PHILIPPITE 3:19 - Thuhun Thah (BSI)

¹⁹ A tawpna u’chu manthaina ahi a, a Pathian u’chu a gilpi uh ahi, huleh a loupina u’zong a zumna uh ahi, leilam silte a ngaihtuah uhi).

PHILIPPITE 3:19 Iomraidhean Croise

MATTHAI 16:23

Hizongleh amah chu a kihei a, Peter kawmah, Setan, ka nungah pai in; kei diingin puuhna na hi; nang Pathian silte ngaihtuah louin mihing silte na ngaihtuah zawh jiahin, a chi a.

MATTHAI 25:41

Huzohchiangin a veilama umte kawmah, Nanguh haamsethuaahte, ka kawm apat chiahmang unla, kumtuang mei, diabol leh a sawllehte diing a a bawl vah luutta un;

LUKE 12:19

Huleh ka hagau kawmah, Hagau, kum tampi sunga diing thuampua tampi na neita a; kitawlnga inla, ne in, dawn in, huleh nuamtahin um in, ka chi diing, a chi a.

LUKE 16:19

Mi hausa koiaha a um a, puan sandup leh puan malngaat a silh a, ni chinin nuamsatahin a um a.

LUKE 18:4

Huleh amah chu tomkhat sunga ut sih a; hizongleh a nungin a lungsim in, Pathian lau louin mihing bangmahin sim sih mahleng,

ROMETE 16:18

Bang jiahin ahiai i chih leh hutobang mite’n i Lalpa uh Jesu Khrist nna a tong sih va, amahuh gilpi nna a tong zaw uhi; huleh kampha leh kamsia min mimawlte lungsim a heem veu uhi.

ROMETE 6:21

Ahihleh tua na sil zumpihte vah hulaiin gah bang ahiaileh na neih uh? Hu silte tawpna lah sihna ahi ngal a.

KORINTHTE I 3:3

Ajiahchu nanguh na tahsami nalai uhi; bang jiahin ahiai i chih leh na lahva kithangsiatna leh, kinialna leh, kipawlkhenna a um zing jiahin tahsami hi nalaiin, mihing bang a um nalai hilou na hi u'maw?

KORINTHTE I 5:2

Huleh huchibang silbawlpa chu na lah vapata nohdoh diing a lungngaih naahsangin na kiuahsahpih zaw uhi.

KORINTHTE I 5:6

Na kisahtheihna uh a hoih sih hi. Tol themchakhat in tanghou beu a pum in a zelsuaah veu hi chih na he sih u'maw?

KORINTHTE II 11:12

Hizongleh lemtaanna deihte apat lemtaanna ka saattan theihna diingin, ka bawl chu ka bawl jel diing hi; a kisuanna va keiuh banga ahung um theihna diingun.

KORINTHTE II 11:15

Hujiahin a natongtute zong dihtatna natongtute in kibawl le uh huchu sil loupi ahi sih hi; a tawpna u’chu a natoh bang dungjuiun ahi diing hi.

GALATIATE 6:13

Ajiahchu, amahuh zehtante mawngin zong daanthu a jui tuan sih uhi, na tahsa va suan diing a neih theihna diingun zehtan le u’chin chih a deih phet uh ahi.

PHILIPPITE 2:21

Bang jiahin ahiai i chih leh mi zousiah in Jesu Khrist silte hawl louin, amahuh a diing chiat a hawlta uhi.

KOLOSSITE 3:2

Tunglam a sil umte ah na lungsim uh nga un, lei a sil umte a nga louin.

THESSALONIKATE II 1:9

Amah u’chu Lalpa ma leh a silbawltheihna loupitaha kipanin kumtuang manthaina ah gawt in a um diing uh.

THESSALONIKATE II 2:12

Thutah gingta lou a, dihtatlouhna kipaahpih zawte a bawnva siamlouh tansaha a um theihna diingun.

THESSALONIKATE II 2:8

Laahmang ahih chiangin migiloupa chu ahung kilang diing a, Lalpa Jesu’n amah chu a kam huin a kaangtum diing a, ahung kilaahna vaah in a sumang diing hi.

TIMOTHI I 6:5

Lungsim gilou nei a, thutah nei lou minialhaatna bang ahung suaah veu hi; huchibang mite chu Pathian ngaihsah punna a ngai mi ahi uh; huchibang mi apat kihemkhia in.

TIMOTHI II 3:4

Leptatte, ngongtatte, kingaisangte, Pathian lungsiat sanga amahuh kipaahna ngaina zote bang ahi diing uhi.

JAKOB 4:16

Hizongleh tuin na kiuahsahnate vah nuam na sa uh; huchibang nopsahna zousiah chu sual ahi.

PETER II 2:1

Hizongleh mite laha zawlnei tahloute zong ana um veu mah bangin, na lahva zong houtu tahloute ahung um diing uh a, amahun chu, amahuh leipa Lalpa hilhial kiheetmohbawl in, siamlouh tangsah thei gintuamnate a guuh in ahung luutpih diing va, amahuh tungah thakhat a siatna a tungsah diing uhi.

PETER II 2:13

Huleh suun lai a ankuang lui buai nuamsa mi ahih jiahun dihtatlouhna man a mu diing uhi. Na kawmva ankuang a lui un, amahuh kihema ankuang lui ahih jiahun, thanghuaina soisiatna ahi uhi.

PETER II 2:3

Huleh huaihamna jiahin zuauthu in sumkolveina diingin nanguh ahung nei diing uh: nidanglai a, a tungva vaihawmna chu a khawl sih a, a siamlouhtanna uh zong a ihmu sih hi.

JUDE 1:10

Hizongleh hite’n chu sil a heet louhte uh a soisia va; ngaihtuahna nei lou gamsate banga pianken heettheihna a a heet uh hu silte ah amah uleh amahuh a kisusesuaah uhi.

JUDE 1:16

Hihaw chu phunhaatte, nialhaatte, amahuh ut zawngzawng a gamtaangte ahi uh; a kam un kiuahsahna thu loupi tahtah a soi va, lawhna deih man a mi paahtawi chiingmi ahi uhi.

JUDE 1:4

Ajiahchu ma laipeh a hih siamlouhna tang diing a guatsa, Pathian ngaihsah lou leh, i Pathian uh hehpihna chu huuhna suaahsah a, huleh Lalpa Pathian khat chauh um leh, i Lalpa uh Jesu Khrist gingta lou, a guuh a hung luut mi koite aha a um uhi.

THUPHUANDOH 18:7

A kiloupisahdan leh, a noptatdan bangjel in bawlgim unla, sulungkham un; ajiahchu ama’n a lungtang in, Kumpinu in ka tou a, meithai ka hi sih, ka lungkham ngei sih diing, a chi hi.

THUPHUANDOH 19:20

Huleh gamsa chu matin a umta a, huleh zawlnei tahlou, gamsa chiamchihna neite leh, a lim bete a heemna a, a ma a silmah bawltu zong amah toh matkhawm in a umta a; hite geel chu a nihun kaat a kaang mei diilaha hinga paihluut in a umta uhi.

THUPHUANDOH 21:8

Hizongleh meidawite leh, gingtaloute leh, kihdahumte leh, tualthatte leh, tohuuhte leh, bumhaatte leh, milimbete leh, zuau haatte zousiah tan diing chu mei leh kaat a kaang diil ahi a; huchu sih nihna ahi.

THUPHUANDOH 22:15

Ajiahchu polamah uite, bumhaatte, tohuuhte, tualthatte, milem bete, huleh koipouh zuau ngaina leh bawlte a um uhi.