PHILIPPITE 4:18 - Thuhun Thah (BSI)

¹⁸ Hizongleh sil bangkim ka nei a, ka hau hi; nanguh apat hung kithot silte, gimnamtui, kithoihna deihhuai, Pathian lungkimna chu, Epaphrodita khut apatin ka na muta a, ka kiningchingta hi.

PHILIPPITE 4:18 Iomraidhean Croise

HEBRAITE 13:16

Hizongleh sil hoih bawl leh silphal chu mangngilh sih un, ajiahchu huchibang kithoihnate ah Pathian a kipaah mahmah hi.

PHILIPPITE 4:12

Tasamtaha umdan ka he a, kiningchingtaha umdan zong ka he hi; mun chin leh sil zousiah ah gil vah leh gilkial a um theihna leh, hautah leh tasam a umdan hilhin ka umta hi.

KORINTHTE II 9:12

Ajiahchu hi natohna in misiangthoute taahsap awng a huhsah chauh ahi sih a, Pathian kawma kipaahthu soina tampi in a luang let hi.

EPHESITE 5:2

Khrist in ahung lungsiat a, ei u’diing a Pathian kawma silpiah leh kithoihna namtui diinga a kipiah bangin, lungsiatna ah um un.

PETER I 2:5

Nanguh zong suang hingte bangin, Jesu Khrist jiaha Pathian deihzawng hagaulam kithoihna laan diing a siampu siangthou leh hagaulam inn a lamtouhna hi uhi.

THESSALONIKATE II 1:3

Unaute, na ginna uh nasatah a a khanlet a, na bawnva na kilungsiattuahna uh a punsem jiahin, na tung thu vah, hihtuaah ahih mahbangin, Pathian kawma kipaahthu soi zing diing mawng ka hi uhi.

ROMETE 12:1

Hujiahin unaute, Pathian kawma na sapum uh kithoihna hing leh, siangthou leh, pomtaah hi diing a kilaan diingin Pathian khotuahna jiahin ka hung ngen hi, huchu na natoh diing va kilawm him ahi.

SILBAWLTE 10:4

Huin, Kornelia in amah a et leh, a lau a, Lalpa, bang ahitai? a chi a. Huin, angel in a kawmah, Na haamteinate leh na silpiahte heet zing diingin Pathian ma ah ahung tung touta hi.

KORINTHTE II 11:8

Nanguh nna ka hung tohsah theihna diingin, amahuh apat loh la in, kouhtuam pawl dangte chu a neih uh ka laahsah hi.