SILBAWLTE 21:1 - Thuhun Thah (BSI)

¹ Huleh hichi ahung hi a, amahuh toh ka kikhen zohun, kuang in ka chiah va, zangjelin Koos ka tungva, huleh, a jing in Rode ka tungva, hu apatin Patara khua ka tung uhi;

SILBAWLTE 21:1 Iomraidhean Croise

LUKE 5:4

Huleh a thusoi zohin Simon kawmah, Lithuuh lam naih inla, nga man diingin na leente uh sep un, a chi a.

LUKE 8:22

Huleh hichi ahung hi a, ni khat chu a nungjuite toh kuang ah a tuang a; huleh ama’n a kawmvah, Diil gaal lehlamah i kai diing uh, a chi a. Huleh kuang chu phelin a tawlta va.

SILBAWLTE 27:2

Huleh, Asia gam tuipi geia khua umte tawn diing Adramitim kuang ah ka tuang va, ka kitawlta uhi; Thessalonika khua a um Makedonia gammi, Aristarkha ka tonpih uhi.

SILBAWLTE 27:4

Hu apatin kuang in ka chiah kiit va, huih a lehnun jiahin Cyprus gam liah lamah ka kitawl uhi.

THESSALONIKATE I 2:17

Hizongleh kei u’chu, unaute, tomchakhat sung lungtang lam hilou a, meel lam chauh a kikhen a i um jiahin, kilawptah a na meel uh mu diingin ka hahpan sem uhi.