SILBAWLTE 16:1 - Thuhun Thah (BSI)

¹ Huin amah chu Derbe leh Listra khua ah a hung a; huleh ngai in, huah Timothi kichi, nungjui khat a um a, amah chu gingtu, Juda numei koi aha tapa ahi a; hizongleh a pa chu Grik mi ahi.

SILBAWLTE 16:1 Iomraidhean Croise

SILBAWLTE 14:1

Huleh, Ikonium khua ah hichi ahung hia, Judate kikhopna inn ah a luutkhawm va, thu a soi va, huchi'n, Judate leh Grikte tamtah in zong a gingtata uhi.

SILBAWLTE 14:21

Huleh amahun hu khopi a tanchinpha a soi va, mi tampi a hilh zohun, Listra leh, Ikonium leh, Antiok khua ah a kiih kiitta uhi.

SILBAWLTE 14:6

Amahun hichu ana he va, Likaonia gam a Listra leh Derbe khua ah, huleh a kiimvel gam ah a taimang uh;

SILBAWLTE 17:14

Huin kintahin unaute’n Paul chu tui khang lian tana chiah diingin a sawlkhepah va, hizongleh, Silas leh Timothi chu huah a umdenta uhi.

SILBAWLTE 18:5

Huleh Silas leh Timothi Makedonia a kipat ahung tun un, Paul chu thusoi chauhin a umta a, Jesu chu Khrist ahi chih Judate kawmah a hilhchian veu hi.

SILBAWLTE 19:22

Huchi'n, amah natohsahte mi nih Timothi leh Erasta chu Makedonia gam ah a sawl a; hizongleh, amah chu Asia gam ah hun tomkhat a um tadih hi.

ROMETE 16:21

Ka natohpih Timothi leh ka chipihte Lusia, Jason, huleh Sosipater in chibai ahung buuh uhi.

KORINTHTE I 16:10

Huchi'n Timothi a hung a ahihleh, lauthawng lou a na lahva a um theihna diing ngaihtuah un; ajiahchu kei tobangin ama’n Lalpa nna a tong hi.

KORINTHTE I 4:17

Hikhu diing jiahin Lalpa a ka ta deihtah leh ginum. Timothi na kawmvah ka hung sawl hi; ama’n chu gam china kouhtuamte ka hilh veu bangin, Khrist a ka umdante nanguh ahung hedohsah kiit diing hi.

KORINTHTE I 7:14

Bang jiahin ahiai i chih leh ginglou pasal chu a ji jiahin suhsiangthouin a um a, huleh ginglou ji zong a pasal jiahin suhsiangthouin a um hi; huchi hilouleh na tate uh a siang sih diing hi; hizongleh tuin chu a siangthou uhi.

KORINTHTE II 1:1

Paul, Pathian deihlama Jesu Khrist sawlleh leh, i naupa uh Timothi in, Korinth khua a um Pathian kouhtuamte leh, Akaia gam pumpi a misiangthoute zousiah kawmah;

KORINTHTE II 1:19

Bang jiahin ahiai i chih leh na lahva keiuh, keimah ngei leh, Silvana leh Timothi in a thu ka soi uh Pathian Tapa Jesu Khrist chu, ahi leh hilou, chih ahi sih a, amah ah chu ahi chih ahi zaw hi.

PHILIPPITE 1:1

Paul leh Timothi, Jesu Khrist suaahte’n, Philippi khua a um Khrist Jesu a misiangthou zousiah kawma leh, kouhtuam houtute leh upate kawmah;

PHILIPPITE 2:19

Hizongleh Timothi na kawmva hung sawlpah diingin Lalpa Jesu ah ka kinem hi, na tanchin uh ka heet chianga kei zong lungmuangtaha ka um theihna diingin.

KOLOSSITE 1:1

Paul, Pathian lungguata Jesu Khrist sawlleh leh, i unaupa uh Timothi in,

THESSALONIKATE I 1:1

Paul leh, Silvana leh, Timothi in, Pa Pathian leh Lalpa Jesu Khrist a Thessalonika khua a um kouhtuamte kawmah; i Pa uh Pathian leh Lalpa Jesu Khrist kawm apat hehpihna leh hamuanna na kawmvah um hen.

THESSALONIKATE I 3:2

Huleh i unaupa uh Timothi, Pathian natongtu, Khrist tanchinpha lama ka tohpih uh, nanguh hung sukip diing leh na ginna lam va hung hamuan diingin ka hung sawl uhi.

THESSALONIKATE I 3:6

Hizongleh tu a Timothi na kawm vapat ka kawm uh ahung tunin na ginna uleh na lungsiatna uh, huleh kei un nanguh ka hung muh nuam mahmah bangun nangun zong keiuh hung mu nuam mahmah in na hung he zing uh chih tanchin kipaahhuaitah ahung puaah hi.

THESSALONIKATE II 1:1

Paul leh, Silvana leh, Timothi in, i Pa uh Pathian leh Lalpa Jesu Khrist a Thessalonika khua a um kouhtuam kawmah:

TIMOTHI I 1:18

Ka tapa Timothi, tuma a na kawma tanchin kisoilawh thute dungjuiin hi thupiah chu ka hung pia ahi, hute a kidouna hoih na dou theihna diingin.

TIMOTHI I 1:2

Ginna a ka tapa tahzet Timothi kawmah; Pathian i Pa uleh i Lalpa uh Jesu Khrist kawma kipan, hehpihna leh, khotuahna leh, hamuanna umta hen.

TIMOTHI II 1:2

Ka ta deihtah Timothi kawmah; Pa Pathian leh Khrist Jesu i Lalpa uh kawma kipan hehpihna leh, khotuahna leh, huleh hamuanna um hen.

TIMOTHI II 1:5

Ginna tuailou nangmah a um chu ka ngaihtuah tahchiangin, hu ginna chu a masapenin na pi Lois ah a um a, na nu Eunisi ah zong a um a, huleh nangmah ah zong a um chih dihtahin ka he hi.

TIMOTHI II 3:11

Antiok khua leh, Ikonium khua leh, Listra khua a sawina ka thuaahte na he kim veh hi; hizongleh hute zousiah ah Lalpa’n ahung hundohta hi.

PHILEMON 1:1

Paul, Jesu Khrist mitaang leh, i unaupa uh Timothi in, ka deihtah uleh ka natohpih uh Philemon kawmah,

HEBRAITE 13:23

I unaupa uh Timothi hahdoh in a umta chih ana heta un; ahung paipah leh, amah toh nanguh ka hung mu diing hi.