PHILIPPITE 4:8 - Thuhun Thah (BSI)

⁸ A tawppen in, unaute, thutah photmah, sil zahum photmah, sil dih photmah, sil siangthou photmah, sil hoih photmah, a thang kilawm photmah; hoihna bang a um a, paahtawina bang a um leh, hi silte ngaihtuah un.

PHILIPPITE 4:8 Iomraidhean Croise

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

MARK 6:20

Ajiahchu Herod in John chu midihtat leh siangthoutah ahi chih a heet jiahin a lau a, a huuh veu a; a thu a jahin a lungdong a, hizongleh kipaahtahin a ngaikhe jel hi.

LUKE 16:15

Ama'n a kawmvah, Mite mitmuha siamtan tumte na hi uh; hizongleh Pathian in na lungtang uh a he hi; ajiahchu mihing laha paahtawia um chu Pathian mitmuh in sil kihdah huaitah ahi.

LUKE 2:25

Huleh ngai in, Jerusalem ah pasal khat a min Simeon kichi a um a; amah chu midihtat leh Pathian ngaihsahtah ahi a, Israelte hamuanna diing chu a ngaah zing a; huleh Hagau Siangthou a tungah a um hi.

LUKE 23:50

Huleh, ngai un, mi khat a min Joseph kichi vaihawmtu a um a; amah chu mipha leh midih ahi a;

JOHN 7:18

Koipouh amah phuaahthuh thusoi chu amah kipaahtawina diing hawl ahi; hizongleh koipouh a sawlpa paahtawina diing hawl chu, amah ngei chu mi dih ahi a, amah ah dihtat louhna himhim a um sih hi.

SILBAWLTE 10:22

Huleh amahun, Pathian apata angel siangthou khat in, Kornelia, sepaih zahoutu mi dihtah, Pathian laudan siam, Judami zousiah in a soiphat, kawmah na thusoi a jahna diinga, a inn a nang kousah diingin a hilh hi, a chi va.

SILBAWLTE 22:12

Huleh mi khat Anania, daan thu banga Pathian ngaihsah leh hua um Juda zousiah laha a soiphat uh.

SILBAWLTE 6:3

Hujiahin, unaute, na lahva Hagau Siangthou leh pilna a dim, mi min hoih ngen sagih teel un, amahuh chu hi sil ngaihtuahin i bawl diing uh.

ROMETE 13:13

Suuna um bangin dihtahin i um diingun; huhel leh zukham buai a um louin, huuh leh kingaihhaat a um louin, huleh kihau leh kithangsiat a um louin.

ROMETE 13:3

Vaaihawmtute chu silhoih bawlte diingin lauhuai ahi sih va, hizongleh migiloute diingin lauhuai ahi uhi. Ahihleh vaihawmtu lau lou a um na ut ei? Sil hoih bawl in, huchi’n a paahtaat na loh diing hi.

ROMETE 14:18

Hujiahin koipouh hi silte a Khrist natong chu Pathian kipaahpih leh, mihing paahtaat in a um veu uhi.

ROMETE 2:29

Hizongleh a sungnung lam a Judami hi chu Judami tah ahi; huleh zehtan tah chu lungsim lam a tan ahi, lehkha thu mai a hilouin, hagau ah ahi; amah paahtaat loh chu mihing apat ahi sih a, Pathian apat ahi zaw hi.

KORINTHTE I 4:5

Hujiahin a hun ma in, Lalpa hung masiahin, bangmah enkhe sih un, ama’n chu mial a sil kiphualte vaah ah ahung podoh diing a, huleh lungtang a ngaihtuahte zong ahung sulang diing hi; hu hun chiangin michin in Pathian phatna a tang chiat diing uhi.

KORINTHTE II 13:7

Huleh silgilou na bawl louhna diingun Pathian kawmah ka ngen hi; huchu keiuh deihhuai a ka kilat theihna diing uh ahi sih a, nangun keiuh deih louh hitamah le’ung, a kilawm photmah na bawl theihna diing uh ahi zaw hi.

KORINTHTE II 6:8

Zahbawlna leh zahbawl louhna in, soisiatna leh soiphatna in; mi heemtute bangin, midihtah hi ngal in;

KORINTHTE II 8:18

Huleh amah toh tanchinpha lama a phatna thu kouhtuam pawt zousiah a kithang unaupa chu ka hung sawl uhi.

