SILBAWLTE 2:3 - Thuhun Thah (BSI)

³ Huleh, leite amah leh amah kihawm in mei bangin a kawmvah ahung kilang a, huleh, a tung chiat vah ahung umta hi.

SILBAWLTE 2:3 Iomraidhean Croise

MATTHAI 3:11

Ke'n chu kisiihna diingin tui in ka hung baptis ngei a; hizongleh ka nunga hungpa chu kei sangin a loupizaw a, A keengtophah tawi taah zong ka hi sih hi; Ama’n chu Hagau Siangthou leh mei in nanguh ahung baptis diing hi.

MATTHAI 3:15

Huleh Jesu’n a dawng a, a kawmah, Tuin chu huchih diing lemsa haam in; ajiahchu huchibanga dihtatna zousiah bawl bukim chu ei diing a kilawm ahi, a chi a. Huin lem a sata hi.

LUKE 24:32

Huin amahun, Lampi a ahung houpiha, Pathian lehkhabu thute ahung hilhchian laiin i lungtang i sungah a kuang hial hilou ahiai mah? a kichi va.

SILBAWLTE 1:15

Huleh, hu hun laiin Peter chu nungjuite lai ah a ding a, (a bawnun za leh sawmnih vel ahi uh).

SILBAWLTE 2:11

Khenkhat Krit gam leh Arab gammi bang i hi ngal va, hizongleh Pathian silbawlloupite a soi uh eimah haam chiat in i ja uh, a chi va.

SILBAWLTE 2:2

Huleh, thakhat in vaan a kipanin ging, huihpi nasatah nung bangin ahung um phut a, huleh, huhin chu a touna inn uh a sudim veh a.

SILBAWLTE 2:4

Huleh, a bawnun Hagau Siangthou in a dimta va, Hagau in a haamsah bangjelin haam dang in ahung haamta uhi.

KORINTHTE I 12:10

Midang kawmah silmah bawltheihnate piah ahi a; midang kawmah thusoitheihna piah ahi; midang kawmah hagaute heetkhentheihna piah ahi a; midang kawmah haam tuamtuam a thusoitheihna piah ahi; midang kawmah haam tuamtuam lehdohtheihna piah ahi;

JAKOB 3:6

Huleh lei chu mei ahi a, i sapum hiangte lah a tatsiatna lompi chu lei ahi; huchi'n leiin sapum a bawnin a subolhhoh a pianpih hinkhua lampi chiah kualvelna chu a kaangsaha; huleh amah chu gawtmun mei in a kaang veu hi.

THUPHUANDOH 11:3

Huleh ka heetpihtu nihte kawmah silbawltheihna ka pe diing a, amahun saiip puan silh in ni saang khat leh za nih leh sawmguup sung thu a soi diing uhi, a chi a.

THUPHUANDOH 14:6

Huleh angel dang khat, leitung a teeng nam chin, phung chin, haam chin leh michin kawma taangkoupih diing kumtuang tanchinpha neia vaanlaizawl a leeng ka mu a.