SILBAWLTE 1:8 - Thuhun Thah (BSI)

⁸ Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

SILBAWLTE 1:8 Iomraidhean Croise

MATTHAI 24:14

Huleh hi lalgam Tanchinpha chu nam zousiah heetsahna diingin khovel pumpi ah soi in a um diing; huzohchiangin a tawpna chu ahung tung diing hi.

MATTHAI 28:19

Hujiahin chiah unla, nam chin a mi nungjui in siam unla, Pa leh Tapa leh Hagau Siangthou min in baptis un;

MARK 16:15

Huin ama’n a kawmvah, khovel zousiah ah chiah unla, silsiam chinteng kawmah Tanchinpha soi un.

LUKE 1:35

Huleh angel in a dawng a, a kawmah, Hagau Siangthou na tungah ahung tung diing a, Tungnungpen silbawltheihna in ahung liahkhuh diing; hujiahin mi siangthou nang a hung piang diing zong Pathian Tapa chih ahi diing hi.

LUKE 10:19

Ngai un, guulte leh momaite totdeen theihna leh melma silbawltheihna zousiah tunga thuneihna ka hung pia hi; huchi'n bangmahin ahung suna het sih diing,

LUKE 24:29

Hizongleh amahun a hou va, Ka kawmvah um mai ta’n; nitaahlam ahita a, huleh ni zong tum diing ahita hi, a chi va, Huin a kawmva um diingin a luut ta hi.

JOHN 15:27

Huleh nangun zong na hesah diing uh, a chiila kipana ka kawma um na hih jiahun.

SILBAWLTE 1:22

John baptisma a kipana, i lahva apata vaan a puitouh a a um ni tanpha a hung na kithuahpihte laha mi khat, a thohkiitna hung theihpihtu diingin a um ngei diing ahi, a chi a.

SILBAWLTE 1:5

Ajiahchu John in tui in a baptis ngeia; hizongleh nangun chu ni sawtlou sungin Hagau Siangthou in baptisma na tang diing uh, a chi a.

SILBAWLTE 13:31

Huleh, amah toh Galili gam a kipat a Jerusalem khua a chiah pute kawmah ni tampi sung a kilaah veu a, hu mite chu tuin mite kawmah a thu heetpihtute ahi uhi.

SILBAWLTE 2:32

Hi Jesu chu Pathian in a kaithou kiitta ngeia, huchu ka bawnun heetpihtute ka hi uhi.

SILBAWLTE 22:15

Ajiahchu na muh leh na jah thu ah mi zousiah kawmah Amah thu heetpihtu na hi diing hi.

SILBAWLTE 3:15

Hinna siamtu chu na that va; hizongleh, Pathian in Amah chu misi lah apat a kaithou kiit a; hu heetpihtute ka hi uhi.

SILBAWLTE 4:33

Huleh, sawllehte’n silbawltheitahin Lalpa Jesu thohkiitna thu chu a hilh zing va; a bawnva tung ah khotuahna nasatah a um hi.

SILBAWLTE 5:32

Huleh, keiuh hi thute heetpihtute ka hi uh; huchimahbangin Hagau Siangthou, Pathian in a thu jui photmahte kawma a piah taah zong heetpihtu ahi nalai hi, a chi va, a dawng uh.

SILBAWLTE 6:8

Huleh, Stephen, ginna leh silbawltheihna a dim in mi lahah silmah leh chiamchihna loupitahte a bawl veu hi.

SILBAWLTE 8:1

Huleh, Saul in zong Stephen sih chu lem a sa hi. Hu hun laiin Jerusalem khua a kouhtuam umte chu nasatahin a sawi panta va; huchi'n sawllehte chauh loungal chu Judia leh Samaria gam khochinah a dalhjah vehta uhi.

ROMETE 10:18

Hizongleh ka chi ahi, Israelte’n a ja sih va ahiai mah? Ja tham e, a thawm uh leitung pumpi ah a thangsuaah a, a thu uh kawlmong tandongin a thangta hi.

ROMETE 15:19

Chiamchihna leh silmahte in Pathian Hagau silbawltheihna in; huchi'n Jerusalem khua leh a kimvel gam a kipan Illirikam gam tanphain Khrist tanchinpha kimtahin ka soi zouta hi.

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.