KORINTHTE II 8:21

Lalpa mitmuh chauh ah hilouin, mihing mitmuh ah zong sil kilawm ka ngaihtuah jel uhi.

GALATIATE 5:22

Hagau gah ahihleh, lungsiatna, kipaahna, hamuanna, thuaahtheihna, jainemna, hoihna, ginumna,

EPHESITE 4:25

Huchi'n zuau soi tawpsan in, mi chinin a veengte kawmah thutah soi chiat un; ajiahchu eihaw khat leh khat kihiangtuah chiat i hi uhi.

EPHESITE 5:9

(Ajiahchu, Hagau gah ahihleh hoihna chinteng leh dihtatna leh thutah ah ahi).

EPHESITE 6:14

Hujiahin, na kawnguh thutah a gaah in, dihtatna awmphaw but in,

PHILIPPITE 3:1

A tawppen in, ka unaute, Lalpa ah kipaah un. A ngeimah gelh chu kei diingin chimtaah a huai sih a, nanguh diingin a hoihzaw hi.

KOLOSSITE 4:5

Hun lemtaang lei in, polam mite laha pilvaangtahin um un.

THESSALONIKATE I 4:12

Huchi'n polam mite lama kilawmtah a na um theihna diingun leh, bangmah taahsap na neih louhna diingun.

TIMOTHI I 2:2

Kumpipate leh thuneihna mun a um zousiahte a diingin zong; huchia Pathian ngaihsah leh zahumtah a hinkhua kituaah leh hamuanhuai i man theihna diingun.

TIMOTHI I 3:11

Huchimahbangin a jite u’zong mi zahum ahih ngei diing uh ahi, kamtam lou, kisuumthei, sil zousiah a ginum ahi diing uh ahi.

TIMOTHI I 3:4

Amah innsung vaihawm siam, zahumtah a, a tate thununsiam mi ahi diing ahi.

TIMOTHI I 4:12

Na naupanna koimah in musit sih heh; hizongleh haam kamsuaah ah, gamtatdan ah, lungsiatna lam thu ah, hagaulam thu ah, ginna thu ah, sianthouna lam thu ah, gingtute etton diing hizaw in.

TIMOTHI I 5:10

Sil hoih bawl lam a mi paahtawi a um a; tate khoi lian a, mikhualte na zintun a, misiangthoute keeng na silta a, mi gimthuaahte na panpihta a, sil hoih photmah thanuamtaha na bawl zou ahihleh.

TIMOTHI I 5:2

Piteehte chu nute bangin, nungaah deuhte chu sanggamnu bangin, siangthoutahin hasot in.

TITA 1:8

Mitaangphal hih ut, mihoihte ngaina, lungsimdih, midihtat, misiangthou, mikisuumthei ahih diing ahi.

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

TITA 2:2

Puteehte chu lungsim dihtah, zahum, kisuumthei, huleh ginna leh, lungsiatna leh, kuhkalna a dihtah hi diingin hilh in.

TITA 2:7

Sil zousiah ah sil hoih bawlna lam a etton diingin kimusah inla; thugin ah siatna um louhdan, a kipdan, a tahdan bang ensah in.

TITA 3:14

Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in.

HEBRAITE 11:2

Ajiahchu hi thu ah upate’n paahtaat a loh uhi.

HEBRAITE 13:18

Keiuh diingin hung haamteisah un; ajiahchu sil bangkimah dihtaha gamtat utin sialepha heetna hoihtah ka nei uh chih ka gingta uhi.

JAKOB 1:27

Pathian leh Pa mitmuh a sahkho biah siangthou leh buahbaang lou chu, nubei pabeite leh meithaite a gimthuaah lai va veh leh, khovel a niin baang lou a kikoih zing ahi.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 4:8

Huleh sil bangkim tungah phatuamngaitahin kilungsiattuah chiat un; ajiahchu kilungsiatna in sualna tampi a khuhkhum hi.

PETER II 3:1

Deihtahte, tu a na kawmva ka gelh, hi lehkhathot a nihna ahi: hute geel ah heetzingna thu daanin na lungsim chiimtahte uh ka tohthou ahi:

JOHN I 3:18

Ka tate haw, thu chauh in i lungsiat sih diing a, kam chauh in zong i lungsiat sih diing uh; hizongleh silbawl leh thutah in hizaw hen.

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.

JOHN I 4:1

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi.