SILBAWLTE 20:3 - Thuhun Thah (BSI)

³ Huleh huah ha thum a taam a. Huleh, Judate’n amah a guuhtaan jiahin Syria gam lama kuang a a pai diing laiin, Makedonia gam lehtot kiit a tumta hi.

SILBAWLTE 20:3 Iomraidhean Croise

MATTHAI 4:24

Huleh Syria gam pumpi ah a min a thangta a; huleh amahun natna chi tuamtuam a damlou zousiah leh dawi matte, sibup veite leh zengte a kawmah ahung pui va, ama’n ana sudam jel hi.

SILBAWLTE 16:12

Huleh hu apatin Philippi khua ah ka chiah va, huchu Makedonia gam a khaw poimoh khat ahi a, Rome khua a mipeemte khua ahi; hu khua ah ni tamdeuh ka taam uhi.

SILBAWLTE 16:9

Huleh jan laiin, Paul in manglam bangin Makedonia gam a mi khat ding in, Makedonia gam ah hung gaalkai inla, hung panpih in, chi a ngen in a mu a.

SILBAWLTE 18:18

Huleh hunungin Paul chu ni sawttah a taam nalai a, huzohin unaute chu kampha in a khen a, hu akipatin Syria gam lamah kuang in a chiahta a, Prisilla leh Akuila toh zong a ton uhi; kichiamna a neih jiahin, Kenkria khua ah Paul in a lu a meet hi.

SILBAWLTE 19:21

Hu silte nungin, Paul in a lungsim in, Makedonia gam leh Akaia gam a totsuaah zoh chianga Jerusalem khua a chiah a tum a, Hutah a ka chiah zoh chiangin, Rome khua zong, ka va pha teitei diing, a chi a.

SILBAWLTE 20:1

Huleh buaina a daih nungin, Paul in nungjuite a kawmah a kou a, amahuh a aangkawi a, kampha in a ha a, Makedonia gam a diingin a chiahta hi.

SILBAWLTE 20:19

Thunuaigolhtah leh Judate’n ahung jebawl jiah va mittui tampi leh, sil hahsa ka tunga hung tungte thuaah kawmin Lalpa nna ka tong hi.

SILBAWLTE 20:2

Huleh hu gam vel a totsuaah a, a kawmva hasotna thu tampi a soi zohin, Greece gam a tungta hi.

SILBAWLTE 21:3

Huleh Cyprus gam ka muhun veilampang ah ka peel va, Syria gam lamah ka chiah jel va, huleh Tura khua ah ka kinga uh; hu mun a kuang van suahkhiah diing ahihjiahin.

SILBAWLTE 25:3

Huleh, lampi a ana guuhtaan va, ana thah theihna diingun a kawmah Paul chu Jerusalem a va puitousah diingin a ngen uhi.

KORINTHTE II 1:15

Huleh hi gintaatna tah nei in, phattuamna nihveina na neih theihna diingun, na kawmva hung masat ka tum hi.

KORINTHTE II 11:26

Khualzinna ah tampivei, tuitung a lauhuai ah, suamhaatte laha lauhuai ah, ka chipihte laha lauhuai ah, Jentelte laha lauhuai ah, khopi sunga lauhuai ah, gamdai a lauhuai ah, tui khang lian a lauhuai ah, unau tahloute laha lauhuai ah;

KORINTHTE II 7:5

Ajiahchu Makedonia gam ka hung tun un, ka tahsa un khawldamna a nei sih a, lehlam lehlam a suhbuai in ka um zaw uhi; polamah kisualnate a um a, sunglamah launate a um hi.

GALATIATE 1:21

Hunungin Syria leh Silisia gam ah ka hungta hi.