PHILIPPITE 3:2 - Thuhun Thah (BSI)

² Uite lahah kiveeng un, silgilou bawlte lahah kiveeng un, tahsa kisoisate lahah kiveeng un.

PHILIPPITE 3:2 Iomraidhean Croise

MATTHAI 24:10

Huleh mi tampi a puuh diing va, khat leh khat a kimansah diing va, khat leh khat a kimudah diing uh.

MATTHAI 7:15

Zawlnei tahloute na lahva belaam vun silha hung a, hizongleh a sungnunglam va ngei haangsantah hingalte lahah pilvaang un.

MATTHAI 7:6

Uite kawmah sil siangthou pe sih unla, voh ma-ah zong na tuikep suang uh paai sih un; amahun hute chu a keeng un a chilse diing va, huleh hung kiheiin nanguh ahung baljahkha diing uhi.

ROMETE 2:28

Ajiahchu a polaang chauh a Judami hi chu Judami tah ahi sih a, a kilang a tahsa chauh a zehtan zong zehtan ahi sih hi.

KORINTHTE II 11:13

Bang jiahin ahiai i chih leh huchibang mite chu Khrist sawllehte a kibawlthuh, natongtu heemhaatte, sawlleh tahloute ahi uhi.

GALATIATE 5:13

Ajiahchu, unaute, zalen diing a kou na hi uh a, na zalenna uh tahsa diing a lemtaanna in zang sih unla, lungsiatna in khat leh khat nna kitohsah zaw un.

GALATIATE 5:15

Hizongleh na kikeih va, na kineehtuah uleh na kisuhmang louhna diingun pilvaang un.

GALATIATE 5:6

Bang jiahin ahiai i chihleh Jesu Khrist ah zehtan bangmah a phatuam sih a, zehtan louh zong bangmah a phatuam sih hi; lungsiatna a tong ginna chu a phatuam hi.

PHILIPPITE 3:19

A tawpna u’chu manthaina ahi a, a Pathian u’chu a gilpi uh ahi, huleh a loupina u’zong a zumna uh ahi, leilam silte a ngaihtuah uhi).

PHILIPPITE 3:3

Ajiahchu ei u’chu hagau a Pathian bia zehtante i hi a, huleh Khrist Jesu ah i nuam mahmah a, tahsa ah chu suan diing i nei sih hi.

TIMOTHI I 1:19

Ginna leh sialepha heetna hoih chu tukip in; huchu mi khenkhatte’n a paaikhia va, ginna lamah kuang sia bangin a keehgawpta uhi;

TITA 1:16

Pathian ka he chi'n a kam un a phuang va; hizongleh a silbawl un a nual uhi, kihdah umte, thumangloute, sil hoih bawl lam photmah a Pathian deih louh lam mite ahi uhi.

PETER II 2:22

Ui amah luaah maha kiihkiit a, vohpi kisilsiangsa buannawi a kisil diinga kiih, chih thupil dihtah bangmahin amahuh tungah ahung um zawta hi.

JUDE 1:4

Ajiahchu ma laipeh a hih siamlouhna tang diing a guatsa, Pathian ngaihsah lou leh, i Pathian uh hehpihna chu huuhna suaahsah a, huleh Lalpa Pathian khat chauh um leh, i Lalpa uh Jesu Khrist gingta lou, a guuh a hung luut mi koite aha a um uhi.

THUPHUANDOH 2:9

Na natohte leh, gimthuaahte leh, na zawndan (hizongleh na hausa hi) ka he hi, huleh Judami hiloupi a ka hi uh chi, Setan kikhopna inn hingal, hute Pathian soisiatna ka he hi.

THUPHUANDOH 21:8

Hizongleh meidawite leh, gingtaloute leh, kihdahumte leh, tualthatte leh, tohuuhte leh, bumhaatte leh, milimbete leh, zuau haatte zousiah tan diing chu mei leh kaat a kaang diil ahi a; huchu sih nihna ahi.

THUPHUANDOH 22:15

Ajiahchu polamah uite, bumhaatte, tohuuhte, tualthatte, milem bete, huleh koipouh zuau ngaina leh bawlte a um uhi.

THUPHUANDOH 3:9

Ngai in, Setan kikhopna inn a mi, Judami hiloupia ka hi chia zuau soite; ngai in, hute chu ka hung pia a, amahuh chu hungin na keengbulah ka hung besah diing a, nang ka hung lungsiat chih ka hesah diing hi.