PHILIPPITE 4:9 - Thuhun Thah (BSI)

⁹ Keimah a na zilsa uh, na tansa uh, na jahsa uh, huleh na muhsa uh, hu silte chu bawl un; huchi'n hamuanna Pathian in ahung umpih diing hi.

PHILIPPITE 4:9 Iomraidhean Croise

MATTHAI 1:23

Ngai un, nungaah siangthou a gaai diing a, tapa a nei diing a, a min Immanuel a chi diing uh, huchu i kawmah Pathian a um chihna ahi."

MATTHAI 28:20

Thu ka hung piah zousiah jui diingin thuhilh un; huleh ngai un, kei bangchihtanin, khovel tawp dongin na kawmvah ka um diing hi, a chi hi. Amen.

MATTHAI 7:21

Lalpa, Lalpa, hung chi nazong vaan lalgam ah a luut sih diing uh; hizongleh ka Pa vaan a um deihzawng bawlte chu a luut diing uhi.

LUKE 6:46

Huleh nangun bang diinga ka soite bawlloupi a Lalpa, Lalpa, hung chi na hi viai?

LUKE 8:21

Huin ama’n a dawng a, a kawmvah, Ka nu leh ka unaute chu hi Pathian thu ngaikhia a juite ahi uh, a chi hi.

JOHN 13:17

Hi silte na heet unchu, bawl leh u’chin mi hampha na hi diing uhi.

JOHN 15:14

Thu ka hung piah photmah na bawl unchu ka lawmte na hi diing uhi.

JOHN 2:5

A nuin suaahte kawmah, Ama’n na kawmva a soi photmah bawl un, a chi a.

SILBAWLTE 9:6

Huleh, ama’n kithing kawm leh limdangsatahin, Lalpa, bang bawl diingin na hung deih ei? a chi a. Huin, Lalpa’n a kawmah, Thou inla khopi sungah luut in, huchi'n na bawl diing ahung na hilh diing uh, a chi a.

ROMETE 15:33

Ha muanna Pathian na bawnva kawmah um hen. Amen.

ROMETE 16:20

Huleh hamuanna Pathian in Setan chu tomkal louin na keeng nuaivah ahung tuandeensah diing hi. I Lalpa uh Jesu Khrist hehpihna na tungvah um hen. Amen.

KORINTHTE I 10:31

Hujiahin na neeh un hileh, na dawn un hileh, na bawl photmah uh Pathian loupina diingin bawl veh un.

KORINTHTE I 14:33

Pathian chu buaina Pathian ahi sih a, misiangthoute kouhtuam zousiah a ahih bangin hamuanna Pathian ahi zaw hi.

KORINTHTE I 4:16

Huchihjiahin ka umdan juitute hi diingin ka hung ngen hi.

KORINTHTE II 13:11

A tawp pen in, unaute, kipaahtahin um un. Hoihbukim in um unla, hamuangtahin um unla, lungsim munkhat pua unla, kituaahtahin um un; huleh lungsiatna leh hamuanna Pathian na kawmvah a um diing hi.

PHILIPPITE 3:17

Unaute, ka umdan hung juite hi chiat unla, huchibang a umte etton diing a na hung neihte uh chiamchih un.

PHILIPPITE 4:7

Huchi'n Pathian hamuanna heetphaah guallouh in, Khrist Jesu jalin na lungtangte uleh na lungsimte uh ahung veensah diing hi.

THESSALONIKATE I 1:6

Huleh hahsatna thuaahpum in, Hagau Siangthou a kipaah kawmin thu chu pom in, kei uleh Lalpa juite na hi uhi.

THESSALONIKATE I 2:14

Ajiahchu, unaute, Judia gam a Pathian kouhtuam pawl Khrist Jesu a umte juitute na hi va; amahun Judate laha a thuaah bangun, nangun zong na gam mite uh lahah na thuaah ve uhi.

THESSALONIKATE I 5:23

Huleh hamuan na Pathian ngei in napumun hung susiangthou heh; huleh na hagau uleh, na lungsim uleh, na tahsa uh i Lalpa uh Jesu Khrist hung chiang a soiselbei diingin humbit in um hen.

THESSALONIKATE II 3:4

Huleh ka hung thupiahte uh na bawl va, na bawl jel diing uh chih Lalpa ah ka hung muang uhi.

TIMOTHI II 4:22

Lalpa Jesu Khrist chu na hagau kawma um hen. Hehpihna na kawmah um hen. Amen.

JAKOB 1:22

Hizongleh nanguh leh nanguh kihem in, thu ngaikhetu chauh hilou in, thu juitute hi zaw un.

PETER II 1:10

Hujiahin unaute, nanguh hung kikouhna leh teelna suchian diingin thanop hung suah un: ajiahchu hite na bawl uleh chu na puuh ngei himhim sih diing uhi:

JOHN I 3:22

Huleh a thupiahte i juih a, a mitmuh a sil kipaahhuaite i bawl jiahin i nget photmah amah apat i mu hi.