SILBAWLTE 1:4 - Thuhun Thah (BSI)

⁴ Amah uh toh kipawl jel in, “Jerusalem khua nuse sih unla, hizongleh Pa silchiam Ka soi na jah uh chu na ngaah un,” chi’n thu A pia hi.

SILBAWLTE 1:4 Iomraidhean Croise

MATTHAI 10:20

A soitu chu nanguh na hi sih diing va, na Pa uh Hagau in nanguh ah a soi zaw diing ahih jiahin.

LUKE 11:13

Huchia nanguh migilou in bawn na tate uh sil hoih piah na taang na heet uleh, na Pa uh vaan a umin a ngentute kawmah Hagau Siangthou naah piah mahmah lou diing ahiai mah? a chi hi.

LUKE 12:12

Bang jiahin i chih leh Hagau Siangthou in a huntahin na soi diing uh ahung hilh diing hi, a chi hi.

LUKE 24:49

Huleh ngai un, ka Pa silchiam na tungvah ka hung sawl diing hi; hizongleh tunglama kipana silbawltheihna a thop na hih masiah uh Jerusalem khopi ah um kinke'n un, a chi a.

JOHN 14:16

Huleh Pa ka ngen diing a, ama’n nanguh Hamuantu dang ahung pe diing, na kawmva kumtuang a um diing in.

JOHN 15:26

Hizongleh Pa kawm apat na kawmva ka hung sawl diing, Hamuantu, Pa apat hung pawt, thutah Hagau ahung tun chiangin, ama’n ka tanchin a hesah diing hi.

JOHN 20:22

Hikhu a soi zohin a tungvah hu a haihkhum a, a kawmvah, Hagau Siangthou tangta un;

JOHN 7:39

(Hizongleh hichu ama’n amah gingtate’n a muh diing uh Hagau Siangthou a soi na ahi; ajiahchu Hagau Siangthou piah ahi nai sih a, Jesu paahtawia a um nai louh jiahin).

SILBAWLTE 10:41

Mi zousiah kawmah ahi sih a, hizongleh, Pathian in heetpihtu a guatlawhte kawmah chauh ahi, keiuh misi lah apat a thohkiit nunga a kawma ne a dawnte kawmah.

SILBAWLTE 2:33

Hujiahin Pathian khut jiatlam a paahtawi in a um a, huleh, Hagau Siangthou chiam chu Pa kawm apatin a mu a, na muh uleh na jah uh chu ahung leih ahi.