phat ahi.

TIMOTHI I 4:6

Hi silte unaute na heetsah leh, nang chu Jesu Khrist thunatongtu hoih, ginna leh thuhilhna hoih tutan a na zop thu a vaah khang a um na hi diing hi.

TIMOTHI II 4:5

Hizongleh nang chu sil zousiah ah pilvaang inla, gimthuaah inla, tanchinpha soitu nna tong in, na natohna chu sutaangtung in.