SILBAWLTE 1:7 - Thuhun Thah (BSI)

⁷ Huleh, Ama’n’ a kawmvah, Pa in a hun leh a ni Amah thuthu a um diing a, a guat, nangun na heet diing uh ahi sih hi.

SILBAWLTE 1:7 Iomraidhean Croise

MATTHAI 20:23

Huin ama’n a kawmvah, Ka dawn diing nou chu na dawn ngei diing va, ka baptisma tan diing zong na tang ngei diing uhi; hizongleh ka jiatlam leh ka veilam a tousah diing thu chu keimah piah diing ahi sih hi, ka Pa’n a bawlsahte kawmah piah ahi diing, a chi a.

MATTHAI 24:36

Hizongleh hu ni diing leh a hun diing chu Pa chauh loungal koimah in, vaan a angelte’n zong a he sih uhi.

MARK 10:40

Hizongleh ka jiatlam leh ka veilama tou diing chu kei piah diing ahi sih a, a diing va kiguatsahte kawmah piah ahi zaw diing hi, a chi a.

MARK 13:32

Hizongleh hu ni leh hu huntah chu, Pa chauh loungal, koimah in, vaan a um angelte’n zong, Tapa in zong a he sih hi.

LUKE 21:24

Huleh amahuh chu namsaau hia min a si diing va, nam chin kawmah suaaha puiin a um diing uh; huleh Jentelte hun a buchin masiah Jerusalem chu Jentelte totdeenin a um diing hi.

SILBAWLTE 17:26

Huleh leitung zousiah luahsuaah a um diingin sisan bul munkhat vehin namchin mi a siam a, amahuh diingin hunbite a guat a, a umna gii uh zong a khamsah hi;

EPHESITE 1:10

Hunbi khenna kim ahung hun chiang a amah ngei a vaan a sil umte leh, leitung a sil umte a bawna Khrist a khata a suhtuahkhawmna diingin,

TIMOTHI I 6:15

Hu kilatna chu, amah huntah ah, phattuaah Thuneipa chauh, kumpipate Kumpipa, lalpate Lalpa’n ahung lah diing hi;

TIMOTHI II 3:1

Huleh hizong he in, ni nunung lamah hun hahsa tahtahte ahung um diing hi.