PHILIPPITE 4:3 - Thuhun Thah (BSI)

³ Huleh nang, ka ngawngkol puaahpih muan um zong ka hung ngen hi, tanchinpha a ka natohpih numei haw le Klement zong, huleh hinna lehkhabu a min tuang, ka natohpih dangte panpih in.

PHILIPPITE 4:3 Iomraidhean Croise

LUKE 10:20

Himahleh dawite na thuthu va a um jiahin kipaah sih unla, vaan a na min uh gelh ahihjiahin kipaah zaw un, a chi a.

ROMETE 12:1

Hujiahin unaute, Pathian kawma na sapum uh kithoihna hing leh, siangthou leh, pomtaah hi diing a kilaan diingin Pathian khotuahna jiahin ka hung ngen hi, huchu na natoh diing va kilawm him ahi.

ROMETE 16:12

Lalpa a natong, Triphena leh Triphosa chibai hung buuhsah un. Lalpa a na hahtoh mahmah, deihtah Persi chibai hung buuhsah un.

ROMETE 16:9

Khrist a i natohpih Urba ne leh, ka deihtah Staki chibai hung buuhsah un.

PHILIPPITE 1:12

Hizongleh, unaute, ka tunga siltungte hi tanchinpha dalh semna diing a hung tung ahi chih na heet uh ka deih hi;

PHILIPPITE 1:16

Pawl khatte’n chu ka kolbuh a thuaahna belapsah tum in, a tahtah hilou in, kikalhna diingin Khrist a taangkoupih uh;

PHILIPPITE 1:27

Na umdan uleh Khrist tanchinpha kituaahsah phot un; hunga nanguh ka hung muh ahiai, ahihlouhleh ka um louha zong na tanchin uh, hagau khat a na dinkipdan uleh, lungsim khat nei a, tanchinpha thuginna a na pandan uh ka jah theihna diingin;

PHILIPPITE 1:5

A patni apat tuni tanpha a tanchinpha a na hung kipawlkhawmpihna uh jiahin;

PHILIPPITE 1:7

Na bawnva tungtaang thu a keima’n hichibang lungsim ka neih chu a dih mawng ahi; ajiahchu nanguh ka lungtang ah ka hung vom zing hi; ka kolbuhna leh, tanchinpha dihna thu leh suhkipna thu a ka hehpihna tanpihte na hi veh uhi.

PHILIPPITE 4:2

Lalpa a lungsim khat hi diingin, Euodia ka ngen a, Sintiki ka ngen hi.

KOLOSSITE 1:7

Epaphra, ka suaah tanpih uh ngaihtah, nanguh diinga Khrist natongtu ginumtah apat zong na heet taah mahbangun.

THUPHUANDOH 13:8

Huleh leitung a teeng zousiah, khovel siam chiil akipana thahsa Belaamnou hinna lehkhabua a min uh kigialloute’n amah a be diing uhi.

THUPHUANDOH 17:8

Hu na gamsa muh chu a umta a, huleh a um sih a, huleh kokhuuh tobei apat ahung pawtkhe diing a, manthaina ah a pailuut diing hi; huleh khovel siam chih apata hinna lehkhabu a, a min uh kigial lou leitung a teengte’n hu gamsa um lou leh, umta leh, hung um diing chu a muh chiangun limdang a sa diing uhi.

THUPHUANDOH 20:12

Huleh misite, a lian, a neu, Pathian ma a diing ka mu a; huleh lehkhabute a kihong a; huleh lehkhabu dang, hinna lehkhabu zong a kihong a; huleh misite chu hu lehkhabute a kigial bangin a natoh dungjuiun vaihawmsah in a umta uhi.

THUPHUANDOH 20:15

Huleh koipouh hinna lehkhabua kigial kimu lou photmah chu mei diil ah paihluut in a umta uhi.

THUPHUANDOH 21:27

Huleh hu sung a’chu bangchihmahin silbolhhoh leh, kihdahhuai bawl leh, zuau bawl himhim a luut sih diing a; hizongleh Belaamnou hinna lehkhabu a min tuangte chauh a luut diing uhi.

THUPHUANDOH 3:5

A gualzoupa chu huchimahin puan vaam silhsah ahi diing a; huleh a min chu hinna lehkhabu apat ka nawtmang sih diing, hizongleh ka Pa ma leh, a angelte ma ah a min ka gum diing hi.